الزيرو كاط 04

P1

🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

                الـفـصل1: #الـسِّــيحَــــا🔪

𝑷: 0️⃣1️⃣

      بين أزقة الدار البيضاء بالضبط فحي "سيدي عثمان" صـوت الضـوضاء الضجيج همسات الجيران  ضحكات البنات لي فكل درب مجموعين قدام باب دار وحدة منهم حي شعبي بامتياز وشي كيعرف شييي الحي لي خرجو منو مشاهير و مغنيين الحي لي تسجنوا منو أخطر القتلة المتسـلسلين الحي لي غي سميتـو عندها هيبة و نـاسها كثـر عمـالة #الزيــــــرو_كــــــــاط  ..

         التوقيت كان بالضبط مع 22:00 .. تسمع صوت نبـاح قوي كلشـي فدك الدرب قفـز  حيـث هد النبـاح الشرس لي تسـمع معـروف شكـون جا  معـروف شكون مـولاه  معـروف شكون شرفـنا صوت كـلبين من أخطر و أشرس الكـلاب المحظورين عالميـا  ضخامـة و حضـور .. واقفين بشمـوخ نفس وقفـة سيدهم و لا بالأحرى مولاهـم لي كيعتابرهم عائلـتو تقيصو فـعينييه و متقيصـوش فيـهم

        وقفة مستقيميـة كتـاف عراض عضلات مفتونـة بحكم خدمـتو و لونطريما  لي بـاينة من فـورمتو الضخمة ملامحو السوداء عطات نكهة الصرامة مع كوكتيل عيونو الحادة  الشوفة عندو كأنها سيف مسموم كيتطـلق علـيك  كأنها سهم كيرسـم لك إيقاعات موتـك  تاحد مكيـعرف إسمو  معروف بلقب واحـد ألا وهو " #السِّـيحــَـا "

                مشية موزونة .. ممسوقش البنـات لي كيغوتو مخلوعات من النـبيح شبك حجبانو بانزعاج  من تمثيلهم و خوفـهم المبالغ فـيه و نظـرتاهم لي مغتخفاش عـليه نظـرات إعجاب مـراقب الوضع مـن تحت الكاسكييـط لي مكيحيدهاش من راسـو عيـينيه فحال الأسـد مكـدوز علـيه ت حاجـة  و بالطبع هاذي خدمتو .. #عـسـاس .. رسمـي و بوراقـيه مـاشي من صحاب لي داير فيها عساس و كيلوحو ليه 2 دراهم بالنـفخة ..

مشـا متجاهل صـداعهم بهدوء قاصد الغيطـون كان فيييها صاحبـو لي كيكون كيعس بنهار و كيتبـادلو بالليييـل كتكـون نوبة السـيحا هبط كـيشوف فعينين كلابو فصمت رهيـب حتى بداو كيهداو بشوية بشوية حيـث كانو جاعرين و الغضب فعيـنيهم شافيه صاحبو بدهشة ..

عبدو : السـاط  (كيحيد فالجيلي الصفر) نموت ونعرف از.،بي منين تعلمتي ترويض العيـينين لهد الوح٠وش عنـدك ؟

السـيحا : (وقف كيزير ف الكاسكيط هادي عادة فـيه وخة تكون مزيرة ؛ شافيه مباشرة فعينيه ونطق بهدوء قاتـل) سر المـهنة .
عبدو : (كيضحك) عارفينك كتخلص على الهضرة ضحك اصاحبي ونت قاطعها فبنادم بسكاتك ..
السـيحا : ساليتي ؟ تلاح تق.ود لخربتكم .. (كيلبس فالجيلي لي جاه مزير على فورمتو وكيشوف مخنزر اصلا هادي هي شوفتو ) فرعتي ليا ك**

عبدو : (كيضحك عارف طبعو) هاوا غادي مغيرها ا العشير وا تهلا فالحديد ..

     ماصدر تاشي رد من السـيحا كيديما الصمـت من سماته و عبدو صاحبو عشرة 3 سنين مولف طبعو عبدو شخصية مغايرة على شخصية السيحـا ضحوكي و نشوطييي و فيه التفلية فهضرتو معمرو كان جدي فهضرتو كيفاش تلاقاو هد الجوج ماعرفتش ! .. فحـال الما و العافية ساكـنان لا يلتـقيان ولكن مع ذلـك مكيدوزوش بعضـياتهم السيـحا رغم أنه شخصية غامضـة و قليلة الكـلام الا أنه كييـوقف وقفة الرجـال مع عبـدو فاش كيـحتاجـو  و معـمر شي حد تجرأ على عبـدو حيـث عارفين غيشرييـو الشر مع السيـحا و لا دخـل ماهمـا فخـير ..