الزيرو كاط 04

P27

‎🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

‎                الـفـصل1: #الـسِّــيحَــــا🔪

𝑷: 2️⃣7️⃣

كان كيترينيييي و يدييير حركات ديال الموت فسماا و گاع لي فالجردة جالسين كيتفرجو فيه خصووصا البنات لي تماا مستعجبييين من المهارات  ديالو .. باين بليي مترينيييي. و عارف كل حركة و كيفاش كيتقنهاا بسيف را من صغرو و هادي هيييي الهواية ديالو بدا غا فدااار و فسدادر فيينما يبان ليه شي سداري كيبقا يشقلب تا كبر و بقااا شغفو ليييها غا مكيزيييد .. بدات شمس كتمشييي حبس وهو كيلهث شرب رجفة من ديك لقريعة دلما لي كانت حداااه .. و خرج من الجردة راجع لدااار ضربها بواحد تدويييشة و هز كلابو بعد ما وكلهم و تم خااارج قاصط لگيطون .. باش يبدا خدمتو لي مكيساليها تالصبااح ..

يارا و سارة كانو كيلعبو فطرييق و كياكلو فسنفنج و الطوموبيلات دايزيييين كيكلاكصونيييو بجهد و هالي كيسب و يلعن فيهم حييت كيلعبو فطريييق غافلييين على الاضرار لي ممكن توقع .. تا وصلو لراس تمو غادييين و دراري تما حاضيينهم كلشي داوي فيهم بلخايب
حييت بنادم اغلبيتوو كيحكم عليك من المضهر ديالك اا لي لبسات لي عجبها كتسماا ق٠٠حبة ولييي هضرات مع شي حد ولي ضحكات كيبقاو يشوفو فييك دييك نضرة ناقصة باقيي ماوصلناش لدك نيفو ديال كل واحد يدييها فراسو و كل واحد غيتعاقب فقبرو بوحدو و بلييي مخاصناش نحكمو على الواحد من المضهر ديااالو تا نعاشرووه ..

بقاو غاديين فدرب و لوخرا حاضية جنابها غادة و كتمسح العكر من فمهاا خايفة تلاقا بباها  صدفة اما يارا غادة مامسوقاش حييت اصلا مكينش لي كتسناه يشوفها ولا يتمزك ليييها عايشة حياتها لراسهاا …

وصلو لزنقتهم سارة لمحات البلاصة لي كيخلي تما لكلاب مكينيينش عرفاتو باقي مجاا كانت بغات تشوفووو ولو غيير من بعييد فحال ديما مطامعاش فشي حاجة كتيييرة ..

يارا: وهياا تي را مكينش زكاي معايا و خلينا نطلعو عييييت
سارة: ولكن را هادي هي ساعتووو
يارا: و الا ليوم عيان مجاش
سارة: لا لا لا اصاحيبة دييما كيكون هادي هييي ساعتووو

بقاو كيتمتمو تما يارا  حسات بشي يد تحطات عليييها بعنف جراتها حسات بدراعهااا مزييير كان جارها فالعمااارة دفعها و هو كيشوف فييها باحتقااار فحالا كان جامع ليها الحساب .. سارة بقات كتشوف مافهمات والو ..

سارة: عمييي محسن مالك ياك مكاين باس
محسن : نتي غيجييي بااك و انفاريها معاه ملي وليتي ديرييي راسك مع هاد الموسخة
سارة: علاش شواقع
محسن: يجييي باك و غتعرفيي شنوهو طارييي

بقات كتعضض فشنايفها بقوة الخووف
لي تملكها و بقوة مخايفة ولات كلها كترجف و كتسرط فالريق بزز و كتفكر شنو غديييير و شنو هيوقع و شنو غيقولييه اصلا خايفة غييير يخرجها من قرايتهاا يارا حسات بالشمتة مليي شافت حالتها دغيا تلبدات و خافت على راسهااا ضحكات باستهزاء و قالت  فنفسها الصحابات يا وديييي كتزييد تصدمها نهار على نهار

يارا: جمع فمك و خليني نحتارمك حيت نتاااا كبييير عليييا فخلينييي نحتارمك
محسن: ( كيغوت فوجهها بكاع جهدو تا عروق عنقو بانت ووجهو حمر ) نتي كتحتارميييي نتي خنزتي لييينا هاد العمارة بتقح٠٠٠بين  ديالك الدخاخن كيخرجو من وسط دار ضحك ديال لق٠٠ الالة سيريي كري مع لق٠٠٠ فشي رياااض و فوتي عليك هاد درب حييييت هنا ناس محتارمييين ناس بعائلتهم شوهتيييينا تفوو

بقات ساكتة حسات بالحكرة حييت كان كيغوت و كلشي كان كيشوف هالي طل من سراجم و هالييي كان دايز سمع الغوات و حبس يشوف شطارييي .. بقات غا ساكتة تمنات تموت فديك لحضة الحكرة مايبغيييها لا الله لا عبدووو موقف مق٠٠ود  لا طاح فيه شي حد تا لي يدافع علييك مكينش بانت حداه مكمشة و عينيييها عامرييين بدموووع مقدراتش تنطق ..

محسن: هضرييييي الموسخة لاش ساكتة ولييتييييي كتمارسي خدمتك عندنا فصططططططح الله ين**عل لي ربااااك مدخلة زوا٠٠٠٠مل لصطح و نتي عريااانة

كان كلشي واقف كيسمع شوهها ديال بصح و سارة كتبكي كتسنا المصير ديالها تاهي و مقدراتش تنطق ولا تهضر و لا دافع على  صاحبتهاا بقات جامدة فبلاصتها مدارت تا ردة فعل .. و سيد باقي كيشوه فيييها و ناس تما واقفييين كيشوفو فيها بنقص و باحتقار و هيي كتسمع توشويش ديالهم و شنو كيقولووو .. محملاتش الموقف حطات يدييها على وجهها مرضاتش بديك لحكرة و بدات كتبكيييي غييير صدرها طالع نازل منضر يخلييها تبقا فيييك بزز ..

محسن: مسحييي دموعك و خرجييي من هاد البرطمة بكرامتك كلشي ولا عايق بشوهتك دب ( كيدووور و يهضر مع ناس ) هادييييي لي شوهات هاد البرطمة …

كان جااي و كلابو فيدوو ممشيهم كيف بغا تا وصل تقريبا للگيطون شاف ديك الجماعة قرب طالق ودنييه من بعيييد و سامع شكيدوور و لمحهااا هي كيفاش مكمشة وسطهم وًهما كيسبو فيييها الحگرة و هو كان حاضر فسطح عارف كلشي كان كدوب دمو كان كيغلييييي دخل وسط ديك المعمعة و وقف حداها مخليها هيي موراه ..

السيحا: لا كانت شي هضرة اولد لق•• غتهضرهاا معايا اناااا

🩸🩸
كتقراو و دوزو لا تعليق لا  راي نشوف ذيك اب نبلوكي مولاتو بغيت نقاش ماشي اب و كملي فقصتوني