الزيرو كاط 04

P11

‎🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

‎                الـفـصل1: #الـسِّــيحَــــا🔪

𝑷: 1️⃣1️⃣

               عيـنيها مزاحـوش من عـليه متبـعاه بعيـنيها وهو غـادي وجهها حمر حمر حمر بالعصـاب مكرهتش تغززو ماعرفتـش علاش مقدرتش تجـاوب معه خسر علـيها جملة وحدة و زاد وكأن شيئا لـم يقع محملاتوش  ماخسـر عليها ت شـوفة !
                  تـاجهات كتنتر وكتخبط فرجلـيها مع الأرض اتجاه بـاب دارهـم هزات عينيها صدفة فشرجم دارهـم كتلقى سـارة كطـل وهايمـة فالسيحا كيف ديـما كتبات حاضـياه من شرجـمهم تجاهلاتها وطلعات اصلا طالع ليها الخزز للراس ..

يارا : (خبطات باب البرطمة و مجننة عليه) كيييييييييفااااش يعاااااملنييييي هكـا !! كيييييفاش يتجرأ ويعايرني هـكا .. (كترعد بالعصاب) غااااالك غي الرجال لي كيخرجو فهد الوقت شعب مااااا كيديهاش فمخو حيوااااااان لي حطـو اععععععععععععععععععععع ..

                مافيقها من جعرتـها صوت تيليفونـها لي كيصوني كانت ابيل ڤيديو من مـاماها تنفسات بعمق و حاولات متبين والو

يارا : ماماااا ..
الأم : من الصباح وانا نعـيط فين كنتي ؟ (كتبرغغ فيها)
يارا : (عارفة مها كتطيرها فالسما) وي ماما يلاه جيت كنت مع سارة فدار كنوجدو لليگزام (كتبدل الموضوع) توحشتك كيدايرين خوتي بخير ؟
الام : اممم ليگزام (هزات حاجب) يارا راني عاجناك كتسكتيني غي بقرايتك وخوتك راهم بخير الحمد الله صدعو ليا راسي بيك باغينك تجي توحشوك..
يارا : (باستهزاء)هه توحشوني اوووودي

الام : (بحزن) مغتسوليش عليه ؟
يارا : (بغضب) مـامااااااااااااااااا غنقطع .. مية مرة كنغوليك متجبديهش لـية ..
الام : غتقسموني على جوج ابنتي . (نبرة باكية) عفاك ابنتي راه مكنعسش بالتفكـير ساعفي معه ره فاللخر كيبقا شخص قريـب ليك ماشي غريـب
يارا : (بجمود) كـنعرفك غي نتي وخوتـي سدينا تهلاي فراسـك اماما  (قطعات بلا ماتسنى شي رد منها)
                   عينيها مغرغرين تجمـع عليها كلشي مكتبغيش تفكر فهد الموضوع نهائيـا و مها ممفاكاش معها و زيد عليها الاهانة لي دار ليييها السيحا زادت على مابيها حاسة بشي حاجة واقفة فحلقها باغا تبكي و مقادراش باغاا تغوت ومقادراش بقات كتنعل فالشيطان وتقرا فالقرٱن حتى هدات ناضت دوشات و لبساااات بيجامة منزليـة و جبدات كتوبتها تراجـع كلشي الا قرايـتها ..

#عند_سارة :
              كانت باقة كطل من الشرجم مقابلة السيحا شافت غاع دكشي لي وقـع بينو وبين يارا مكانوش كيبانو مدابزين
لي شافهم من بعيـد كيبانو فحالا كيتهضرو عـادي حسات بإحساس خايب خنزرات فيارا بطريقة كتخلـع

سارة :  (مخنزرة) غالت ليك مكنحملوش !! شوف كيييييكتشوفيه فيييه  (وعات براسها) لالا صاحبتي هيييي وختي ولكـن هي عارفـانيي بلي كيعجبـني لالا منظنش تغدرنـي ..

               بقات كتهضر راسها فحال شي مسطـية كتهضر وتجاوب راسـها دخلات تنعس بعد تفكـير عميـق خخ شي كيقرا شي تـابع ليا التخربـيق و أفكـار مسمومة ..