• سديم •
اختفى غوث الدين من حياة الكل
لا حسناء و لا اني ندري بي وين
اهله همات ميدرون
بس عمو حيدر يگول دائما هو هيچ
گعدت الصبح على صوت ترگع بالباب
فزيت وطفرت للباب
باوعت من فتحت الباب وشفت علي
شعنده هنا
قفلت باب البيت وگلت - شتريد
علي - افتحي الباب سديم
- محد بالبيت بس اني
علي - اعرف افتحي الباب خلي نتفاهم
- ما بينه تفاهم اني مرة متزوجة شنو حتصير نظرة العالم ألي اذا دخلت زلمة غريب لبيتي
علي - هسه صرت غريب
- اي غريب
رجعت جوة للبيت واتصلت ب قسور
قسور ببيت اهله مو بعيد يعني
اهله عندهم طبخ لأبا عبدلله وراح
" ها بوية گعدتي "
" علي برة تعال بسرعة "
" ابن عمچ "
" لا اخو نرجس "
حسيته يطفر من مكانه وگال " فتحتي الباب "
" طبعا لا قسور شنو السالفة "
" زين بوية جاي "
" لتتأخر عفيه حيكسر الباب "
" جاي جاي "
سد الاتصال ورجعت اگعد بالغرفة
واني اسمع ضرب الباب و صياح
بلعت ريگي واني متوترة
بأي لحظة علي يدخل للبيت
مرت فترة وانفتح الباب
طفرت وقفلت باب غرفتي
اندگ باب الغرفة وگلت - عفيه روحح
سمعت صوته الهادي من ورة الباب يگول - هذا اني سديم اطلعي ابويه انتي
فتحت الباب بسرعة وشمرت روحي بحضنه
چنت خايفه اي
حضنته حيل واني ارجف
مسح على شعري وگال - سوي چاي
باوعتله ودرت وجهي لليباوعلنه
بلعت ريگي بخوف ورجعت عيني ل قسور
باس جبيني وگال - سوي چاي حبيبي
هزيت راسي ب اي ورجعت للغرفة
طلعت ثوب اسود عريض ولبسته فوگ برمودتي
وخليت شال على راسي وطلعت اسوي چاي
قسور يخدر واني بس احمي
مديت راسي اباوعله گاعد گدام قسور وهادي ولا عبالك
باوعلي بطرف عينه وابتسم
رجعت للمطبخ بسرعة وصبيت چاي
اخذت الصينية ومشيت للاستقبال
گام قسور واخذ الصينية وقدمله الچاي واخذ استكانه
گعد بمكانه وگال - هاي سديم شتريد منهة
بلعت ريگي من باوعلي علي وگال - اريد اتزوجهة غلطت من فرطت بيهة
قسور - اي ليش لا سديم تردينه
باوعت ل قسور بعيون مغورگة
ضوجني
باوعلي بهدوء وگال - هاا تردينه
اشرت على علي وگلت بأنفعال - تزوجه مرتك
رفع قسور حاجبه وگال - اعرف بسديم ما تمشي بأوامر ف جاي اسألچ تردينه لو لا
أنت تقرأ
الفرج
Randomماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
