•حور•
گعدت على دگة التلفون
فتحته وخليته على اذني وگلت " الوو "
" صباح الخير "
رفعت التلفون من اذني وصفنت
رقم غريب
رجعته على اذني وگلت " نعم تفضل "
" النتائج اليوم ما ناويه تستلمين نتيجتچ "
گعدت بسرعة وگلت " منو انت؟ "
سده بوجهي وصفنت على الرقم
رجعت خابرته وما جاوبني
شفت الساعة ب 8
خابرت كوثر
" كوثر اليوم النتائج "
" متدرين "
" خرببب لاا "
" زين عادي ترة … ب 10 يسلموهن تعالي "
" عادي اتأخر غير "
" عادي بس لازم تجين نريد نطلع للمتنبي مو تعترضين بشرفچ "
" اوكي اوكي "
سديت التلفون وگمت
نزلت جوة غسلت وجهي واسناني وصعدت فوگ
لبست بنطرون تشارلس بيجي و هاينك اسود و قميص اسود
شال اسود و جنطتي ظهر اسود
خليت بلشر ومسكارة و خليت هايلايتر بالمدمع
وحمرة ترابية ترست روحي عطر وطلعت
وبوجهي ل برة
- ما تسلمين
طنشت الحچه وطلعت
وطبعا منسيت الفلوس شي اكيد
صعدت كوستر وفتحت تلفوني
شفت الرقم الخابرني الصبح
منو هذا ما ميزت صوته لان چنت منعسه
بديت اصور الطريق ومن وصلت نزلت
و كملت مشي للكلية
باوعت ورة من واحد صاحني
ابتسم بوجهي ورفع ايده وگال - هلوو
اشر على روحه بالسبابة وگال - احمد صديق محمد … اني طب اسنان
هزيت راسي ب اي وگلت - هلو
ابتسامته ماليه وجهة
واني ابتسمت على ابتسامته
- شو متأخرة
- اي والله مادري اليوم نتائج اصلا
احمد - احح يا برود اعصابچ
- والله مو برود
احمد - نگول فهاوة
ضحكت وگلت - ايي
ابتسم بوجهي وگال - امشي امشي
- تجي كوستر
احمد - لا سيارتي هناك
اشرلي على سيارته وگلت - ليش متروح للكلية بيهة
احمد - شفتچ وگلت ليش ما امشي وياچ … عادي الطريق قريب
- هاا اي زين حلو المشي
احمد - شنو تتوقعين نتيجتچ
- ان شاء الله نجاح
احمد - يعني سچاچه
- مو ألا بس اني مبيه حيل ادرس دور ثاني
احمد - صح ولا اني
أنت تقرأ
الفرج
Randomماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
