الفرج

32

° حور °

گعدت الصبح على صوت أبرار اخت الاستاذ محمد

أبرار - حور عيني

- همم

أبرار - عيني غوث برة

فزيت وحاولت اگوم
سندتني وطلعت واني اعرج

فتح غوث ايده ألي وابتسم
صارله فترة ماكو
حضني حيل وهمس - مشتاقلك ساق*

ضربت ظهره وگلت - شو مستخف …… ليش قطعت

غوث - عندي شغل وداعتچ

وخر مني وهمس - بس شنو صايرة تخبلين

ابتسمت بخفة وگلت - تسلم عيونك الحلوة

غوث - محمد يگول كملتي امتحانات

- ايي خطية ياخذني ويرجعني وجاوبت الحمدلله

غوث - ان شاء الله تنجحين

- عندك شغل

غوث - ايي لازم اطلع لكربلاء

- اجي وياك

غوث - بابا عندي دورة لازم اخلصهة واجي

- اي اجي وياك

غوث - ميصير يا عيني

- لعد وين ابقة

غوث - هنا لو ببيت عاشور … لو اخذچ لبيت ابوچ

- مادري غوث لتروح

مسح خدي وهمس - ماگدر يا روحي ياريتني اگدر والله

برطمت وگلت - لعد حبقه وحدي

غوث - ابوچ دز عليچ ترحيلهم

- ماريد

غوث - والله حلف ألا ترحين يمهم … وحتى علي اجه يسأل عليچ

- غوث حتعوفني بحجه الدورة موو

غوث - والعباس لا

برطمت ونزلت عيني لأيدي
مسح خدي وهمس - لتزعل گلبي اجي كل فترة اشوفك

- والله متقطع

غوث - والله ما اگطع … و اخابرچ يومية بالليل

- اوكي لعد

غوث - ترحين لبيت ابوچ

- اوكي بس مراح يضربوني

غوث - طبعا لا

باس خدي ورجعت لغرفتي
لملمت اغراضي واخذتهة أبرار

دخلت آية وگالت - شكو ترحين

- شلون ما اروح

آية - عفية ترا عادي ابقي ويانه

- ماگدر لازم ارجع لبيتنه

دخلت آيات وگالت - شنوو ترا تعودنه عليچ

- امرلكم من اصير زينة

آيات - والله تمرين

- اي والله