عقد بدر حواجبه بأستغراب :هو متى جا البيت امس؟
مها :الساعة عشر مثل ماتقول دايم،هي كانت تكذب لاجل خوفها على اخوها من غضب ابوها
رمى بدر علبه المويه بالزبالة "اكرم القارئ" وبصوت شبه عالي:تقولين رجع الساعه عشر يعني!
بدا الخوف ينتشر بجسم معها وقلبها بدت تتزايد نبضاته،اقترب بدر:تكذبين علي؟
تراجعت مها:لاولله يباه حتى كنت صاحيه لما جا وجلس معي وتفرجنا بالصاله واذا ماتصدق اسال امي وشام
طلع بدر من المطبخ وبصوت شبه عالي:ولله مااكذب منك الا امك وشام،واخوك هذا حسابي معه بعدين
كانت مها دايم تتضايق من اسلوب ابوها معاهم وخصوصا مع عز ،كان يعامله معامله خادم ولاكأنه ابن له ،ياخذه بالمجالس قدام الرجال ويذله لاجل يطلع صورته ان هو الاب المسيطر ،كان عز اذا فكر انه يرفض لأبوه أي امر يشوفه من العقوق ويتراجع وينفذ يلي يطلبه منه بدون أي تفكير،قاطع تفكير مها صوت القهوه وهي تنزل على النار،قللت النار بسرعه وجهزتهم ،ناظرت للفرن وقالت بينها وبين نفسها(لازم انظفه عشان امي لما تجي ماتتعب ولا ابوي يسمعها من كلامه السام)
نظفته على السريع وطلعت لعند أمها وشام،امها كانت مبهوره بشكلها ،انصدمت مها من لما شافت امها بهالجمال:ماشاءالله عليك يمه ملكة جمال !
بدت غاية تناظر بالمرايا وتتفحص تفاصيل وجهها وشعرها :ماشاءالله علي!
اقتربت مها وضمت امها :يازينك يمه ماشاءالله عليك وانا اقول عيالك طلعو حلوين على مين
ناظرت شام بـ مها :مها شوفي انا قفلت الفير شغليه وخليه يسخن الين ارجع من عند عز وانتي يمه البسي اجمل واهدى لبس عندك عشان نمشي لايعصب ابوي ،قامت غاية بفرحة:ايه،ايه؛خلينا نخلص قبل يعصب ابوك وجدكم ،وطلعت للغرفتها تجهز لبسها،اما شام دقت باب عز،بصوت شبه عالي:عز ترا بأفتح الباب،ورجعت تدق وأكملت:عز قوم يلا تأخرنا على جدي ،قام عز وفتح الباب،بصوت تعبان:خير؟
شام رفعت حاجبها:وش يلي خير قوم يلا محد مأخرنا الا انت،بعدين رح تروش والبس ثوبك وتعال ابخرك بالعود قبل نروح لجدي واستعجل لايعصب ابوي واعتقد انك اكثر واحد حافظه
هز راسه عز:طيب،طيب،شويات وانا بالصاله بس تكفين يا شامي ضبطي لي اكله اكله من الصبح وانا جوعان
شام بأستغراب:افاا،جوعان وشام موجود،شوف رح تروش واذا خلصت تعال المطبخ تاكل بعدين تفرش اسنانك وابخرك
بدا عز يلعب بشعره :تعامليني كاني ولدك وانا اخوك الكبير،اقولك ابوي بالبيت؟
شام رفعت اكتافها :لاولله مادري ،بس ليه مسوي مصيبه جديده؟
عز:لا ،لا مو مسوي شي بس ودي اسال عنه والا الواحد ما يسأل عن ابوه،اسمعي انتي لو قعدتي هنا بنطقها سالفه خلينا نخلص من عشا جدي هذا يلي ماندري وش بعده ونجلس انا وانتي وامي ومها ونسهر
شام:وأبوي
عز:تعرفينه من بعد اذان العشاء للساعه 11 مع اخوياه يا انهم يلعبون بلوت،ولا انهم بالمجلس عالعود
شام:طيب ان شاء الله ،خلاص انا رايحه ازهب لك اكل اجهز وتعال
عز :ابشري وقفل الباب قبل حتى ترد،دخلت شام الغرفه،بصوت مستعجل:اسمعي مها بأسوي لك الجنب اليمن من شعرك واروح اسوي اكل لـ عز وانتي خلصي الجنب اليسار وانا اذا خلصت جيتك
مها،بهدوء:طيب
-
•بـيـت الـجـد سـعـود:
أنت تقرأ
"بعدك يجرحني وقربك يشفي لي جروحي"
Romantizmرواية تجمع بين الحب والخيانه ،والغدر والرعب والزواج الاجباري ، بين حب ابطالنا تحدث احداث بتصدمكم، لاتفوتكم اول كتابتي 🤎 الأنستا:"rwa.rof5 " "لا أسمح بالنقل أو الاقتباس"
