الفصل الخامس عشر
في منزل سليم
نظر من العين السحرية وجد سماوات التي لم يكن لديه رغبة في الفتح لها، ربما من عصبيته يفتح رأسها وليس الباب فقط! فتح الباب لها ينظر بأعين ضاقت قليلاً والغيظ ارتسم داخلها، رفعت حاجبيها بمرح تشير له واردفت : انا جيت! فين تولين؟ الله الشقة دي حلوة اوي عجبتني
رد سليم بضيق : طب كويس لو اتفرجتي عليها ورينا عرض كتافك
اتجهت تتمدد على الأريكة تفتح قطع الشوكولاتة الموضوعة واردفت : والله ما يحصل أبدًا
اتجه يجلس واردف : مش اللي اداكي العنوان بس عشان يبقى عندي خلفية اقطع علاقتي بيكي وبيه
خرجت تولين التي اتجهت تسلم عليها ثم جلست بجانب سليم، واردفت سماوات : صخر صاحبك، الواد ده مفيش حاجة أقوله عليها ويقولي لا أبدًا، طيب اوي وشكله بيحبني، مش كان يقول قبل ما اتجوز عمار أصلا! دا حتى كان أولى من الغريب
انفجرت تولين ضاحكة واردف سليم بإبتسامة : قمر بيضحك يا ناس، انا مش طايقها بس بفرح عشان بتضحكك مش اكتر!
لمعت أعين سماوات التي قالت : بعيدًا عن الهزار بس انا بحبكم سوا اوي
قَبل وجنة تولين واردف : هتفضلي معاها قد ايه عشان ورايا شغل؟
ردت سماوات وهي تأكل كل الشوكولاتة : عندكو اكل الأول؟ قولي بس قبل ما تدبسني
أكد بخفة فأكملت : طب أنا همشي علي طول مش هعرف اقعد اكتر من خمس ساعات
عادت تولين تضحك عليها واردف سليم : والله بقيت بغير عليكي من وجود أي حد! هروح الورشة وساعتين تلاتة وراجع بإذن الله، عايزين حاجة؟
ردت سماوات : قولي بس المطبخ منين؟
أشار لها واتجهت تولين معه وهو يبدل ملابسه، أردف : عايز حاجة يا جميل؟ قولي بس!
ردت بإبتسامة : لا أنت كفاية عليك لحد هنا والله، عايزة سلامتك ومتتأخرش عليا تمام؟
أكدت بخفة وقَبل جبينها ثم حضنها لدقائق وذهب، اتجهت حيث سماوات التي تأكل بنهم واردفت : سمسم مالك؟
نفت بخفة فأكملت : بقولك صحيح هو انا ليه بحسك مفتقدة اللي بيني وبين سليم؟
ردت بعفوية : عشان أنا بحب عمار بس عايزة اعيش التفاصيل دي، عايزة لما حد يشوفني انا وحبيبي يقول اة دول لبعض فعلاً
أنت تقرأ
لقلبك جزاء وانانيتي نصيب " وكفى به "
General Fictionعلاقة أنانية & علاقة مُهشمة لو تطلعتم على الغيب لاختارتم الواقع، كُن على يقين يا ابن آدم أن الله لا يختار لك سوا الخير هو لا يعبء لأي شيء سوا أحلامه عكس أخاه الذي يعبء حتى لأنفاسه في الدنيا ليس عليه عبء يحمل مسئوليته عكس أخاه الذي يحمل عبء من هم...
