الفصل العاشر
في قصر الشاذلي
جلست ناريمان مع زوجها وكل تفكيرها في تولين وذاك الشاب الذي يتدلل عليها كذلك هي، نظر باتجاه صفوت الذي يشعر بالشوق تجاه نفس الشاب، نظر باتجاه يده على حاوطته ثم اغمض عيناه لبرهة، مسكت ناريمان يده تضغط عليها واردفت : بتفكر في ايه؟ الشغل فيه حاجة!
نفى بخفة وهو يقول : ربنا يبارك في عمر محمود مش مخلي في مشاكل، بقولك يا ناريمان أنا عايز محمود هنا جنبنا، ايه رأيك ابني ليه ڤيلا جنب القصر
ابتسمت بخفة واردفت : عين العقل والله! اقولك على حاجة أنا بحس محمود قلبه عليك اكتر من أمير
أكد حديثها بهدوء فأكملت بتوتر : صحيح يا صفوت بالنسبة لتولين بنت حورية
رد صفوت بضيق : أنا مش فاهم ايه سبب دلع البنت دي! انا عايز اكلم ابوها تاني ونكتب عليها هي وأمير وتسافر ليه! ابنك كل مرة يكلمني يقولي عليها
نظر له قائلة : اقولك على حاجة بصراحة أنا البنت دي قريبة لقلبي اوي، شكلها مُبهج وضحكتها منورة وشها بشكل يسحر، انا بحبها
رد صفوت بإبتسامة : بكره أمير يتجوزها وتيجي تعيش معاكي
نظرت له بحزن ثم انزلت عيناها واردفت بتوتر : بصراحة يا صفوت يا حبيبي تولين قريبة لدرجة إني قولت ربنا يجعلها نصيب سليم ابني اللي من دمي مش أمير
سحب يده من يدها واردف بغضب : بس أمير بيحبها ودي أنانية يا ناريمان، وأمير ابنك ذي سليم وصخر
ردت بنفي قاطع : لا هو ابني بس محدش ذي سليم وصخر يا صفوت! سليم وصخر فوق الدنيا دي كلها والبنت غالية واتمنتها للاغلى وعادي جدًا بعدين البنت ليها نصيب وهتاخده
طرق صفوت على السفرة واردف : نصيب تولين هو سليم
نظرت له بصدمة فأكمل : اقصد أمير ودا أمر اتحسم بالنسبة ليا وسواء كان برضاها أو غصب عنها هي لأمير
ألقت المنديل بغضب واردفت : البنت ليها حريتها ومش أنت وابنك اللي تحكموها تمام؟ متستغلش سلطتك في أذى الناس يا صفوت عشان متتردش في ولادنا
رد صفوت بانفعال : افهمي .. أمير ابني وانا مقدرش..
ردت بانفعال صارخة : تقدر واقولك على حاجة يا صفوت أمير مش ابنك عشان لو دا صخر أو سليم عمرك ما كنت هتسيبه يضيع ويبقى بالأخلاق الزفت دي! واقولك كمان مرة يا رب يجعل نصيب تولين مع سليم
جذب ذراعها واردف بغضب : أنا عمري ما هكسر أمير عشان سليم، التلاتة ولادي ولو رجعوا يعرفوا إن أمير فوقهم كمان، انا اللي مربي أمير
أنت تقرأ
لقلبك جزاء وانانيتي نصيب " وكفى به "
Ficção Geralعلاقة أنانية & علاقة مُهشمة لو تطلعتم على الغيب لاختارتم الواقع، كُن على يقين يا ابن آدم أن الله لا يختار لك سوا الخير هو لا يعبء لأي شيء سوا أحلامه عكس أخاه الذي يعبء حتى لأنفاسه في الدنيا ليس عليه عبء يحمل مسئوليته عكس أخاه الذي يحمل عبء من هم...
