الفرج

4

• حور •

گعدت الصبح ونزلت للحمام
غسلت وجهي و اسناني ورجعت فوگ
بدلت ولبست بنطلون اسود قماش و قميص ابيض مفتوح وجواه هاينك خفيف اسود
لبست شالي الاسود وجنطتي همات
خليت مسكارة وكحل و حمرة خفيفة
قفلت باب غرفتي و تمشيت لفراشي
رفعت الدوشگ وطلعت فلوس
اخذت 50 الف وخليتهن بالجنطة بجيب مخفي
وطلعت
شفت الحية الصفرة گبالي

فايزة - ليش قافلة الباب

- چنت ابدل واكثر من مرة ابنچ يفتح علي الباب واني ابدل

فايزة - افتحي جنطتچ

فتحت الجنطة تشوف شبيهة
وشافت عندي 10
اخذتهة وخلتلي الفين وگالت - يكفيچ

عافتني وراحت
تبننن
نزلت جوة وشفت محمد
الي هو ابوية عود
عفته وطلعت
لا سلمت ولا صخمت
وبوجهي للشارع حتى اروح بكوستر
گعدت بالكوستر وبديت اراجع

وصلت قريب للكلية ونزلت
كملت طريقي للكلية
ودخلت
وبوجهي لقسمي

باوعت حولي وملگيت احد
گعدت على كرسي اراجع
شوي و تقربت مني وحدة وگالت - عادي اگعد

رفعت راسي وشفتهة ياسمين
ابتسمت بوجهة واخذت جنطتي
وگعدت بصفي

- واضح انتي احسن من البارحة

هزيت راسي ب اي وعيني بالملزمة
شوي وباوعتلهة بسرعة وگلت - فلوس المشروع أنطيچياهن عادي

ياسمين - هاا …… اي عادي

فتحت جنطتي وطلعت 25 وانطيتهيا
طلعت ورقة وگالت - اسمچ

- حور محمد

ياسمين - تمام انتي ويانه غير

- ايي اني c

ياسمين - تمام

باوعت لليمشي بأتجاهنه
لمحته توگف وتبتسم بأتساع

ياسمين - هلوو مسلم شلونك

ابتسم بوجهة وگال - الحمدلله انتي شلونچ

ياسمين - زينة الحمدلله … البارحة ليش متجاوب بالگروب؟

مسلم - البارحة گضيتهة قراية ووراهة نمت بسرعة

باوعلي وگال - شلونچ حور

ابتسمت بخفة وگلت - الحمدلله

مسلم - دومچ يا رب

رجعت ياسمين گعدت واشرت للكرسي اليمهة - اگعُد

مسلم - لا راح انتظر الولد … شنو محد جاي

ياسمين - بعدهم

هز راسه ب اي و اجه يمي
وگف يم الحايط اليمي وانتچه عليه
زفرت بخفة و كملت مراجعة
شوي ودگ تلفوني

جاوبت " ها نور "

" الناس تصبح … صباح الخير "

" صباح النور "