الفصل الثاني
أنهى محمود السيارة ثم عاد باتجاه منزله يعطي المفتاح لتولين، سماوات تتعرف على والدتها أو الأصح تلقي سحرها الذي يسيطر على الجميع عليها، مايا لا تُبالي أبدًا بكل ما يحدث، حسنًا لو عليها لدعت ربها من قلبها أن يتزوج محمود أخرى ويطلقها
دخلت والدته مع مايا قائلة : ما تجيبي حاجة للضيوف! ينفع منك كده، من أمته البُخل ده
تجاهلت الرد وهي تتجه للمطبخ بينما ذهبت والدتها لغرفتها، عادت وجدت تولين تقول : حياته جميلة وبيته كمان، يليق بإيد صفوت الشاذلي اليمين فعلاً
ردت سماوات : اصلا صفوت الشاذلي بيحبه عن ابنه وانا كمان
ردت تولين ضاحكة : بتحبيه عن ابنك؟
انفجرت ضاحكة كذلك تولين واردفت : محمود دا والله العظيم لقطة ويا ريت بس يبصلي، الواد ده من حلاوته لففلي دماغي! طريقته محترمة اوي وهادي وشكله حنين وأنا اموت في الحنين
ربطت تولين على يدها قائلة : أيوه امثالك فعلا محتاجين واحد حنين عشان لو صعب هيدغدغ
أشارت سماوات قائلة : اهو اللي ذي محمود دا يدغدغني مش العكس، انا عايزاه حمش كده ذيه طول بعرض، وسيم، عيونه زرقا ذيي، ضحكته حلوة
بدأت تعدد صفاته التي لم تلفت انتباه مايا نهائي، قد استعجبت أن الكثير يلتفت إلى محمود إلا هي، وضعت ما بيدها ثم جلست دون حديث
دق الجرس ثم فتحت مايا، دخل محمود يعطي المفتاح لتولين قائلاً : خدي واجبكم وانا هوصلكم، مينفعش تمشوا لوحدكم
ردت مايا ببرود : ما يباتوا هنا احسن!
سماوات بحماس : فكرة تجنن
ضربتها تولين التي قالت وهي تقف : لا ملوش لزوم خالص وخليك يا كابتن احنا هنروح
مسكت سماوات طبق الحلويات قائلة : طب ناخد ضيافتنا الأول
أغمضت تولين عيناها من الاحراج وضحك محمود رغمًا عنه، واردف : اقعدي لحد ما تخلص، بس إزاي تربية رياضية وكده!
ردت تولين : مشوفتهاش واحنا في بيت سليم من شوية، يا حرام كان ناقص تاكل البيت
سليم!
نظرت مايا لها بانتباه واردفت : سليم مين؟
أشارت بيدها قائلة : واحد في الحارة التانية كده، هو مهندس وكان حصل مشكلة..
تدخلت سماوات بحماس لا تعي لما تقول : عيل خدله حتة علقة من مالك باشا ابو تولين عشان لما قابلته كانت هتخبطه بالعربية ف المهم بجح فيها، بعت ناس رنوه حتة علقة بس وربنا غلطان، كان اداني حق نفر واحد وانا كنت هرسته في الجامعة، المهم جينا عشان نعتذر منه وكده واصلا الواد سليم ده مرتبط بالبت نجمة اختي الصغيرة، منا هشرح ليك اصل انا ليا توأم اسمها شمس، واخت كبيرة اسمها قمر، واحنا الأربعة شبه بعض نسخة طبق الأصل، المهم بقى البت قمر دي مطلقه بالتلاتة بس بتحب طليقها بس مش هيعيشوا في الحرام، البت شمس عيلة خرعة اوي يا محمود في هندسة وكان النهاردة عندها دكتور ...
أنت تقرأ
لقلبك جزاء وانانيتي نصيب " وكفى به "
General Fictionعلاقة أنانية & علاقة مُهشمة لو تطلعتم على الغيب لاختارتم الواقع، كُن على يقين يا ابن آدم أن الله لا يختار لك سوا الخير هو لا يعبء لأي شيء سوا أحلامه عكس أخاه الذي يعبء حتى لأنفاسه في الدنيا ليس عليه عبء يحمل مسئوليته عكس أخاه الذي يحمل عبء من هم...
