• حور •
گعدت الصبح بحماس
اليوم اداوم واشوف گروبي
محاضرتي ب 11 ف عادي اطلع متأخرة
ابتسمت بأتساع ووصلني اتصال من احمد
فتحته وگلت " هلووو "
" حور لتخابريني بعد "
" هاا "
" ردت اگلچ بعد اني وياچ لا اصدقاء واذا شفتيني دوري وجهچ ولا تسلمين لان مراح ارد عليچ اذا سلمتي "
" هاي كذبة مو "
" مو چذبة … و يلا سلام "
سد التلفون بوجهي وردت اخابره مرة ثانية بس حظرني
فتحت تلفوني ودورت على گروبنه
مطلعيني من الگروب وحاظريني
ليش
شسويت اني
رجفت واني افكر
والله ممسويه شي
كلشي ممسويه
دورت ارقامهم
وحساباتهم
اي واحد ناسي يحظرني بس ماكو
كلهم حاظريني
ممسويه شي والله
طفرت للاستقبال وصحت - بيبيييي
صبيحة بخوف - اسم الله بيبي شبيچ
بلعت ريگي وگلت - انطيني تلفونچ
اخذته منهة وگالت - شبيچ بيبي
- بعدين اگولچ
رجعت لغرفتي وسجلت رقم محمد
خابرته وما جاوب
ومرة ثانية وهم مجاوب
وبالثالثة جاوبني
" السلام عليكم "
صوته طبيعي
بلعت ريگي وگلت " ليش حاظريني "
" هاي انتي "
" محمد اني شمسويه "
سد التلفون بوجهي وحظرني
ليش
والله ممسويه شي
دخلت بيبي واني واگفة بمكاني
ممسويه شي والله
صبيحة - شبيچ بيبي
- بيبي البنات و الولد حاظريني وطارديني من الگروب
صبيحة - يا بيبي ليش
- مادري بيبي مادري
احچي واني ارجف
ليش
اني ممسويه شي
صبيحة - خاف مقلب بيبي
باوعتلهة بسرعة وگلت - هاا
صبيحة - اي بيبي ذاك الاسبوع عيد ميلادچ ف يجوز يضحكون وياچ
- هاا اي يجوز
طلعت قميص اسود وبنطلون اسود
ولبست شال سمائي ويه الجنطة
وحذائي رياضي اسود
خليت واقي ومسكارة وحمرة
وطلعت
خالو حسن حياخذني
صعدت بالسيارة وياه وگال - شبيچ من الصبح
- خالو اصدقائي حظروني
حسن - ليش
- مدري
حسن - استفسري منهم عادي
- اي
باوعت للطريق
واني ساكته
اني ممسويه شي
الخميس شفت علي وسوالف و ضحك عادي
يجوز صدُگ مقلب
لان الاسبوع ذاك عيد ميلادي موو
أنت تقرأ
الفرج
Разноеماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
