هتان التفت،للرجال :يارجال كل واحد ياخذ محارمه ويدخل فيهم بيت جدي وانتو ان دخلتو لاتجيبون طاري داخل لالجدتي ولا لعماتي.
رعد:نحنا ظهركم امشو ونحنا بنحميكم اطلعوا
ميراف اقتربت من رعد:رعد!
رعد التفت لأخته:هلا يانظر عيني،سمي امري؟وش بغيتي
ميراف بأبتسامه عذبه:شكرا انك جيت
رعد بأبتسامه هاديه:لاتشكريني اشكري الصرخه يلي تركتنا كلنا نفز لكم
ضحكت ميراف،مسك رعد يدها،وأكمل بضحك:ولا انتو وش مطلعكم بهالظلام؟
ابتسمت ميراف على جنب:وتر اقترحت علينا نروح نشوف الغروب وطلعنا ونحنا نازلين تعورت وتين ولما شفنا رجال جو رحنا من الجهه الثانيه
رعد بضحك:الرجال يلي شفتو نحنا
ميراف بصدمه:اما انتوا!
رعد:اي ولله ،بس خلينا ندخل
ميراف:اي ولله سبقونا
رعد ضحك:لاتركضين تلحقين بنت العم
التفت ميراف:ابشر يالرعد
ضحك رعد وأكمل طريقه معاهم.
-عند الرجال"المجلس":
رفع الجد عكازه وضربه برجل بتال
بتال بتألم:علامك ياأبو ماجد!
الجد،بحده:علامي انا!،اقول علامك لاأنت يلي قام وقال للرجال يرجعون ولا انت يلي قام يقول للحريم يسوون العشا
بتال،بمزح:وشلون ادخل للحريم،عيب ياأبو ماجد عيب
رجع الجد وضربه بعكازه بقوه،بحده:وانت جاي تعلمني الصح من الغلط
بتال:لاولله ياجد على عيني وراسي بس مااقدر
انتبه ماجد للجد وبتال،بحده:بتال قم قول لأمك واخواتك يجهزون العشا
قام بتال بضيق:أبشر
انتبه له الجد:تقول ابشر لابوك وانا لا!
بتال:علامك ياجد ،ابشر الحين رايح
التفت الجد لمالك يلي كان يضحك على بتال ،مسك عقاله وضربه:وانت قم معه لابارك الله فيكم
قام مالك وهو يحك رجله بتألم:استغفر الله ياجد استغفر
الجد بهمس :استغفر الله
قام مالك واول ماطلع من المجلس ناظر ببتال،بضحك:يارجال علامك كلها ضربه عكاز
التفت له بتال،بغضب:اقول اسكت عني لاتكون ضربه عقالي هي الثانيه لك
مالك بمزح:الثانيه والثالثه ماهمتني
بتال بحده:اقول اسكت عني قبل اكفر فيك وخلني اتصل عليهم يجهزون العشا
مالك وهو يسند يده على الجدار ويلعب بشعره:اي ولله صادق تراني ميت جوع
بتال وهو ينتظر صوت وتر:وش هالوضعيه؟
مالك وقف وهو يناظر بنفسه:وضعيه وشو
بتال:يارجال اسكت عني
مالك:اقول خلك بأتصل انا على الوالده
بتال:احسن رحمتني
مالك:ارحموا من في الارض يرحمكم من في السماء ،قم روح للمجلس واعتبر العشا جاهز
بتال:متأكد
مالك:وانا متى قد قلت لك شي وماني متأكد،اقول ياخوي روح المجلس وان سألك ابو ماجد قل له انهم بدو بالعشا
بتال:وانت وين بتطير؟
مالك:وين يعني بأكلم الوالده تطلع واكلمها ومن بعدها اجيك
بتال: قل لهم ودي بطريق
مالك بأستغراب:وش تبي لك عشان تدخل ؟
بتال،بهدوء:ودي اسلم على جدتي صار لي فتره ماسلمت عليها
مالك:ابشر بس بعد العشا ان نجمع الرجال وندخل نسولف معها انت رو...
قاطع مالك وصول صوت وصايف،بهدوء:هلا ياوليدي
مالك:هلابك يانظر عيني
وصايف،بأستغراب:علامك تدق هالساعه؟
مالك نزل جواله وشاف الساعه،بهدوء:ماضنتي ان الوقت 12 ولا وحده اخر الليل،عالعموم يمه ودنا بعشا مضبوط ناكل اصابعنا وراه وخذي البنات معك يساعدونك
وصايف:مافي هنا الا بنات عماتك وبنت عمتك غاية،الباقين مب بالحوش عندك؟
تذكر مالك ضياع البنات ،بأرتباك:اي ايه يمه بالحوش الخلفي مب هنيه
وصايف بشك: اختك وين يامالك؟
مالك،بتوتر:كيف اختي وين ،البنت بالحوش الخلفي
وصايف،بحده:يامالك البنات يقولون انهم فوق يشوفون فلم ،وانت هنيه تقول انهم بالحوش اصدق مين انا؟
بدا التوتر يوضح على مالك،رغم انه ماكان يبي بتال يعرف،بتوتر:بنات عمي ماجد كلموا اخوهم هتان يطلعون ،عاد رعد والوليد اخذو اخواتهم وراحو يتمشون قريب من الحي
بدأت وصايف تشك بكلام مالك ماعرفت مين تصدق البنات ولا ولدها،بخوف:يامالك وانا اعرف رعد مستحيل يرضى يطلعهم وسط هاليل
مالك،بصوت مستعجل لاجل يغير الموضوع:يمه ابو ماجد ينادينا ،لااوصيك العشا.
قفل مالك المكالمه قبل يوصله صوت وصايف،التفت لـ بتال يلي لاحظ التوتر على مالك،بتال بأستغراب:احد فيه شيء ؟
مالك:لا لا يارجال بس شكل الوالده شوي مصدعه،بس ماعليك البنات قد بدو بالعشا
هز بتال راسه بـ طيب ودخل المجلس.
