( Uni )
ဆောင်းရနံ့တွေ ဝေ့ဝဲနေပြီဖြစ်သည့် နိုဝင်ဘာမနက်ခင်းအေးအေးလေးက ရေမွှေးနှင်းဆီတွေဖြင့် အလှဆင်ထားသည့် ကြီးကျယ်ခမ်းနားသော မင်္ဂလာအခမ်းအနားနှင့် ပနံရစွာ လတ်ဆတ်မွှေးပျံ့နေသည် ။ မင်္ဂလာပွဲကို စေတို့ရောက်လာသည့်အချိန်က ဧည့်သည်တော်တော်များများပင် စုံနေပြီ ။
အဖြူရောင် လည်ကတုံးလက်ရှည်နှင့် နံသာရောင်ပိုးပုဆိုးကို ဆင်တူဝတ်ထားပြီး တစ်ယောက်လက်တစ်ယောက်ဆုပ်ကိုင်ကာ ဝင်လာသည့် စေတို့နှစ်ယောက်က ဧည့်ပရိတ်သတ်တော်တော်များများ၏ အာရုံစူးစိုက်ခြင်းကိုလည်း ခံရပါသေးသည် ။
စေတို့ကိုမြင်တော့ ဒီနေ့ပွဲ၏ အဓိကအရေးပါဆုံးသော သတို့သမီးဖြစ်သူက သတို့သားလက်ကိုဆွဲကာ စေတို့ဆီ ဝမ်းသာအားရ လာနှုတ်ဆက်၏ ။
" အခုမှ ရောက်လာကြတယ် .... ငါဖြင့် အစောကြီးကတည်းက မျှော်နေတာ "
" အစောကြီးထွက်လာတာပဲ ရတနာရဲ့ ... လမ်းမှာ ကားနည်းနည်းပိတ်နေလို့ "
မိတ်ကပ်ရောင် ထိုင်မသိမ်းဝတ်စုံကို ဆင်မြန်းထားသည့် မရတနာက ကျက်သရေရှိသည့် အလှမျိုး ပိုင်ဆိုင်ထားသူပင်။ မျက်နှာလေးက လှသလို စကားပြောပုံလေးကလည်း နွေးနွေးထွေးထွေး ဖော်ဖော်ရွေရွေ ။
ကိုကိုက သတို့သားနှင့် သတို့သမီးကို ဂုဏ်ပြုစကားဆိုရင်း စေနှင့်လည်း မိတ်ဆက်ပေး၏ ။
" ဓာတ်ပုံထဲမှာပဲ မြင်ဖူးပြီး နာမည်သာခဏခဏကြားဖူးနေတာ ....အခုမှပဲ လူချင်းတွေ့ရတော့တယ် ....အစ်မတို့က မောင်လေးနဲ့ မိတ်ဆက်ပေးဖို့ ချမ်းကို ပြောနေတာကြာပြီ .... အကြောင်းမတိုက်ဆိုင်တာနဲ့ မဆုံကြရဘူး .... မောင်လေးတို့ မင်္ဂလာဆောင်တုန်းကလဲ အလုပ်ကိစ္စနဲ့ ခရီးလွန်နေလို့ မလာခဲ့ရဘူး "
" အစ်မက လှလိုက်တာ .... ဒီလောက်လှတဲ့ သတို့သမီး ကျနော် တစ်ခါမှ မမြင်ဖူးဘူး "
ပြန်နှုတ်ဆက်ရမည့်အစား စေ မြင်တဲ့အတိုင်းပြောတော့ သတို့သမီးက ရှက်ပြုံးလေးပြုံးပြီး ရယ်သွားသလို သူ့ကိုကြည့်လာသော ကိုကို့မျက်ဝန်းတွေမှာလည်း အံ့ဩရိပ်တွေဖြင့် ။
ESTÁS LEYENDO
အချစ်ဖြင့် ...ချမ်းအေးစေရာ... { Completed }
Ficción GeneralMini story ချမ်းငြိမ်းရာ × အေးစေရာ ( B × B ) ဖြစ်နိုင်လျှင် အချိန်တွေကို ရပ်တန့်ထားချင်သည်။ ဖြစ်နိုင်လျှင် လရောင်အောက်မှာ တလက်လက်တောက်ပနေသော ပင်လယ်ပြင်ကို ဖန်ဘူးလေးထဲထည့်ပြီး ချစ်ရသူကို လက်ဆောင်ပေးချင်၏။ ဖြစ်နိုင်လျှင် ... ခ်မ္းၿငိမ္းရာ × ေအးေစရာ (...
