الزيرو كاط 04

P2

🩸الـــــــزَّيــــــرو كَــــــــــــــــــــــاطْ 0️⃣4️⃣🩸
                             🩸𝒁𝒆𝒓𝒐 𝑸𝒖𝒂𝒕𝒓𝒆🩸

✨𝑩𝒚 : 𝑯𝒊𝒏𝒅 𝑬𝒍𝒌𝒂𝒅𝒊𝒓𝒊 ✨

                الـفـصل1: #الـسِّــيحَــــا🔪

𝑷: 0️⃣2️⃣

              خرج من الغيـطون كيتنفس بجمود ضارب صيرڤيط نوار ف كاسكيط نوار مع صبادري نواركيمـوت على اللون الأسـود وكيجـيه خطيـر  و كأنه خُـلقت له قولة " الأسـود يلـيق بك " كيف وقف وقفة مستقـيمية وقفو فجـنابو كلابو .. كل واحد شاد جـنب وكأنهم كيقلدوه فوقفتو البنـات لـي كانو مجمعـين سكـتو دقة وحـدة ..

       كلا وحدة كتمنى غي شوفة منو هادي 3 سنين وهو شاد حرفة عسـاس .. و حتى الشوفة مكيطلعها فيهم  كيعزوه الرجال ديال السيـكتور كامل و كيحتارموه بـزاف  تعـرف بلقبـو و سمـيتو معـارفها حد حتى من صاحبو عبـدو معارفهاش .. يعيا معاه باش يعرف ومكيدي منو والـو ..
           
      باشر فخدمتو  كيبلاصي فالطوموبيلات لي كيجيو كيـف ديما الدنيا عامرة كيجي لعندو بنادم من بعـيد باش يبلاصي عندو حيث معروف بالروجولة كيخدم منيتو و طوموبيلتك متقاصش حتى بشرطة صغيرة وكينين شي فئة ديال الدريات

        السـيحا : (كيصفر و كيـدير حركة بايدو كيعاون واحد لوطو تبلاصا مزيان دق فالزاجة د السائق جوج دقات بصباعو ونطق بصوت روجولي) رجعي مارشاريان شـوية و ضوري الرويضة قاديها ..
البنت : (بمياعة مبالغ فيها) السـيحا اجي عاوني معرفتش رك عارف يلاه خديت البيرمي ..
السـيحا : (ببرود كيشوف فساعتو) خدمـتي ع س ا س كنحضـي الحديد ابنت النـاس  (طلع عينو فيها عاقدهم) طلقييييييينااااا ..
البنت : واخا هاحنااااا

          معاودش نهائيا شاف فيها مغدوزش علـيه تمـايعها علـيه وتمثيلها أنها مكـتعرفش مولـف هد المواقـف خصووصا من دوك الميمات لي جاتهم المراهقة المتأخرة.. كيقشـعها فالسمـا وأكره حـاجة عنـدو هـي البنـات لي ماعندهمش قيـمة  و كيتلاحـو علـيه  .. ياما عرضـو عليه راسهم ومبغاش ماشي خوف  ولكـن هادي روجولة مـنو مراضـيش يقيص وحدة رخـيصة رخصـات براسها و تلاحت عليييه .. !

       بقا خدام وكييدور على الطوموبيلات و كيعبر بعينيه بنادم البرانيي و ولد السيكتور نيت ضاروري مايدوز عينو .. حيث لي حاطين عندو حديدهم كييييعتابرهم امانة  وهو ميفرطش فالأمانة تسمع صوت وراه بلا ميدور عرفو شكـون ..

عبدو : (شعرو باقي مقطر شوية بالما و مبدل حوايجو) هاني رجعت نونسك ا عشيري ..

شافييه بهدوء عارفو عادتو هي عادتو كيجي ديما يبقا مريح ويدوز الوقت
عبدو : صاحبي كيبقات مي زهرة باقين ضارينها رجليها ..
السيـحا : (نبرة باردة) كتعرف دارنا ؟

عبدو : (بجدية) اه كنعرفها علاش ؟
السيحا : (خشا يديه فجيابو ورفع حاجبو) ايوا سير عند مك زهرة تشوفها كيبقات متسولنيش ..

عبدو : (صدمو لسانو تلجم) واااااناري اعشيري وا رها غ جداتك ومبغيتي تعطينا شي راس الخيط عليها سولنا غ على صحتها ت مالك از.بي ..

و عاود تاني لا رد من طرف السـيحا كيشوف فيه جبد جوان مبروم و واجد وحطو بين صبعانو و توجه بيه لفمو والايد لاخرة كيشعل بيها البريكة .. كيتنغم مزييـان بدك الجوان وكيشوف بعيييـد ساهي تفكيرو هارب هادي هي حـالتو ثقيل بزاف ميخرج الجملة حتى يعرف حسسابها وميهضر حتى يعرف وقت الكلام العامر مكيدويش فالخاوي ..
فوسط سهوتو هضر عبدو ضاروري ميقدرش يسكت ! ..

عبدو : امتى تحيد علك هد القلا** .. ؟ زعمة رك كطريني ا شريكي

السيحا :(خرج الدخان بهدوء من فمو هاز راسو للسما بقا ساكت حتى حس عبدو انو مغيجاوبوش نهائيا ولكن نطق بهدوء قاتل ) انا مغنغولش لك لا بغيتي تعيش 100 عام دخل سوق ك.رك انا غنغولك لا مدخلتيش سوق زا.مل بوك غنقتل الق..حبة مك خليني مكواني مع ك.ري (بصوت وكأنه فحيح الافعى) حسن ليك ..