ابتسمت ميراف وهي تمشي:تمممم
واتجهوا كلهم للسيارت توقف الرعد:طلعوا الشنط بسيارتي وانتوا روحوا بسياره مالك
استمعوا الكل له وبدا هو ومالك يدخلون الشنط ويتأكدون منها وقف مالك اول ما انتهوا:يلا ان شاء الله نلتقي
الرعد:بأذن الله ،سوق زين
مالك التفت بأبتسامه:ماعليك
واكمل لطريقه لأبها،اما الرعد دخل سيارته وهو متضايق رفع جواله وهو ينتظر هتان يلي رد:ياهلا يالرعد امرني ،مشيتوا؟
الرعد:الاهل مشوا تخاويني بالطريق؟
هتان:اي ولله ماعليك،بأعطي بتال المفاتيح واجيك،وينك؟
الرعد:بالموقف عند البيت مامشيت جب اغراضك معك
هتان:لاماعليك اغراضي عند بتال،بأسلم عليهم واجيك
الرعد بهدوء:طيب
هتان:نلتقي
الرعد:نلتقي ان شاء الله.
قفل الرعد مكالمه وهو يفتح النافذه ويزفر انفاسه ،ويرجع راسه على ورى بضيق:وينك ياهديل تركتي قلبٍ يحبك ويغليك يحترق على فراقك،وشلون بأكمل طريقي وكفوفك بكفوف غيري،انتظرتك صباح وليل لاجل تكونين من نصبي لكن خذاك مني النصيب وتركني اتوجع لحالي وانا مادريت عنك فرحانه ولامتضايقه،ياليت لي القدره اشوفك ولا احرم عيوني من شوفه عيونك ،خسرت..
قاطعه هتان يلي تقدم وبيده عقاله وعلى كتفه شماغه وركب:يلا مشينا؟
الرعد وهو يعدل جلسته: ودك تسوق بدالي ولله مافيني الحيل حتى اقوم اقفل الباب
نزل هتان وهو متفهم صدمه الرعد:اي ماعليك ،انزل
نزل الرعد وهو يجلس وهتان يمشي لطريقه وهو يشوف حاله الرعد،التفت له بخوف عليه:يالرعد لاتضعف ترا ربي مايحرمك من شي الا وهو مخبي لك شي اجمل
الرعد:ونعم بالله،لكن انت تعرفني وانا حبيتها لكن انا الخبل يلي ماعترفت
هتان:محشوم يالرعد،محدٍ غبي ،انت لو ودك تستغبي بتستغبي ،ولو ودك تنسى مابتقدر لكن تتناسى ومع الايام معد بتفرق معك حتى تسمع طاريها ولايهمك ،هذا ماضي يالرعد وان كنت تحبها ادع لها بالخير،الحب ماهو تحبس شخص عشان يكون من نصيبك ،ربي كتب نصيبي ونصيبك من هالدنيا من قبل نخلق،لا تعترض وادع ربي ،حرر هالحب وخله يشوف طريقه يالرعد
تنهد الرعد:ان شاء الله
اما هتان يلي بدا يمشي بهدوء وكان جو السياره هادي ومليان من ضيقه الرعد ،اما هتان كان متضايق صح لكنه راضي بقضاء الله وقدره،ويدعي لهيا بالجنه ويتصدق بالسر عنها..
----------------
« تعريف عن بيت همام»
• همام"أبو رواد" ،عسكري سابق شديد ولكنه لين مع عياله واحفاده ،يحب الطلعات وسوالف الاهل "82".
• نوره"ام رواد"،زوجه همام شخصيه هاديه وبسيطه تحب احفادها وعيالها كثير،"79".
[ الأبناء]
• رواد،اكبر عيالهم،شخص هادي مايحب الكلام الكثير،طويل يحب اهله ويقدمهم عن اي شي ثاني"52"،زوجته"عهد" شخصيه هاديه وأنيقه "51".عيالهم( امجد"27"،ميرا"24"،سعد"20").
• مرام،شخصيه بسيطه جدا،تحب حياه الريف والمزارع" "47"،زوجها"عادل" شخص مثقف وهادي"49"(سلطان"23"،شوق"20").
•ميعاد"سُبق التعريف".
• فدوه،شخصيه طيبه وحنونه كثيرر "38"،زوجها"سنان" أنسان هادي وحنونه على الكل"40"(بنان"18"،باسم"16"،محمد"10"،
جودي"2").
