قامو كلهم اما وتر بدت تبكي من الالم:ماقدر ما ماقدر
وقف بتال:هتان خلها انا بأشيلها انت شوف للطريق
شالها بتال،وطلع فيها وهتان قدامهم،وصل هتان لخارج الباب،تقدمت ممرضه ومعها رجال من الاسعاف،بتال:وش بتسون بأختي؟
فاهد تقدم:لازم ياخذونها للمستشفى البنت ماتقدر تتحرك،الحقونها للمستشفى
هتان:روح يابتال انت وابوي وانا بأخذ وتر
بتال:ابشر بس ابوي والرعد وينهم؟
فاهد:الرعد اكيد بالدور الثاني ،انتو امشو
بتال:الرعد ماعليه ،ابوي وينه؟
هتان:يمـ...
قاطعهم صوت ماجد وهو يلعن ويضرب مهاب:ياكلبببببب ،تضربببببب ،بنتييييي،ولله ماخليك ،ولله لادفنك هنا،ركض بتال ومسك ماجد:بس يبه بس،خله بينسجن خله ،خلههه
ابتعد ماجد وهو من الغضب شوي وينفجر،ابعد بتال عنه:ابعد عني انت بعد ماكنت ناقص الا انت،اختك وينننن؟
بتال:الاسعاف وهتان بيروحون معها
ماجد بغضب:اقول قش اخوك معك وبنتي محدٍ رايحٍ معها الا ابوها
هتان :يلي تشوفه
خرج رجل من سياره الاسعاف:لو سمحتوا لازم نحرك مين فيكم يتفضل؟
ماجد :انا رايح وانتو الحقونا،ولا تقول لأمك شي فاهم انت وياههه!
بتال:ابشر يبه
ركب ماجد مع الاسعاف وبتال وهتان لحقوه ،اما الرعد كان جالس بوسط البيت،دخل فاهد ،بهدوء:انتهينا يالرعد ،تقدر ترجع ،ومشكور انك بلغت
الرعد قام،بهدو ويضرب بخفه على كتف فاهد:ماعليه ياخوي مابينا هالكلام،والحمدلله ان البنت وصلت لأهلها،وخرج بهدوء،ركب سيارته وهو يشوف المكان خالي،رفع جواله وهو ينتظر صوت هتان،رد هتان:هلا يالرعد
الرعد:هلا ،انتو وين مشيتوا؟
هتان:للمستشفى،ليه وينك انت؟
الرعد:توني طلعت،ماتشوف شر بنت العم
هتان:الشر مايجيك ياولد العم
الرعد:اسمع انا عندي شغله اخلصها ورايح اطمن ابو ماجد والحريم
هتان:ترا الوالد قال مانقول لهم شي
الرعد:اجل ابشر بها وخله هو يطمنهم انا بأقفل،نلتقي
هتان:نلتقي ان شاء الله
قفل الرعد ورمى جواله بغضب،واكمل لـ طريق بيت أبو مالك...
بعد ساعة :
دخل الرعد البيت رمى ثوبه على الارض ،ودخل اخذ دش وطلع وضى وصلى واول ماخلص الصلاه العشاء ،رمى نفسه على السرير وبدون مايحس على نفسه نام.
--------
• الـمـسـتـشـفـى :
بعد ماعقمت الدكتوره جروح وتر وغطتها،وانتهت،ابتسمت الدكتوره:الحمدلله على سلامتك يا...
وتر،بهدوء:وتر
الدكتوره:الحمدلله على السلامه يا وتر،نحنا كذا خلصنا ولا تخافين كم من جرح وان شاءالله يلتئم جرحك وماعليك من الكدمات هو بس فتره بسيطه وتروح،وترجعي افضل من اول،واذا عن المشي لاتمشين بقوه اول اسبوع بعدها تجين لي نشوف الوضع ،مدت الدكتوره يدها،وأكملت:اعطينك ايديك نشوف بتمشين
وتر بضيق:مااقدر
الدكتوره بأبتسامه خفيفه:ابيك تتفائلين ،انتي قويه وبتقدرين،يلا هاتي يدك
مسكت وتر كفوف الدكتوره،اخذتها الدكتوره وبدت تمشيها بالغرفه،سحبت الدكتوره يدها بدون ماتحس وتر،ابتعدت ووتر لازالت تمشي،وقفت الدكتوره وقربت من وتر،بأبتسامه:ها؟ وقدرتي تتحركين لوحدك شفتي؟
وتر انتبهت لـ يد الدكتوره:شكرا
الدكتوره:قلت لك انك قويـ...
قاطعهم دق الباب التفتت الدكتوره تفضل:
دخلت ممرضه وهي تعطي الدكتوره اوراق وخرجت،الدكتوره ناظرت لـ وتر:تجهزي وانا راجعه عشان تطلعين
تنهدت وتر ،اما الدكتوره خرجت لـ ماجد والعيال،بهدوء: السلام عليكم،الحمدلله على سلامه وتر،وتر بخير بس ابيكم تنتبهون عليها الايام هذي اكثر وتخلونها تحاول تمشي أكثر،عشان تقوى
هتان بخوف:وش فيها وتر؟
الدكتوره: وتر مافيها شي الحمدلله ،بس بسبب الاصابه يلي تعرضت له على رجولها ماقدرت تمشي من الالم،وبعد أسبوع تجيني عشان اشوف وضعها ،ووتر تقدر تطلع
ماجد :أقدر ادخل ؟
الدكتوره :ايه
أستوقفهم فاهد:ياعم ماجد!
التفت ماجد:ياهلا يافاهد،عسى ماشر؟
فاهد:اسف ولله ،بس لازم نستجوب وتر
ماجد:ماني بمخليك تكلم بنتي
فاهد:بس ياعمي لازم نستجوب البنت
ماجد بغضب:خلاص انت تعرف انها انخطفت وتر بيلي صار جاي ليه؟
فاهد:بس ياعمي..
اقترب هتان بهدوء،مسك فاهد:تعال معي لو سمحت
فاهد راح معاه،جلس هتان معاه:اسمع يافاهد انا بأكلم وتر وأسجل كلامها وارسله لك ،بس لو سمحت يعني عطني رقمك
بدا فاهد يقول رقمه لـ هتان،ابتسم هتان لما خلصوا:اعتذر نيابه عن ابوي ،بس تعرف عايلتنا يعني مانخلي الرجال يدخلون على محارمنا
هز راسه فاهد ،بتفهم:لاولله ياخوي براحتكم،بس كان لازم ناخذ من كلامها عشان نعرف كيف نتعامل مع مهاب
هتان،تذكر كلام مهاب ،اقترب بهدوء:اسف على السؤال بس سمعت هذا المهاب يقول ان ابوي ذبح زوجته،وش الموضوع
فاهد:لاولله لاتشيل مهاب في واحد كان معطيه اسم ابوك وفكره ابوك بس انه لما شاف ابوك وادرك انه انتقم من الشخص الغلط ندم،وهذاه عندنا بالمركز ندمان ،بس ندمه مايفيد
هتان بهدوء:يستاهل يلي فيه،عموما تشرفت فيك يافاهد وان شاء الله نلتقي في ظروف احسن،انا أستأذنك لازم نمشي
فاهد أبتسم:ابد الشرف لي ولله،فمان الله
ابتسم هتان ومشى وصادفهم بالممر،اخذ وتر وطلعو لبيت الجد سعود.
