"بعدك يجرحني وقربك يشفي لي جروحي"

[الـجـزء الخامس]

يستقوي لان جدي راح بباقي النياق الا هذي الناقه رفضت تمشي معه،وملّت الناقه وشربت ،رجع جدي وشاف ان ابوي قدر على الناقه وقال له:هذي الناقه لك
وابوي انبسط فيها وكان ناوي يبيعها،عزم جدي يومها واحد من اخوياه على بيت الشعر حقه وبدو يشربون بالشاهي وخذتهم السوالف وكان ابوي وعمي سيف جالسين يناظرون النياق لاتبعد عنهم،قال خوي جدي له ان الناقه تناظر ابوي بنظرات وواضح انها حاقده عليه ونبهه من حقد النياق ،وفعلا جدي كان حاس ان ابوي مسوي للناقه شي لاجل تاكل ومااكلت برضاها ،في الليل قال لهم جدي انهم مابيرجعون الديره وبينامون ببيت الشعر ،اخذو مفارشهم ونام ابوي وعمي وقعد جدي صاحي بس مابين للناقه انه صاحي وقعد يراقب ،اقترب جدي من اعمامي وقال لهم يروحون ورا الخيمه ويحطون الوسايد داخل المفارش وهو رايح يشغل لحلاله الماء وجاي ،وراح جدي لعند هذي الناقة واشغلها بشرب المويه وانحاش ورا الخيمة وقعد يناظر الناقه من فتحه بطرف الخيمه،اقتربت الناقه من الخيمه وقعدت تناظر بالخيمه يوم مالقت احد حوليها وتأكدت ان يلي عندها بشر نايمين بدت تدوس الوسايد كلها وبقوه ويوم هي تدوس مفرش ابوي سحبت برجلها المفرش وشكلها درت وسحبت برجلها مفرش جدي وعمي ،وطلع جدي، شافت الناقه جدي وهو يطلع ومعه ابوي وعمي ،ناظرتهم وبدت تدور بمكانها بسرعه ،الا وتطيح الناقه
بتال:اسلممم
رعد:تسلم،الا وتطيح الناقه،ويقوم جدي ياطويل العمر والسلامة ويقرب من الناقه لاجل يتطمن عليها،ولا والناقه مابها النبض،سحب جدي وعمي وابوي الناقه بعيد عن باقي النياق لاجل ماتخاف وتحاول تنحاش اخذوها ورا الخيمه طلعت الشمس وجا خوي جدي يلي قلت لك اول وقال له جدي عن يلي صار ،وقال له الرجال امش معي اوريك حاجه،مشى معاه جدي الا والرجال يسحب خنجره ولقو ان الناقه من كثر الحقد قلبها انفجر
بتال ،ابتسم:ياويلي ويلاه،اشوا انها ماتت ولاذبحتهم
قاطعهم خروج هتان،بصوت عالي:يارجال امشو جدي يبنا بسالفه،مشو للمجلس.
----
عند البنات:
جلست وتر وباقي البنات بجانبها ويلي قدامها،بدت وتر تقدم لهم القهوه،نزلت الزين جوالها:اي ياوتر اجتمعنا قولي لنا عن حركات المندوب عشان ننتبه منه لانروح كلنا
نزلت ميراف فنجالها بخوف:ليه وش سوا المندوب؟
استغربت شام :بنات المندوب يلي تتكلمون عنه سعودي؟،لانه مستحيل هذي حركات السعودين
ابتسمت وتر:لايعيوني مو سعودي، اعتقد بكستاني او هندي مادري،بس يابنات تراه المندوب نفسه يلي نطلب من عنده كلنا ولاحظت عليه اخر فتره يسوي حركات مالها تبرير
ميراف رفعت حاجبها باستغراب:مثل وش؟قولي لنا السالفه من البدايه للنهايه.
عدلت وتر جلستها ونزلت فنجانها:طلبت مره منه طلب ووقف سيارته بعيد بس مو مره بعيد،مع انه كان بالعاده بوقف عند الباب ينزل الطلب ويرسلي ويمشي،بس هذي المره حسيته بدا يخطط على شي،طلبته أشياء من البقاله وراح جابها وحطها بعيد شوي عن الباب وكان موقف بعيد عن الباب بشوي،ارسلي وكتب اطلع عشان اخذ طلبي ،بس انا ماسمعت صوت سيارته وقلت له يحرك عشان اطلع قال ان سيارته خربانه بس هو كذاب يابنات،جلست انتظره يمشي الين ارسل وكتب انه في قطو بياخذ الاكل اذا ماطلعت وهو مامشى رحت صورت الرسايل وارسلتها لـ هتان ماهي الادقايق وهتان داخل وبيده الاكل دخل الاكياس وراح للمندوب وسبحان الله يابنات تحركت سيارته،انتبهوا منهم ولله مامنهم امان هذول
ميراف بخوف:بس المشكله يابنات ان الحي مافي بقايل قريبه ،وماعندنا الا هالمندوب،يعني وش الحل؟
الزين،بهدوء:ولله نحافظ على انفسنا افضل من نضحي بأنفسنا له
تنهدت وتر:بنات خلونا من طاريه وخلونا نتونس ماتحسبنا نلتقي
ناظرت مها وتر بأحتقار:ولله ياحبيبتي باب بيتنا كان دايم مفتوح لك بس انتي يلي ماتبين الزياره وقاطعتنا
تضايقت وتر من كلام مها:اسفه ياعيوني على القطيعة بس صدقيني كنت دايم احاول اجيكم وانشغل
ضحكت مها ضحكة مستفزه:واصلا مين قايل اننا ميتين على جيتك،خليك ببيتك محد ميت عليك
سكتت وتر هالمره رغم انه بداخلها كلام كثير لـ مها،مها دايم تتعمد تضايق وتحرج وتر رغم ان تعامل وتر معها طيب،بس مها ماكانت تحب وتر ودايم تغار منها بس ماتبين غيرتها،شافت مسك الجو متكهرب:بنات!
التفتو الكل:هلا
وتر كانت سرحانه بالتفكير بعالم ثاني،انتبهت لها مسك:وتر؟
انتبهت وتر:لبيه؟
ابتسمت مسك:لبيتي في منى ياعيوني،اسمعو بنات وش رايكم مدام الشمس لسا ماغربت كل وحده تجيب عباياتها ونطلع الجبل
ضحكت مها بأستحقار:حبيبي الناس تتطورت وانتي لسا معلقه حلمك على هالجبل
ناظرت شام بـ مها:مها خلاص اسكتي تكلمي زين ولا اسكتي
رجعت مها تناظرها:خلاص انا مو رايحه، بادخل البيت روحو انتوا
ابتسمت وتر وقربت من مسك:مسك ياعيوني كلنا معك وان كان الموضوع عاجبك يلا كل وحده تاخذ عبايتها وطرحتها ونطلع
ابتسمت مسك وقربت وضمت وتر :حبيبتي انتي الله لايحرمني منك
وتر:ولايحرمني،يلا خلونا نروح قبل يطلعون العيال
ابتسمت مها بخبث: انتو روحوا واستانسوا
شكت وتين فيها ،بغضب: شوفي لو ماتروحين من وجهي الحين ادفنك هنا،خلاص ماتبين تروحين خليك داخل ليه جايه توزعين نظرات وتوكلين البنات بكلامك،ترا عيونك حولا وانتي شايفه انها هيبه.
تقدمت مها،بدلع:وانتي ليه محتره كذه ؟لاتكونين غيرانه ياعيوني؟
زفرت وتين انفاسها،بغضب: وانتي ليه واثقه من نفسك كذا؟ مين يغار من البقر لامشت وهي شايفه ان محد زيها،اقول من الاخر ادخلي قبل ا...
قاطعها دخول ميراف بينهم:خلاص يابنات هدوا كلنا اخوات خلونا كذا حلوين ويلي ماتبي تروح لاتروح ويلي تبي يلا قبل تطلع الشمس
دخلو البنات كلهم ياخذون عبايتهم بينما مها جالسه بالحوش لحالها.
----
عند الرجال:
انتبه بتال ان جده واضح عليه ينتظر احد،اقترب من جده بـ همس:ياجد تنتظر احد؟
عدل الجد جلسته،بـ همس:وينه رعد ياوليدي؟
بتال بـ همس:طلع ياخذ شي من سيارته وراجع
الجد،بـ همس: قوم روح جيبه ودي ابدا موضوعي قبل يملون الرجال
بتال وقف بـ هدوء:سم ثواني وانا جايبه
الجد عدل جلسته :الله يرضى عليك ياوليدي
طلع بتال لعند سياره رعد ،وانتبه له جالس على جواله،دق بالقزاز واشر له ينزله،انتبه رعد:اي هلا بتال؟
بتال:لعنتك ،جدي ينتظرنا داخل وانت هنا على جوالك ،اقول قوم تراه ينتظرك يبدا موضوعه
رعد،بهدوء:اقول استغفر ولاعاد تلعن مانبي برايق لك ترا
بتال وهو يعدل شماغه:استغفر الله،بعدين وانت داري من لما نادنا هتان ،علامك رجعت؟
رعد تنهد ورجع ظهره: ولله ياخوي جتني ضيقه عاد دخلت سيارتي اعدل نفسيتي وادخل لكم
فتح بتال الباب:اقولك ياالرعد؟
طلع رعد،بهدوء وقفل باب السياره:سم ياولد العم؟
بتال بهدوء:سم الله عدوك،تدخن انت؟
ضحك رعد ضحكة هاديه:لاولله يارجال ولا انا وش لي بشيء يضرني ،مدامني قريب من ربي لاتضايقت اعرف اصلي وادعي وش لي بالدخان ماغير يضرني ويمرضني ويحرقني
اقترب بتال وهو يضرب على كتفه بخفه:كفو عليك يارجال،ابتعد واكمل:والحين خلنا ندخل لأبو ماجد لايضربنا بعكازه
ضحك رعد:اجل يلا مشينا
دخل رعد وبتال وجلسو ،عدل الجد جلسته بصوت شبه عالي:مدام الكل مجتمع فالله لايفرقنا ويجمعنا دايم كذا،حبيت اقولك انه بكره محدٍ فيكم بيعتذر ،والي عنده شغله بكره يقدر يأجلها ،موعد ولا دوام ولاشيء ماهمني،بكرا كلنا بالبر،كل واحد وزوجته وعياله بكره بالبر
عدل بدر جلسته:ولله ياعم امرك على راسي بس ...
قاطعه الجد:مافي لابس ولاشيء ،وانت يالبدر ان ماشفت بنتي غايه و عز وبناتك بالبر بكره معنا ماني براضي عليك،وهذاك ياعز سمعت كلامي لأبوك ،كلكم من الساعه 3العصر تكون سيارتكم وعزبتكم جاهزه ،وودنا بأربع خيام لاجل الحريم ياخذون راحتهم،ولاتنسون الحطب والماء ،وعاد يلي عنده اكثر من عدة اربع خيام يجيبها لاجل نزيد ليل وده يرقد.
اتفق الكل على طلعه البر الا بدر يلي ماكان وده يطلع وباالكاد طلع لبيت الجد سعود،انتبه عز لأبوه وهو واضح عليه انه بيسوي اي شي لاجل مايختلط مع اخوان غاية،اقترب عز بـ همس:علامك يباه؟ لايكون مب عاجبك شور جدي؟
تضايق بدر من كلام عز معاه،بهدوء:شف ان ماقمت عني الحين لأكفر فيك قدامهم
عز بهدوء:علامك يباه؟، لاتعجبك جلسه خوالي من زين بجلسه عمامي
بدا الغضب ينتشر بجسم بدر:شف يابدر رح واتصل على امك وقول لهم بعد العشا يغسلون ويطلعون للبيت
عز،بـ همس:لابغيت تروح استأذن وروح اما امي واخواتي خلهم علي،انا بأخذهم بعد البيت امشيهم وارجعهم البيت
ناظره بدر بغضب:حسابك بالبيت وانا اعلمك
عز بعد اهتمام:مابعمرك كنت قد كلمتك بتكون في هذي قد كلمتك
مسك بدر كتف عز بقوه:قم لابارك الله فيك، قم لأكفر فيك هنا
وقف عز واشر لهتان و وليد يطلعون معاه اقترب عز من الباب ،بصوت أستأذنكم بنطلع برا وراجعين ،خذو راحتكم.
----
عند البنات:
جلست ميراف على حجر ،بتعب:بنات خلونا نجلس هنا ونشرب مويه عشان نشوف الغروب سوا
ابتسمت وتر وجلست بجانب ميراف:اهههه ياميراف،الجو والهوا البارد يفتح النفسس
تهندت وتين،بقهر:اوفف يابنات لو كنتوا تركتوني اخذها معنا وارميها من فوق هالجبل ونرتاح منها
ضحكت شام :ولله يابنات ماعرف ليه مها بالبيت معنا عسل عسل مره بس هنا تقلب شيطان حتى انا مرات انقهر منها واتمنى مرات انها ماتجي بس تعرفون جدي لااجتمعنا يحبنا نجتمع سوا ومحد يظل ببيت لحاله.
تنهدت وتر:اوفف يابنات الحين نرجع ويحطونا بالمطبخ نسوي العشا ولا نقطع السطله
ضحكت الزين:صادقه ،شوفو البدا الغروب
ابتسمت وتر وهي تتأمل الغروب،قاطعهم صوت شام:بنات يلا قبل الدنيا تظلم نروح لايشوفونا اخواني ولا خوالي
رفعت وتر عبايتها وبدت تنزل:يلا يابنات عشان ندخل بسرعه ومحد يشوفنا انتبهو ترا في حجر تحت يتحرك
نزلت وتين بسرعه قبلهم ،ضحكت ميراف:ههه يابنات شكلنا بنصير متسلقات
وتر رفعت عبايتها؛اي ولله شكلـ...
قاطعتهم صرخه وتين ،ونزلو لها البنات كلهم،
اقتربت شام من وتين يلي كانت تبكي بألم :وش فيكك وش صاير؟
رفعت وتين يدها بألم:حطيت رجلي عشان انزل وتحرك الحجر وطحت
اقتربت وتر،بخوف:وتيني وش فيك؟
شام،بهدوء:بنات خلونا نساعدها تنزل قبل يطلعون الرجال لان صرختها عاليه
وتر،بهدوء يخاطله الخوف:وتيني تقدرين تمشين
وتين بألم:ماعرف رجلي تعورني
وتر:طيب جربي توقفين ،اذا عورتك نساعدك
ميراف انتبهت للمسافه البعيده للنزول:بنات ثنتين ينزلون عشان يمشكون وتين اذا نزلت ووحده تمسك الجوال تنور الطريق
الزين،بهدوء يخاطله الخوف:أ أنا بأنزل اول نورو لي الطريق
ميراف:جوالك معاك؟
الزين،بضيق:طفى
ميراف : طيب بنات خلونا ننزل سوا عشان مانضيع ولا ننسى احد خلونا مع بعض
بدو البنات ينزلون بأهتمام مع وتين يلي دموعها ما وقفت.
----
عند الرجال"رعد،عز،هتان،الوليد:
جلس هتان بهدوء :يارجال غريبه المكان فاضي بالعاده اخواتنا يجلسون هنا بهالوقت!
رعد،بهدوء:وانت صادق
انتبه وليد للنور يلي فوق الجبل:ياعيال وش هالنور؟
رعد،بأستغراب: يكون شخص مجهول يدور مكان
هتان وقف وانتبه للعدد:يارجل هذول سود وكثار لايكون جن
رعد:يارجال سم بالله وخلنا نطلع نشوف
مسكه هتان من كتفه:يارجال تستهبل علينا ،ودك تطلع ،طيب نفترض لو كانو مجهولين ورحت تشوف لهم وتعرضو لك وش بتسـ...
قاطعهم صوت صرخه،رعد التفت لهم:يارجال ولله انهم البنات
هتان :هذي كأنها صرخه وتين
الوليد:خلونا ننطلع نشوف لايكون احد تعرض لهم
ركضو العيال بأتجاه البنات ،صرخ هتان: يارجال غضو بصركم لاتجى على محارمنا
عز:وانت الصادق غضو البصر وخلونا ننزلهم
صرخ رعد:ياهو قفلو النور
فزت ميراف من لما سمعت صرخه رعد:يابنات غطو وجيهكم غطوها
وتين بألم بنات:مين هذول يلي تحت؟
وتر بخوف وصوت مستعجل :مدري ،مدري خلونا ننزل من الجهه الثانيه مو قادره اشوف وجيهم وقفلو النور لايشوفون وين رايحين
الزين بخوف:بنات بنموت؟
شام،بخوف:لا،لا ان شاء الله ،امشو بسرعه
بدو البنات يروحون لطريق معاكس لبيت الجد ،لاجل ينزلون بعيد عن انظار اخوانهم يلي بضنهم انهم رجال مو من عائلتهم،رغم ان اخوانهم متأكدين ان هذول اخواتهم.
رعد التفت لهم بصوت مستعجل :ياعيال البنات مايعرفونا عشان الظلام وش اكيد يضيعون بهالظلام كل اثنين يروحون من جهه انا والوليد بنروح من اليمين وانت ياعز انت وهتان من اليسار لاتطلعون خلوكم وراهم ولاتركضون ان ركضتو بيخافون منكم واحتمال يروحون للوادي تحت وعاد تعرفون مصيرهم
عز:يارجال لاتفاول عليهم ترا اخواتي معهم
رعد:يارجال وانا اختي وحيدتنا معاهم ومتأكد ،بس لازم نكون صريحين ،خلونا من الكلام واتركونا نلحقهم قبل يدرون عمامي ،انتو روحو وانا بأتصل بمالك يحاول يمسكهم لايطلعون
الوليد:خله يمسك بتال بالاخص لايكفر فيهم
رعد:هذا هو يلي كنت بأقوله،امشو وانتبهو من الثعباين واذا مسكتوهم دقوا علي،يالوليد امش لاتنتظرني انا اذا مالقيتهم باخذ سيارتي وانزل للوادي
الوليد هز راسه بـ طيب وركض،اما عند رعد اخذ جواله واتصل على مالك واول ماوصله صوت مالك:اي هلا يالرعد وش فيك تتصل؟
رعد:يارجال اطلع من المجلس اذا انت فيه
مالك:ماعليك انا توني طلعت للحوش،اخلص في شي؟
رعد:أسمع لاتخاف وولا شي بس واضح ان البنات طلعو للجبل لسبب مانعرفه وسمعنا صرخه وواضح صار لهم شي وقبل شوي طلعنا لهم واختفو ،ابيك تمسك بتال عندك والبنات خلهم علي انا والعيال بنرجعهم سالمين ان شاء الله وان سألو زوجات عمامي عن بنات ولا امي عن ميراف قول لها ان ميراف معي
مالك:ابشر يارجال خلها علي ولاتشيل هم
رعد:بأقفل الجوال لاتدقيت عليك رد
مالك:ابشر
سكر رعد المكالمه وركض باتجاه صوت الخطوات..
عند البنات:
كانو البنات يمشون بطريق مظلم ومو عارفين وين نازلين ولا وين رايحين،الزين بخوف:بنات!
التفتوا لها البنات وكلهم بصوت واطي:وش في؟
الزين بخوف يخالطه التوتر:قاعده اسمع صوت خطوات قريب
سكتوا البنات وبدا صوت الخطوات يقترب،وتر بخوف: بنات لايكونون ناوين،اركضوا
وتين بخوف:بنات ساعدوني
مسكوها ميراف ووتر،وبدو يركضون ،انتبهت وتين لـ غصن شجره كبير ،وتين بتألم:بنات في شجره هناك اعطوني فيها غصن طويل
ميراف بأستغراب:وتين وش تبين فيه ؟
وتين:ابي اخذه عشان نقدر نروح قبل يوصولون لنا
هزت ميراف راسها بـ طيب،اقتربت من الغصن وانتبهت لكميه الشوك يلي فيه ورجعت التفت لـ وتين:وتين ياعيوني الغصن كله شوك لا انا بأقدر اكسره ولا انتي بتقدرين تمكسينه
وتين،بخوف: طيب كيف بنرجع؟
الزين بدات تتلفت للمكان،بخوف وأرتباك:بنات اعتقد اننا نزلنا للوادي
وتر،بخوف:بنات لازم نرجع نطلع ،ميراف هاتي جوالك
ميراف مدت لـ وتر بجوالها،وتر:بنات بأنور الطريق ونرجع للبيت بس يابنات اذا سمعتو صوت الخطوات لا توقفون كملو طريقكم وكل وحده تمشي وتغطي على فمها لاحد يسمعنا وتعرفون عمامي وابوي وجدي اذا عرفو انا طلعنا للوادي الليل وش بيصير
وتين بخوف:بتال لو عرف اسواء منهم كلهم
وتر:عارفين بس يلا
ميراف :كل وحده تناظر على وش تمشي
البنات بصوت هادئ وموحد:ان شاء الله