تنهد مالك،بضيق:كنت مع اخوياي
مسكت وصايف كتف مالك وسحبته لداخل وقفلت الباب،بصوت عالي:تكذب علي! يامالك بكبرك هذا تكذب علي!؟ ،اعرفك يامالك اعرفك ،انا امك ،امك يامالك تكذب علي،انا داريه انك تروح البر وتنام فيه لحالك
اقترب مالك وسلم علي راس امه،بهدوء:اسف يمه اقبلي عذري ،وماني بمكررها مره ثانيه ،المره الثانيه باخذك معي
ابتسمت وصايف،بهدوء:قبلت عذرك اطلع بدل ثيابك نمت على الرمل انت ولادفنت نفسك؟
بدا مالك يتفحص ثوبه بعيونه،بهدوء:لاولله يالوالده بس وانا جالس يمكن مع الهوا وصلني الرمل لانه جا شويه غبار تالي الليل بس ماعليك انا طالع اتروش ،وين رعد؟
وصايف،بهدوء:بالحي يتمشى ولا عند جدك
مالك بهدوء:اجل يمه انا بأطلع اتروش وبأطلع لجدي ابيه بشور
رفعت وصايف حاجبها بأستغراب:وش تبي تشاور جدك فيه؟
مالك،بهدوء:ودي اخذه معي البر نتمشى مدامه الشتاء والجو بارد نطلع نتونس
وصايف،بهدوء:طيب روح يوليدي.
----
• بـيـت الـجـد سـعـود:
بعد الفطور ترك الجد شماغه على يد الكنبه وزفر انفاسه،انتبه رعد للجد،عدل رعد جلسته ووجه نظره للجد،بحماس:ياجد ماتحب البر؟
عدل الجد جلسته:مين ياوليدي مايحب البر !
سحب رعد كاس جده ويقدم له الشاهي ،قاطعهم صوت دق الباب ،عقد الجد حواجبه،بصوت عالي:مين؟
من ورا الباب،بصوت عالي:مالك، ياجدي ادخل؟
ابتسم الجد ،بصوت عالي:ادخل ماقدامك احد.
دخل مالك سلم على راس الجد،بأبتسامه:ايه ياجد بشرنا عنك عساك بخير كيف جدتي،البنات عندها؟
ابتسم الجد:كلنا بخبر و لـ لله الحمد،اي ولله البنات مايقصرون بنات عمك ماجد من الصباح جتنا وتر تقهوت معنا وراحت جابت اختها،جلس مالك وزفر انفاسه وعدل جلسته:ايه ياجد ولله ودي نجتمع كلنا بالبر ولله ياجد يازين البر زيناه بالليل هبايبٍ"هوا" بارده وماحد حولنا لو نكلم عمامي وعمتي غايه نطلع بكره ولا بعده البر نتونس .
ابتسم الجد ومد يده قفل الراديو،بهدوء:انا موافق،بس اسمعوني اليوم العصر ماتجي الساعه 5الا واختكم وامكم هنيه وابوكم معنا بالمجلس اليوم كلنا بنجتمع وان قابلتو الوليد قولو له يقول لأمه واخواته اليوم 5العصر الكل هنيه
ابتسم مالك وهز راسه:ابشر ياجد الحين اتصل عليه واكلمه عن اذنكم بس اطلع اكلمه وارجع لكم،طلع مالك للحوش ،اتصل على الوليد مارد عليه فقرر يكتب له رساله:
"السلام عليكم،كيفك عساك بخير،الصراحه انا اتصلت عليك لأجل اقول لك ان جدي يقول لاتجي الساعه 5الا وكل الاهل في بيته والكل جاي مع السلامه".
رجع دخل المجلس مع الجد ورعد.
----
• بـيـت سـيـف :
الكل جالس بالحوش والجلسه ماتفضى من أبتسامتهم،بدت الشمس تطلع ،زفر سيف انفاسه وابتسم ووجه نظره لعياله،بهدوء:يلا تساعدوا ودخلو هذي الشمس بدت تطلع من بين الغيوم والجو بيصير حار عليكم ادخلو البيت وارتاحوا وانا طالع مشوار وراجع،قام الوليد ،بهدوء:ابشر بس ماتحتاج اجي معك اساعدك؟
اخذ سيف جواله ،وهو يناظر الوليد:لا لامايحتاج بس بقابل واحد خلك مع امك واخواتك.
هز راسه الوليد ،بهدوء وهو يناظر بجواله:أبشر،بس ترا مالك كاتب لي رساله ان جدي يبينا نجتمع ببيته اليوم الساعه 5العصر يعني لازم كلنا نكون موجودين
عقد سيف حواجبه وبداخله الفضول يعرف السبب:ماقال لك ليه؟
تنهد الوليد بهدوء:ولله ماقال لي وش السبب بس قال لي ان الكل جاي،وجدي عادي يجمعنا بدون سبب ماهي أول مره،بس تتوقعون عمتي غاية بتجي ،حتى بدر معد صار يجي نتمشى هو في شيء يبه؟
فتح سيف الباب لأجل يطلع،بهدوء:لاولله مافي شي ،بس واضح انهم مشغولين ،انتو اجهزو الساعه 4ونص الكل جاهز.وطلع قبل احد يرد عليه،اخذت آمال جوالها وكوبها،أستوقفها الوليد،بصوت شبه عالي:آمال تعالي
رجعت آمال ،بهدوء:هلا الوليد بغيت شيء؟
ناظرها بطرف عينه:تراني داري بيلي سويتي أمس
رفعت آمال حاجبها بأستغراب:ليه وش تقصد وش سويت أمس؟ ،كنت نايمه.
استغرب الوليد من كلامها ،بهدوء:آمال كيف كنتي نايمه اجل من يلي دخل غرفتي اخر الليل وقالت لي لاتنام،شوفي اذا بتمزحين معي قولي لي من الحين
خافت آمال من كلامه،خذته على جانب بعيد عن باب البيت،بهدوء:الوليد وش تقصد انا نايمه من 8الليل ماصحيت الا قبل شوي ماجيتك أنا متأكده،أنت كنت قاري اذكارك؟
حط الوليد يده على رقبته،بخوف: يا امال شكل يلي شفت خيال خلاص خلاص أنسي روحي وارتاحي للعصر وتجهزوا عشان نروح لجدي وارسلي لبنات عمتي غاية ولا انا اروح اتصل عليها؟
ناظرت امال الوليد بطرف عينه ،تنهدت:لا لا أكيد عمامي كلموها وعندها خبر،ياالوليد اقرأ اذاكرك مانبيك تتأذى ،روح غرفتك وارتاح خلنا ندخل
أبتسم الوليد ،بهدوء:أمشي.
----
