الزيرو كاط 04

P3

‎🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

‎                الـفـصل1: #الـسِّــيحَــــا🔪

‏𝑷: 0️⃣3️⃣

‎                  فنفس الوقييتة ف نفس  الساعة فنفس الدقيقة وفنفس التانية فجهة أخرى بالضبط فقهوة الشيـشا الدخاخن فكل جهة و مزيكة مطلوقة مجهدة كين لي غالس مكواني فشي قنت وكيعبر فالدريات وكييينة لي نايضة تشطح هالي مع صاحبتها هالي مع صاحبها  الدنيا مخلطة  و الضواو بالألوان  مريحة بنت فواحد القنت صوت ضحكها واصل لفين و فـين ..

‎شوفة فيها و من منـظرها تقلعها شخصية زهوانـية بصحيح العـبارة .خفـيفة و كطـير مع طيووور بنت فايام الزهور بنت 20 عام …

‎كتشوف هنا و لهيييه  على لي يصقـي ليها عويناتها هادي حالة تازهوانيـت ولكن بحدود غي كتشـوف بعـويناتها وخـلاص ملامحـها تحولو للإزعاج وهي كتحس بشي صبع كينغز فيها  كانت هادي صاحبتها سـارة قدها فالعمر ..

‎سارة :(مرعودة) وااا يارا سربـي نمشيو ره اليوم يخلييو دار عشتي ره تعطلنا اصاحبتي اويييلي !
‎يارا :(بملل) سكتي فرعتي ليا راسي خليني نصقي عويناتي ر الزين حبو مولانا
‎سارة : (قرباات تدمع) وناري والله ت غيقتلوني الدار  نتي حيث سـاكنة راسك لاقية السيبة اما انا ر قاطعينها فيييـا

‎يارا : (وقفت باغا طير سارة بالتخنزير) هاااااني يلااااه هاني نضت تهزي

‎    ناضت سارة كطير تهز صاكها معطلاتهاش خرجو و الدنيا خاوية كانت 11 لييييل شدو طاكسي و فوسطو .. سارة كتمسح لعكر  حيث من لافاك ديركت للدوران و القهاوي على اساس كتونس صاحبتها فالدار حيت ساكنة بوحدها  .. دايراها طريق .. عاطينها غيي للتسركيل و الزهو اما بطلتنا يارا  ماعندها لمن دير السبـة حيث أصلا ساكنة بوحدها ماعندها شكون يحكمها ..
       
‎          وصلو للحي ديالهم حطهم الطاكسي فدربهم خلصاتو يارا و هبـطات و تبعاتها سارة حيث هما ساكـنات فدرب واحد و فبرطمة وحدة وصحابات معاشريين على الخايبة و الزوينة ..
    
‎          سارة : (بالهمس) شوفي الدرب خاوي كينين غ حنا ا الصغعة
‎يارا : (بعدم اهتمام) وعـادي مالهم غيختاطفونا مثلا !!
‎سارة : (شافت فيها بدهشة) واااابغيتك غ شي مرة تخلعيييي تخاااافي تديري شي حركة !! واااااالـو وتغولـي

‎يارا : (كتمشى وكتهضر) فرعتيلي مؤخرتي بالهضور علاش أنخاف شكون هذا لي غيخلعني مثلا
‎سارة: ياختيييي بااااز ليييييك يا ربي تعطيني شوية من قصوحية وجهها
‎يارا: زيدي و براكة من الهضرة ..

‎وهما غاديييـن كيهضرو فاتجاه باب  العمارة .. برطمة يارا فوق برطمة فين ساكنين والدين سارة ..

‎سارة : (كتشوف فواحد الاتجاه وكتنغز فيارا بشوية) شـوفي شوفي شكون لهيـه السيـحا ..
‎يارا : (كتشوف فين كتشوف سارة ولكن مهبط راسو ماقشعات ت حاجة فدك الظلام) مكنشوف ت خر٠ية  وابغيت غانشوف شي مرة وجهوو ..
‎سارة : (قلزت ليها) هاااااااكـي غالت لك نشوف وجهو واقلـة نتي معارفـاش شكون هدكـ ..
‎يارا : (باستهزاء) عـسااااس ! مالو شكون غـاع عساس د الدرب  ره باينة غ من الجيلي ديالـو اش بغيت بيه !!

‎#عند_السيحا :
‎كيدور عينيه لاتكون شي حركة غريـبة فالدرب  حيث بالليل كييكـثرو الشفارة حتى بدا يـسمع خطوات  صغار هز عينو دغيا و هبطـها عرفهم بنـات الدرب  حيت كيشوفهم كيدخلو و كيخرجو شي مرات ..

‎عبـدو : (شافو فين هز راسو) عرفتيهم شكـون هد الأخوات في الله لي دايزين ..
‎السـيحا : (هبط كيوكل فالكلاب و همهم ببرود) شمن فائدة غنعرف فهادو ؟ ..