.
.
.
المستشفى ~
كان طلال ومحمد جالسين عند رجول امهم وابوهم ويواسونهم .
ام محمد / وش فيه علموني وش قالكم الدكتور ؟
محمد ناظر لطلال ومو عارف كيف يقول لاامه / يمه مابوه شي بس بنتأكد شوي من كلام الدكتور وابشري بعلمك
رفعت راسها ام محمد وهي تدعي لولدها من كل قلبها ان يقوم سالم ومتعافيالمُخيم ~
تجمعوا البنات بالخيمه يلعبون ويسولفون فجأه قامت لين من بينهم تروح لخيمتها دخلت الخيمه ولقت يوسف جالس فيها ، انسدحت وغمضت عيونها بهدوء كان هو جالس ومعطيها ظهره وبعد دقايق لف عليها / قومي جهزي اغراضك بنطلع من المُخيم
فتحت عيونها وناظرته / ليه ؟
قام وطلع عنها بدون لا يرد .. زفرت بضيق وقامت تجمع اغراضها واغراضه معها .
يوسف / يمه انا ولين بنرجع للشقه ل...
ام سيف / ليه وراكم عسى ماشر ؟
يوسف / لان والله يايمه تعبانين وهي بعد من جينا مهي طبيعيه
ام سيف / الله يستر عليكم اجل
طلع يوسف يقول لاابوه نفس الكلام وطلع
طلع وراه سليمان ومسكه / يوسف
يوسف / هلا
سليمان / ماادري وش اللي حاصل بينكم لكن انتبه تتهور بقرار تتخذه وتندم عليه بعدين !
تنهد يوسف وضرب كتف سليمان بخفه / لاتشيل هم يااخوي معليك
لف يعطيه ظهره يطلع يركب سيارته وينتظر لين تطلع عشان يحركبالمستشفى ~
جاء الدكتور يمشي على غرفة العنايه المركزه بس مسكه طلال يسأل عن حالة نايف وكان الكل واقف وخايف من اللي بيقوله الدكتور
الدكتور / أنا أسف لكن يحتاج لعمليه لانه الأصابه جت بأخر ظهره العمليه أذا نجحت الحمدلله واذا م نجحت لاقدر الله .... أحتمال يُصاب بالشلل ..
شهقت ام محمد وقامت تصيح مسكها ابو محمد يحاول يواسيها ولا قدر عليها لان اساساً هو حالته نفس حالة مرته واسوء
محمد / لاحول ولا قوة الا بالله ، طيب متى موعد العمليه يادكتور ؟
الدكتور وضّاح / اكيد هاليومين لكن بندرس حالته وبعدها نقرر !
في هاللحظه جت ليان تركض وتبكي ومسكت طلال / وش فيه نايف علموني !
ناظرها الدكتور وضّاح ودق قلبههه بقوهه لف عنهم بسرعه ومشى يدخل الغرفه يحاول ينسى الشعور اللي حس فيه قبل ثواني ..
جلسها محمد يهديها ويشرح لها عن حالة اخوها وقالها انها لازم تقوي نفسها عشان امه وابوه م يتعبون اكثرر ..المُخيم ~
طلعت لين للسياره بهدوء بدون حتى لا تسلم على عمتها وعمها ، ركبت وسكرت الباب بعد م ركبت الاغراض بالمرتبه اللي ورا / وين رايحين ؟
م رد على سؤالها يوسف وتوجه لبيت هي تعرفه زين !
بعد ساعه تقريباً بالطريق وصلوا لبيت المقرن .. وقف السياره ناظرته هي وبلعت ريقها وقالت بصوت مهزوز / يوسفف؟
شدّ على الدركسون وزفر بقوه غمض عيونه ونطقها / انتِ طالق
نزلت دموعها وشهقت حطت يدها على فمها تناظره بصدمه / انزلي لبيت اهلك وخوذي شنطتك معك !
بعد دقايق من صوت شهقاتها المسموع ناظرها هو واوجعه قلبه من منظرها لكنه دعس على قلبه وشوره وبقى مصمم على انه يبقى بعيد ولا يرجع ذاك القريب
نزل هو من السياره يروح لجهة بابها يفتحه نطق بحدة صوته / وش تنتظرين؟؟؟
نزلت هي بصدمه نفسيه حصلت لها م توقعت الامور توصل لهالدرجة ابداً مشت توقف عند باب اهلها ساكته ، نزل شنطتها يحطها جنبها يدق الجرس يرجع للسياره يركبها ويحرك لمكان مجهول ..
كانت مصدومه كيف نزلها كذا ومشى ولا كأنه صار شي ؟ معقوله كان لهالدرجة قاسي وولا يهمه ؟ ، فتح الباب فارس وبسرعه وقبل يلمح ملامح وجه اخته ضمها وهو مبسوط / كنتي تقولين ماراح اجيكم لو تزوجت وشوفي الحين شلون جيتي ! ها بشري اسبوع ولا يومين تبقين عندنا؟
صار صمت لمن سمع صوت بكاها وخصوصاً لمن ضمته بقوه تحط راسها على كتف اخوها / مهو اسبوع ولا يومين .. يمكن للأبد !
رفع راسه مصدوم من منظر اخته شد على أكتافها وقال بحدة صوته / وش فيككك ؟؟؟
رفعت راسها وناظرت اخوها تكلمت بغصه اوجعت قلب اخوهاا وذبحته / طلقنيي
طارت عيون أخوها م توقع ابداً يكون هذا حال اخته بعد شهور من زواجها وقبل مرور السنه !
فارس / متى طلقك قليل الخاتمه
لين / قبل شوي
زفر فارس يسحب اخته ويشيل شنطتها للداخل ، دخلت لغرفتها على طول تتمددت على السرير تسمح لدموعها ينسابون على خدودها بكت بحرقه خصوصاً انها انظلمت ! وفارس اللي حرق جوال يوسف بالاتصالات لكن دون رد من جهة يوسف ابداً ..ثاني يوم الصباح ~
عند لين اللي م نامت وهي تفكر بكل شي حصل بينها وبين يوسف وكيف ظلمها وولا كلف نفسه انه يسمع لها ابداً ، وعند ام محمد اللي طول الليل تصلي وتدعي لولدها يقوم بالسلامه وليان اللي نايمه عندها وم تركتها لحظه ، اما اللي بالمُخيم اللي كلهم متونسين وكان اخر يوم لهم بالمُخيم بيطلعون ويتقضون ويجهزون لرمضان اللي كان على الابواب ! ،هديل / احس ماابي ارجع للبيت المكان هنا يجنن
العنود / والله اني مثلك ماابي
رغد / يجنن المكان بس احس اني تعبت مره مدري كيف اشرح لكم
جت العنود بتتكلم لكن سكتت لمن انفتح باب المُخيم ودخل يوسف ناظرها ولف عنها يدخل لاابوه بالخيمه
يوسف / السلام عليكم
ناظره ابوسيف وهو مستغرب / وعليكم السلام ، شسالفه يولد ؟ وشبها حالتك هلون ؟
بلع ريقه يوسف وجلس عند ابوه على ركبه / طلقتها
شهق كل من في الخيمه من الصدمه !
ام سيف / كيف طلقتها و ليه ؟؟؟
يوسف / لسبب بيني وبينها المهم اني طلقتها وخلاص
لمياء / صاحي انت؟؟ سبب بينك وبينها وش فيه تكلم !
ابو سيف / الله يسود وجهك وش تبيني اقول لاابوها الحين وش!!!!
تنهد بضيق وقام وطلع وهو يتسمع على صراخ ابوه
العنود / شسالفه ؟!
م رد عليها يوسف طلع من المُخيم وحرك سيارته قامت العنود تسأل وش صاير دخلت الخيمه هي ومشاعل اللي طلعت من المطبخ / شفيكم ؟
ابو سيف / اسود الوجه اخوك طلق مرته !
شهقت العنود ومشاعل معها / طيب ليه !!
ام سيف / يقول سبب بيني وبينها ياويل حالي عليك ياوليدي !
مشاعل / يسوقها ذا السبب واضح كايد والمفروض م يغيبه عننا !!!
طلعت العنود تقول للبنات عن اللي حصل والصدمه على وجيههم .المقرن ~
فارس / يبه تدري ان لين جايتنا اليوم ؟
ابوعتيق / ياهلابها وينها ؟
فارس / بس م تدري ليه جايه ؟
ام عتيق / وشبك ياولد وليه جايه جايه تتونس اكيد !
فارس / لا يايمه بنتك جايه مطلقه !
شهقت ام عتيق وقال ابو عتيق بحده / انت وش تقول !!!
فارس / اي والله يايبه وقليل الخاتمه منزلها عند الباب ورايح اتصل فيه م يرد
ابو عتيق / اتصل على ابوسيف تحرك !
رفع الجوال يتصل على ابو سيف وام عتيق قامت تشوف بنتها وهي تبكي
دخلت غزفة بنتها ومشت بسرعه تجلس عند بطنها / لينن
فتحت عيونها لين تناظر امها جلست تحتضنها وتبكي من كل قلبها ، ام عتيق / يابنيتي وش اللي حاصل وش صارر ليه طلقك ليه !!
لين / يمه انا اللي غلطت هو مو غلطان بشييي لاتظلمونه
ام عتيق / وش اللي انتِ مسويه تكلمي وش فيك !
لين بقت ساكته وتصيح لين م دخل فارس وابوعتيق الغرفه جلس جنبها فارس وابوها على الكنبه الصغيره اللي جنب السرير
فارس / م تدرين يوسف وين راح ؟
لين / لا
ابوعتيق / تونا كلمنا ابوسيف يقول ان يوسف قالهم لسبب بيني وبينها ورفض يقولهم !
بلعت ريقها لين وناظرت ابوها / ايه
ابوعتيق / وش السبب علميني
لين / سمعني ورا المطبخ اكلم
فارس / طيب وشفيها ؟
بكامل رجفتها كملت كلامها وقالت / بس ماكنت اكلم بنت
فز فارس يمسكها من يدها ويشد عليها / وش تقولين انتِ!!!!
بلعت ريقها تناظر اخوها / كان الرقم غلطان لكن هو فهمني غلط
ابوعتيق / رقم غلطان وتكلمينه ورا المطبخ ؟؟
ناظرت ابوها ونزلت دموعها فهموها غلط بسبب ترتيب كلامها اكيد ماراح يصفون نيتهم ويسمعون لها
فارس / من كنتي تكلمين !!
لين / مااعرف مين اقولك غلطان
دخل عتيق على صراخ فارس / خير خير وش هالصراخ اللي واصل للشارع
هنا لين انهبلت لو قالوا لعتيق عن اللي حاصل بيذبحهاا !.
.
.أنتهى 🌷.