° حور °
----------
گعدت الصبح على صوت هلاهل جوة
نزلت وحجابي على راسي
شفت بيبي ام بابا تهلهل و مرت ابوي يمهة تضحك
عرفت ب بابا طلگ ماما
نزلت بوجهي للحمام
غسلت وطلعت سويتلي لفة جبن
وصعدت
واني اصعد الدرج سمعت بيبي تگول - هاي الصلفة ما تسلم
كملت طريقي مطنشتهة
دخلت لغرفتي ورحت اشوف تلفوني
فتحت الرسائل وشفت رسائل من ماما
" بالعافية النجاح يمه "
" ادري متأخرة ... شلونچ بالكلية "
" بنيتي حبيبتي انتي اني اسفة لان هدية نجاحچ صارت طلاگي من ابوچ "
" لا تزعلين من امچ "
" شتردين دزيلي حتى اشتريلچ وادزلچ "
" يمهه والله ما اخلي شي بخاطرچ "
دخل بابا واني اقرة الرسائل
باوعلي وگال - قسمة حق سنتين لمچ وسنتين ألي
- شلون يعني
محمد - اول سنتين اني ادفع القسط ...... بس من تتخرجين ترجعين كل فلس احمر دفعته لوجهچ
هزيت راسي ب اي وگلت - اروح ل ماما الاسبوع الجاي
محمد - لاا اذا ما تنجحين بالسنتين تحلمين تشوفينهة
- ليش
محمد - احسن ... خلي تتحسر على شوفتچ
- الاسبوع الجاي معندي شي خلي اروح اشوفهة
محمد - گتلچ لاا
- زين ميحتاجه ملابس
محمد - ميحتاج داومي بالعندچ
- ما عندي ملابس شتائية ... ولا عندي كوت لو قمصلة كلشي معندي
محمد - دبري روحچ
- مو باردة الاسبوع الراح جمدت من البرد
محمد - مشكلتچ
عافني وطلع
درت وجهي وباوعت بالتلفون
شفت ماما دازتلي صور
" شوفي هذا الكوت حلو لو لا "
" اشتريتلچ اياه "
" اشتريت اسود و ثلجية "
" حلوات موو "
ابتسمت ودموعي تجري
وكتب " كُلش حلوات ماما "
" انتي زينة حبيبتي "
" ايي "
" تريگتي "
" اي "
" جوعانة "
" شويه "
" الله لا يوفقهم "
" انتي زينة "
" اي حبيبي كُلش زينة "
" يوم مراح تتزوجين موو "
" هاا "
" بابا يگول امچ راح تتزوج جيرانهم "
" هو تقدملي بس هسه اني داخله عدة ميصير افكر "
" يوم اذا خلصتي ورجع تقدملچ اقبلي "
" شنو هلحچي يمهه "
" اروحلچ فدوة اقبلي "
" يوم ترة ازعل عليچ "
" يوم شوفي حياتچ كافي تبقين مظلومة طول عمرچ لخاطري اني "
أنت تقرأ
الفرج
عشوائيماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
