----------------
• غـرفـة الـتـحـقـيـقـات :
في غرفة التحقيق بحيث كانو فاهد والرعد يحاولون مع جاسم يعترف لكنه كان ينكر ويستغبي،تقدم الرعد بحده:شوف ترا الغباء ماهو بفايدك ،انطق مين يلي أطلق،وأكمل بكذب:وبنطلعك برائه
ابتسم جاسم بخبث: شايفني غبي تمشي كذبك علي!
الرعد :مدامك عرفت مصيرك انطق وأي حركه بتقلب ضدك سامع،مين يلي كان معاه السلاح والسلاح وينه؟
ارتبك جاسم لما سألوا عن مكان السلاح ،ناظر الرعد بـ فاهد وأكمل: السلاح معاك؟
جاسم تنهد ،بـ همس:يلعنكم يالاغبياء
سمعه الرعد بصوت مستعجل:دخله يافاهد ولايطلع
فاهد بأستغراب: أبشر
طلع الرعد وسحب معاه هتان بأستعجال:السلاح مب معاهم يعني اكيد مرمي حول البيت
هتان :ووش يثبت كلامك؟
الرعد:أول ما سألته عن السلاح أرتبك،وسمعته يلعن يعني تركوا اثر وراهم ومايقدر يقول لهم اي شي،خلك هنا وانا رايح ،أكمل بصوت عالي:ياشباب الحقوني.
----------------
• بـيـت هِـمـام :
طلعت بيادر بفرحه بصوت عالي:وتر استقرتتت حالتهااا
انهارت وتين:الحمدلله ياربي
تقدموا البنات يلي كانو يباركون ويتحمدون بكل فرحه ويتمنون ان وتر تقوم بسرعه..
----------------
• عـروب :
بدأ الشك يزيد عندها والخوف إتجاه مالك بعد ماشكت بكلامه بخصوص الأمس ،فتحت جوالها وهي تحاول تتذكر رقم بنت عمها "شمس" اتصلت لكنها ظلت ساكته
شمس:الووو مين معي ؟،الوو !
قفلت شمس لكن رجعت عروب تتصل :شمس !
شمس بخوف:عروب !
عروب:ايه انا
شمس:وينك؟وين انتي الكل يدورك؟
عروب:انا بأمان لحد يدورني واذا بتقدرين توصلين لأخواني معلومه اني مستحيل ارجع يكون أحسن
شمس بأستغراب:عروب ترا اخوانك زوجوك
توسعت عيون عروب بصدمه:كيف زوجوني؟
شمس:عروب لاتستغبين انتي قبل تهربين وقعتي على ورقه ملكتك
تذكرت عروب الورقه يلي قدمها لها اخوها وعلى اساس انها موعد:شمس قفلي شوي واتركيني بحالي
شمس:عروب انتي على ذمه رجال مايصير تطلعين ارجعي ولا تعرفين..
قفلت عروب قبل تكمل شمس وجلست بخوف وكيف بتصارح مالك وهي للحين بصدمه من يلي صاير معها...
----------------
• المـسـتـشـفـى :
بشرهم الدكتور ان حاله وتر في أستقرار ،أبتسمت ميعاد،بفرحه وانتبه ماجد لها يلي فهم انها تبي تدخل عند وتر:الحين يادكتور نقدر ندخل عندها؟
التفت الدكتور للمرضه: شخصين بس يدخلون وبدون صوت أو لمس الاحهزه والممرضه بتكون معكم
هتان ابتسم:يبه.. يمه ،انتوا ادخلوا
دخلت ميعاد بالأول،اقتربت بكل حذر وخوف وهي تتأمل وتر يلي مافي منها أي استجابه..اقتربت الممرضه وهي تشوف انهيار ميعاد:لازم تطلعي
ميعاد بهدوء:دقيقه وحده بس
الممرضه: دقيقه وجايه..تركتها الممرضه وطلعت اما ميعاد جلست بجانب وتر :قومي يابنتي وتعالي لـ ابوك وأخوانك ووتين ينتظرونك ،قومي ونروح لجدك همام ونجلس معاه كل صباح
مسكت ميعاد كفوف وتر وهي تمسحها:قومي ياعيون امك قومي
دخلت الممرضه:لو سمحتي انتهى الوقت
طلعت ميعاد بتفهم وخوف من انها تتعب بنتها..دخل ماجد يلي كان متماسك اكثر من ميعاد ،سلم على وتر ماتحمل شوفتها بكذا حاله وطلع...
