الفرج

29

• براء •

گعدت العصر على صوت جوة
عدنا خطار
نزلت وشفت البيت مخبوص

- شكو شصاير

- ابوچ جايينه خطار

- خطار منين

- همه ضباط وياهم وواحد بيهم ساعد ابوچ ب2015

من هاي ابوي مخبوص
هزيت راسي ب اي ونزلت
شفت البنات يسون عشه

- شنو حيجون يتعشون

- مندري فجأه خابرو وعمو انخبص

- شگد حيجون

- تلاثه

- شنو رتبهم

- شعليچ

درت وجهي للحچه وگلت - بس دا اسأل

- مالچ دخل باليجي … وامشو نظفو الاستقبال

طلعت واني ادردم
لميت الاستقبال وسمعت بابا يرحب بيهم وطفرت بسرعة جوة
شفت شاب يدخل وبابا يهلي بيهم

بقيت يم الباب وهم گعدو

اجه جسار وبيده استكانات الچاي

جسار - طبي جوة

همست - ممبينه

جسار بحدة - طبي جوة

رفعت كتفي ودخل يم الزلم
انطو الچاي وسمعت واحد بيهم يگول - عمي احنه جايينك بشغلة

وبابا يجاوبه - اشربو چاياتكم اول

- لا عمي شغلتنا اول

- اي تفضل

- غوث انطي الاوراق

وسكتو
عم الصمت لفترة وبابا صاح - شنووو هذاااا تضحكك عليههه

- هذا شي حقيقي واني ما اتجرأ اضحك على سيادتك

- متضحك علييي شنو هلتمضرط هذاا شنو علي شنو هلمضرطهه هاييي

- هدي بوية هدي

حاول علي يهدي ابوية وشوي وگال آدم - تردون نصدگ هذا الشي … شنو بفلم احنه

- تردونهة لو لا

آدم - طبعا لا شنو هلچذب

تدخل علي وگال - شنو هلحچي آدم احترم …… اسف سيادة الرائد

آدم - هسه انت مقتنع

- السالفة مو مقتنع وما مقتنع اذا ما تردونها بعد احسن

- غوث شنو هلحچي اسكت

غوث - والله ليش الچذب جهال احنه

- عمي حور امانه و احنه جايين نعلمكم بأمانتكم تردونها لو لا

آدم - وشدرانه بتنه صدگ

- اكو تحليل DNA نسوي ونتأكد

واخر شي گال جدو - اي نسوي التحليل ونشوف