الزيرو كاط 04

P9

‎🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

‎                الـفـصل1: #الـسِّــيحَــــا🔪

‏𝑷: 0️⃣9️⃣

‎            سـاعتين وهو كيـطريني كينقز من هنـا لهنا كيتشقلب فالهوا 3 المرات وكيرجع الارض باحترافـية بلا مايـمل .. وبنـادم جـاري المجاري معـاه وهو كالعـادة تحاجة ماكدوز عليه حاضي أتاويشو عايـق و فايـق ؛ ماوقف حتى بدات السماء كتزراق توجه لموطورو بهدوء ورجع أدراجو للدرب بلاصاه و توجه لدارهم طلع بالسكات دوش ولبس و قصا (كال)  طلع عند كلابو وكلهم و هبطهـم صوت نباحهم كالعادةمسموع .. و كلشـي عرف بلي #السيـحا حضر .. توجـه بخطوات رزيـنة للگيطون وهو كيسلم على رجال د الدرب حيث كانت ديك الوقيتة فين بنادم كيكون راجع من الخدمة ..

‎عبدو : (قشعو) اهلا شريكي .. هاني ليا مهني ..
‎السيحا : (هابط عند كلابو ربطهم مع البوطو) الحمد الله لحفظك يلاه حيد تق.ود لداركم طاحت البطانة (طاحت الظلمة) ..
‎عبدو :(كيحيد فالجيلي) عيت از.بي حق الرب امتى غيعفوا علينا فشي خدمة ديال البيرو ..
‎السيحا : (طلع بهدوء كيشوف فعبدو باستهزاء) البيرو ؟ المغرب هذا از.بي متصدعش ليا راسي روح ق.ود
‎عبدو : (كيضحك) وااا عادتك هي عادتك ..

‎              بدون رد من السـيحا كيلبس فالجيلي و كيزير فالكاسكيط وفنفس الوقت عينيه كيدورو على الحـديد و كيعبـر فبنادم  ماعندو مايدير بالكوتوكوتو الكثيرة من عند عبدو عندو غي مع التطبيق ..

‎عبدو : وااااهاوا غادي
‎السيحا :(ببرود) يلاه توصل

‎               سهى فهضرة عبدو السـيحا مـاشي شخصية مقاريـاش بل بديبلوماتـو ديجا واخد دبلوم دلفروا و ديال الميكانيك ولكن ربـي ماسهلش عليـه فالخدمة .. غ كيبريكولي من هنـا ومن لهـيه ولكـن الدنيا مـاعطاتوش كيمشيـو غي بالوجهيـات غي ب باك صاحبي المغرب غادي غي ب "ألو" ..

‎                  السيـحا :(زفر بعصبية ماحس براسو حتى ضرب ايدو مع البوطو بجهد) الله ينعل مهااااا حياة ديال الز٠٠.ب .. (شاف فايدو حمارت وبدات توزوز عليه حقد) ..

‎كيدور فالبانضة على يدو بارك وسط الغيطـون و تفكيرو بعيد عبدو حل عليه بيبان مكانش باغي يفكـر فيهم حـيث غي كيحقـدوه  سكوتو ماشـي ضعف و شخصيتو ماشي غي جات و ولات هـكا .. ورا السـيحا حكايـات كثار  شاف شي حوايج صغر من سـنو و دوز تمـارة كانت صغر من حجم بنيتو بماخلا مادار باع الميكا فالسواق و دوز العـذاب غي بـاش يصوڤي راسـو ويشري الكتوبـة عارف بحق الدرهـم مزيـان ..

‎              #فجهة أخرى :
‎يارا كتحرك كتيفاتها بتمايل مع المزيـكة لي مطلوقة د الراي و منغمة مع الشيـشا ماهياش هـنا دماغها خاوي و الحياة عندها سـاهلة بزااف واليديها لاباس عليهم و فبرا كيصيفطو ليها الشهرية كل شهر و بزيادة .. ماكضرب تمارة عليهم ما كتعيا عليهم كيجيوها باردين فوسط تمايـلها حسات بجسد مريح حداها ضارت كتشوف شكون وكطلع وتنزل بهدوء كان شاب فالعشرينات زوين و كلاص وكيبان نقيقي ..

‎يارا :(شافت الزينن و تمرات ) شي باس ماكين ؟
‎الشاب : عماد ونتي ؟
‎يارا :(بابتسامة غمزاتـو) يارا ..
‎عماد : مم سمية زوينة تشرفت بيك .. شنو كديري فحياتك ؟
‎يارا : (كتنتر من الشيشا) العام لول لافاك دروا ونتا ؟
‎عماد :(تصدم) وااات ! مبايناش عليك فاخرة  (شاف يارا خنزرات فيه) ا احم متفهمينيش غلط غير تبارك الله كتباني كبر من سنـك  ..
‎يارا : (مدوزة بيه الوقت) مم تبارك الله .. شكدير فحياتك نت
‎عماد : عندي 24 تنا كنقرا فلافاك لعام تالي فلسفلة ..شفتك هنا والصراحة عجبتيني كتباني ليا مكالمية و مامعاك حد .وجيت نونسك
‎يارا : اممم ولكن مني شفتيني مكاونية هنا عرفني ماباغا حد اذن ؟
‎عماد :(تحرج و ابتاسم ليها ابتسامة صفرة)  ا ا سمحيلي غنوض اوكاي فهمت راسي ..

‎             ابتاسمات بمكر وهي كتشوف فيه نايض ومتاجه عند صحابو لي كانو كيضحكو علـيه براهش مجموعين غ هما وهي مغيخفاش عليها بلي نومروها و تخاطرو عليييها هي ماشي ساهلة الطباع ولكن كانت غي كتعبر فيه و كتسرحو وتعرف اش تحت راسو سـاعة عطاتو علاش يدور بالأدب ماعندها وقت لهد المراهقين الصغار .. باقي باه كيعطيه باش يخلص قهوتو وجاي غالك عجبتيني ! خلصااات فوق طابل الكونسوماسيون ديالها و وقفات خارجة كانت الظلمة طاحـت ..

‎شدات طاكسي لدرب دركت نزلات و مشات عينيها نيشان للغيطون فحالا كتقـلب على شي حـاجة بعينيها فجأة بدون سابـق انذار قفزها نباح الكلاب لي كيشوفو فيها و نيابهم خارجين فيها

#خليو_ارائكم 🩸
لي قرات اخر بارت تخلي كليمة و تفاعلى باش نشوف شحال من بنيتة متبعة معايا حمسوني 🔥