تنهدت وهي تنهي ربط نقابها : بأجيب شنطتي واجي
تنهدت شام وهي تشوف الزين يلي راحت تاخذ شنطتها..
----------------
• وتـر :
تذكرت كتابها ،التفتت بصوت مستعحل : ودني بيت جدي سعود
التفت هتان بشك وكانت اول مره يشوف حاله وتر كذا ،ناظر الطريق : ابشري بس فيك شي؟
تنهدت وتر :لا مافيني شي
دخل هتان لعند البوابه ،فتحت وتر الباب طلعت وهو للحين ماوقف السياره :ياوتر السياره تمشي
تركته وتر وهي تدخل البيت ،طلعت للغرفه وهي تدور بكل مكان لقته ،اخذته وهي ترجع ،دخلت السياره :امش
توقف هتان : كلميني قولي وش صاير
التفتت وتر وهي تمسح دموعها : بأشتاق لشوق
عرف هتان كذبتها :وتر لاتكذبين على نفسك وعلي تراني اعرفك ومستحيل تمشي علي ، وش حارق قلبك ياوتر ترا هالموضوع ماينسكت عنه تراه خطير ياوتر قلبك ياوترر قلبك افهميني تراك اقرب لي من نفسي ماودي اخسرك انطقيييي
صرخت وتر : يحببب غيرريييي خلاصصص عرفتتت ارتحت الحين ريحت يلي بقلبك ،يحب غيريي ،اعطيته قلبي وهو ضحى بحياته عشانها ،تخيل صديقتي اقرب وحده لي اشوفه يحميها وانا اشوفهم قداميييي ،قلبييي ياهتاننننن ينحرررررققق تكفى ياهتاننن تكفىىى لااحد يعرف تكفى
ازداد غضب هتان وهو يضرب كل شي حوله :مين هو هالي حرقك واحرقه وانا اخوك اقسم بالله لأنسيه اسمه ،مينننن؟؟؟؟
انحنت وتر وهي تغطي وجهها وتبكي : قضيت سنين من عمري احبه ،انا استاهل طيرته من يدي ما اعترفت له سكتت عنه ١٢ سنه
توسعت عيون هتان بعدم تصديق :١٢ سنه !!
رفعت وتر نفسها وسط شهقاتها : محد يقدر يصدقني بس مو بيدي قلبي يلي اختار لاتلومني لاتلومني
فتح هتان نافذته وهو يزفر انفاسه :مين ؟
تنهدت وتر بضيق وهي تمسح دموعها : مب لازم تعرف، عرفت الحين يلي تبيه تكفى ياهتان تعبانه مو طايقه شي ودني البيت تكفى
تنهد هتان بغضب وهو يوقف قدام بيتهم ،طفى السياره وطلع اما وتر كانت قد سبقته ودخلت ..طلعت وهي تطلع الدموع يلي كانت حابستها ،رمت الكتاب على سريرها اخذت مخدتها وضمتها بقوه ..طلع وهو يشوف باب الغرفه مفتوح اقترب وسمع شهقاته يلي يعرف انها تأذيها : تبين تطلعين حرتك؟
مسحت دموعها وهي تقوم :في وش؟
زفر انفاسه :سوي مثلي اخذ الصحون القديمه واكسرها، تبين؟
وقفت وتر : اي شي يطلعني من هالضيقه تكفى
مسك كفوفها وطلعوا لـ المستودع اخذ كرتون فيه صحون : كسرت كرتون قبل شهرين وهالكرتون انتي يلي بيكسره ،امشي معي بأوديك مكان تكسرين فيه وتصحين محد حولك ،محد شايفك تعالي بدون نقاب عادي
تنهدت وهي تمشي وراه وتقاوم دموعها ،اما هتان ما كان يبيها تتعب رغم انه يعرف ان قلبها مستحيل يتحمل عشان كذا قرر يعطيها الكرتون ..
----------------
• الـقـاعـة :
الكل طلع وما بقى الا هي بحسب ضنها ،رفعت جوالها وهي تشوفه يتصل ،قفلت المكالمه وهي تكتب له : خلاص ولا باقي؟
مالك : اطلعي بأوديك العرسان داخل
عروب بضيق : قدامك مواضيع كثير تفهمني فيها
مالك : ابشري بها بس اطلعي بسرعه انا واقف عند الباب
عروب :سامعتك اساسا ،يلا طالعه
قفلت جوالها وهي تطلع وتركب بالخلف وتنزل راسها ويمشون..
