.
.
.
ابوعتيق / تعال شف اختك المطلقه اللي م تستحي وش مسويه
بكت بقوه وناظرت عتيق / والله م سويت شيي
مشى عتيق يجلس جنبها / مطلقه ؟
هزت راسها بمعنى ايه
عتيق / ليش وش صاير ؟؟؟
كانت بتتكلم لين لكن قاطع كلامها ابوها / م شاء الله زوجها ماسكها ورا المطبخ تكلم ولد
جن جنون عتيق وقال بحدة صوته / وشووو؟؟؟؟
مسكت لين اكتاف اخوها عشان تهديه لكن مافي فايده / لا تفهموني غلط اسمعولي تكفون تكفى يااخوي
شد شعرها بقوه وقال / انا بكلم يوسف وافهم منه الموضوع
ام عتيق / اي تكلمه اي بطيخ ياصار حتى اخوك فارس م يرد عليه !
عتيق / انا اعرف شلون اخليه يرد
، طلع من عندهم كل شياطين الدنيا على راسه ناظرت اهلها اللي طلعوا ورا اخوهم وقفلوا عليها باب غرفتها ، رفعت جوالها واتصلت على ذياب وليتها م اتصلت / حسبيي الله عليك ياكلب
ذياب / افا ياحلوتي وراك تحسبين وتسبين ؟
لين وهي تبكي وتهمس / يوسف طلقني كله منككك
ضحك بعلوا صوته وقال / يادنيتي معليك انا بجي اعوضك
لين / تخسى وتعقب ماراح تجي !
قفلت بوجهه بعد م سمعت ضحكه وانسدحت تصيح وتفكر باللي حصل
وعند عتيق اللي بعد معاناة رد يوسف
عتيق / وينك فيه ؟
يوسف / قريب ليه ؟
عتيق / وتسأل ليه ؟ تعال للبيت بنتفاهم
يوسف / ماراح اجي ولا اتفاهم ، اختكم وطلقتها والله يستر عليها ويوفقها مع اللي احسن مني
عتيق / ماتبي تقول السبب ؟ ولا خايف ؟
ضحك يوسف وقال / وليه اخاف المفروض هي اللي تخاف مهو انا !
عتيق / اجل تكلم لاتتهرب !
زفر يوسف واستغفر / لقيتها ورا المطبخ متغيبه وتكلم حبيب القلب واذا منت مصدق اضرب براسك اقرب جدار
قفل بوجهه وعطى رقم عتيق حظر / جاي يسألني بدال لا يسألها ، غبي
عتيق ناظر ابوه اللي حط يدينه على راسه / سودتت وجهي ونزلته للارض هذي اخر تربيتي فيها ؟
فز عتيق من كلام ابوه اللي عطاه طاقه سلبيهه على اخته صعد الدرج مثل المجنون يدخل على غرفة اخته اللي توها نامت يشد شعرها بكل قوته صحت لين تبكي وتضربه عشان يبعد عنها ضربهااا عتيق الين م خلى الدم ينزف منها ! طاحت بالارض وهي تنزف وتبكي بدون صوت ، طلع عتيق وضرب الباب وراه .
بعد العده اللي كانت اسوء ايام لين وخصوصاً انها كل يوم تنضرب وتتعذب وتنهان ، كان اسوء من ذا كله لمن اتصل ذياب على ابو عتيق يخطب بنته وعطاه كلمته ابوعتيق بانه يجي ويجيب اهله .
عتيق / والله اني ماارتاح له
فارس / المهم يجي واحد يستر عليها
حمد / اللي بفهمه انا هو شلون درى انها تطلقت وليه بعد م خلصت العده على طول جو ! وليه تذكرنا بعد كل هالسنين
عتيق / مو مهم كل ذا ومثل م قال فارس المهم واحد يستر عليها ! اليوم بالليل بيجون واكيد الشوفه الشرعيه اليوم
ام عتيق / شكلها مشوه وينها وين الشوفه الشرعيه !
عتيق / لا طلب الشوفه محنا رافضين زيني بنتك يايمه
قامت ام عتيق تقول للين عن اللي جاي يخطبها ،
نرجع بالزمن لـ ١٤ رمضان —
الخلف ~
بعد اجراء العمليه اللي صارت ٧ رمضان ونجاحها ، كانوا كليوم يزورون المستشفى عشان يشوفون ولدهم اللي بيطلع هاليومين
هديل / الحمدلله على سلامتك يااخوي والله يوم دريت انهبلت وخصوصاً اني دريت بعد العمليه
ابتسم نايف وقالت ليان / يلا عاد قم وارجع لنا بالسلامه بنسوي حفله ونستانس فيك
نايف / ان شاء الله قريب ، لكن قبلها وحده منكم تجيب لي اكل تراني جوعان
ليان / امي بتجي شوي وتجيب معها لكن بقوم ادور لك شي يسد جوعك لين تجي امي
طلعت ليان وبقت هديل عند اخوها بالغرفه ، صارت تتمشى بالاسياب عشان تجيب شي لااخوها لكن فجأه طلع لها الدكتور وضّاح من حيث لا تحتسب شهقت بقوه وحطت يدها على فمها / بسم الله !
الدكتور وضّاح / بسم الله عليك ! وش فيك
زفرت و قالت / لا ولا شي بس بسألك
وضّاح / امريني
رفعت نظرها ليان له وناظرته وبعد ثواني بلعت ريقها وقالت / اخوي نايف جيعان ومدري من وين اخذ له اكل
ابتسم وقال / لاتتعبين نفسك ارجعي للغرفه وانا بقولهم يجيبون له
ام محمد / يا ليان
لفت ليان على امها / هلا
ام محمد / هاك الاكل هذا لااخوك وديه اكيد جويع الحين !
ليان / اي انا جايه ادور له شي ياكله
مشت تاخذ الاكل من يد امها وتناظر الدكتور وضّاح وتمشي تعطيه ظهرها
ام محمد / معليش ياولدي اتعبناك معنا
وضّاح / افا يايمه حق وواجب علي وتعبكم راحه
ام محمد / تعال معي
مشى معها وضّاح وهو مستغرب ، دخلت الغرفه وبقى وضّاح واقف عند الباب
ام محمد / خذي هالصحن وديه للدكتور وضّاح واقف برا
وقفت ليان تاخذ صحن البلاستيك اللي حطت فيه اكل امها للدكتور وطلعت تمشي للباب ، مدت الصحن له وناظره بصدمه / وش هذا ؟
ليان / اكل ، خذه
مد يده وصّاح يمسك الصحن من تحت حتى مع حرارته بس عشان م يلمس يدها بالغلط ، ابتسمت من حركته من هالحركه اكتشفت انه جنتل مان وبقوه ناظرته وهي مبتسمه ابتسم لمن شافها تبتسم وتناظره / يملا العافيه
ليان / الله يعافيك يارب
مشت ترجع لورا بتسكر الباب ولف ظهره وضّاح يمشي لعيادته الخاصه لجل ياكل اكله
