غاية،بهدوء:روحو ارتاحو للظهر وقومو تجهزوا
شام:ابشري الفطور جهز
تقدمو للفطور ولاكأن بدر موجود بحياتهم وابتسامتهم وضحكتهم مافارقتهم بس محد كان يعرف بالضيق يلي كان بوسط قلب عز كأنه جبل هموم وكل مازادت الثواني ازدادت صخور همه
-
الساعة 3 العصر:
بدأت السيارات تجهز وتمتلي ،وتر وهي تساعد هتان:ياخوي خذ هالصحن
تقدم هتان وهو يغطي راسه من الشمس،بتعب:هاته عنك
انتبهت وتر لتعب عيال العايله ،دخلت المطبخ واخذت كيس وملته مويه بارد،طلعت للحوش بهدوء:بتال
التفت بتال وهو يشوفها متغطيه بطرحتها ورا الباب
بتال:سمي
وتر وهي تمد المويه:خذ لك انت والعيال الشمس ضاربتكم ضرب ادخلو المجلس وارتاحو معد يحتاج السيارات امتلت
بتال،بهدوء:مشكوره ياعسى يدك ماتمس النار،ماعليك بخصوص العزبه خلصنا بنروح نتجهز وانتي خذي جدتي واطلعو سياره الرعد
وتر بأستغراب:لاياخوي ماني برايحه مع الرعد انت محرمي خذني معك
بتال:ابشري
وتر:تبشر ياخوي بيلي يرضيك
بتال وهو ماشي:امين وياك
جهزو الكل واتجهو طريقهم وكل واحد ومحارمه اما الرعد معاه جده وجدته وميراف .
وصلو البر وبدو الكل يجهزون الجلسات،اما عند الرعد،بصوت عالي:يامالك
مالك التفت ،بصراخ:عسى ماشر يارجال
رعد بنفس النبره:جب غصن من عندك ماضنتي بتولع هذي بسرعه
الجد بأستغراب وهو يناظر رعد:علامه جمركم رفض يولع!
رعد،بتعب:لاولله ياجد بس هالفحم مابيطبخ لنا نحتاج نار بناخذ غصن ونحرقه أزين
الجد:اجل أبعدو الوليد لا ينكتم
الوليد أبتسم:لاماعليك يا أبو ماجد دواي بجيبي
الجد:أبعد عن الدخان ياوليدي وخلنا نتهنى
الجد التفت لبتال،بصوت عالي:يا بتال
بتال وقف عند الجد:سم
الجد :روح انت والرعد وجهزو الخيم للحريم ماهو بزين يقعدون بالخارج كذا والبر كل من جا شافهم
رعد ترك النار وهو يضرب كفوفه:يااختي انا الرعد طريق
وقفت ميراف وهي تسحب طرحتها :الرعد يبيني ثواني وجايتكم
طلعت من ورا السياره:سم يالرعد
رعد :هاتي علبه مويه ودي انظف يدي من الفحم سودت
ميراف بخوف:رعد الشمس قريب بتغيب متى بتجهزون الخيم؟
رعد وهو يغسل يده:ماعليك الحين الخيم جاهزه خليك وانصحي يلي معك يناظرون معاهم ،ارجعي وان بغيتك ناديتك رجعت ميراف للجلسه ،اما الرعد طلع لعند بتال وسحب عده الخيام:خذ هذي ونحطها هناك بعيد عن النياق لأجل مايخافون
ضحك بتال:الله عليك وأنت تعرف بناتنا ماهن بخوافات
رعد وهو يضحك بهدوء:عارف ،عارف والوحده لا لحقها كلب ركضت
بتال،بضحك:اسمع خلنا من الضحك وخلنا نخلص قبل يفصل علينا أبو ماجد فالعقال فوق راسها والعكاز بيده
رعد:الله يجعلني فداه
بتال:اي ولله انك صادق هالرجال ضاربنا وجالدنا ويلاحق مصلحتنا ولا كأن الواحد أطول منه
عز تقدم بضحك:وش دخل هذا الكلام،ياويليك لو سمعك أبو ماجد
رعد ناظر رعد ونزل راسه وهو يجهز الخيمه وأكمل:وأنت وش جابك؟
عز:ولله جيت اساعدكم ،بعدين وش معنى انتو الاثنين
بتال بثقه،رفع يدينه لاجل يبين لـ عز:شايف هالعضلات،هي يلي تركت أبو ماجد يختارنا
رعد بمزح:يارجال عضلاتك مضيعه طريقها ،ذي مب عضلات هذي دهون خفف منها وأكمل بضحك
اما بتال ،ضرب كتف رعد:أقول لاتقول شي فيك فيني
عز بدا يحس ان ان الوضع متكهرب خصيصا ان بتال شخص عصبي ومايحب المزح وكثره الكلام،عز بهدوء:يارجال كله مزح بعدين كلكم علاشتكم شوي وتنطق وتقول ارحموني ،يرحم امك أنت وياه اهجدو وخلونا نخلص الخيم
رعد بهدوء:أسمع ياعز
عز وهو يساعد بتال:ياهلا
رعد:اقولك اسكتوا عن السوالف يلي مالها داعي ،واخلصو حق ان الحين مخلصين 3خيام
بتال وهو يضحك:ما أخرنا الا ذا العز
عز بهدوء: عز يلي عندك يعزك ويرفع من قدرك،لابغيت الفزعه هالعز موجود وان بغيت نجم من السما أبشر به بس تعرف مالنا باليد حيله ،واليد قصيره يأبو ماجد ماتوصل للسما ولا كانت يدي توصل للقمر كنت خذيته واعطيته أمي وأخواتي .
رعد بذهول:ولله عليك كلام يالعز ماشاءالله
بتال بصدمه:يارجالل وش هالكلام ،اقول طلع لك كتاب وترزق منه يمكن تجيك فلوس منا ولا منا ولا طلعت من هالديره خذ مخ أبو ماجد معك عساه ينسى حبه لهـ نياق يلي اشغلنا بها ونرتاح
ضحك عز:وانت كل يوم تروح لدوامك وراك ماخذيته
رعد بدا يمثل عليهم حدته:اقولك انت وياه حدكم أبو ماجد ،ابو ماجد تاجٍ على الراس ان مارضيتو بفكره وكلامه السيارات هنا والطريق الله ينوره لكم
التفت له بتال بصدمه،اما عز بدا يحس بخوف من نبره رعد يلي لأول مره يسمعها،التفت لهم رعد وأنفجر ضحك:كلامي حق ،بس كنت امزح معكم.
كملو ضحك وبعد مده خلصو الخيام،بدا مالك وهتان يجهزون العشاء
اما عند البنات:
جلست وتر لوحدها على الكرسي بعيد عن الجلسه ومعها جوالها ينور طريقها جلست وبدات تفكر في طفولتها مع الرعد،في نفسها (حبيته حب الشاعر لشعره وقصايده،وانا يلي كان ظني بأني نسيته وارتحت، أثار القلب للحين يدق بأسمه ،والهوا لامر من عندي يهمس لي به)
تنهد بضيق:اههه يالرعد ،يازين الطفوله ،ياليتها ترجع واقدر اشوفك بدون ماخاف منك
قاطع تفكير وتر وهدوئها ،شي غريب لمحته وسط الظلام يمشي بالرمل قدامها رفعت جوالها لاجل تشوف،انصدمت من شافت ثعبان وسط الرمال،ماقدرت تتحمل وصرخت:يالرعددددددد
التفت الرعد على الصرخه،اما وتر ركضت للجلسه وهي تحاول تغطي شعرها ،التفت الرعد بخوف وانتبه لها، وهوصاد :علامك!
وتر وقفت ورا السياره بخوف:في ثعبان ورا هذيك الخيمه
رعد بصوت عالي: ياهتاننن
هتان بخوف :ياهلا
رعد:جب العصا يلي بسياره
هتان بخوف منهي يلي ورا السياره
أشر الرعد بيده من وراه لوتر،بهمس:ادخلي الخيمه
راحت وتر للخيمه بهدوء بعد ما أشعلت جو الجلسه بصرختها،دخلت وشربت مويتها،تقدمت ميعاد:وراك تصارخين يابنتي!!
وتر:كنت جالسه ورا الخيمه وشفت ثعبان عند رجلي
ميراف ،بهدوء:تعالي ،تعالي ارتاحي ،وريحي قلبك
أنت تقرأ
"بعدك يجرحني وقربك يشفي لي جروحي"
Romanceرواية تجمع بين الحب والخيانه ،والغدر والرعب والزواج الاجباري ، بين حب ابطالنا تحدث احداث بتصدمكم 🤎 الأنستا:"rwa.rof5 " "لا أسمح بالنقل أو الاقتباس"
