• سديم •
راحت ايام واجت ايام واجه يوم عرس حسنين و نور
ابويه مقبل يأجل لعرس لخاطر وحده مو من لحمنه ودمنه
شنو هلحچي
طول عمرنا حور اختنا وحبيبتنا
بس هسه
قاسم حلف ميحضر العرس
واني مجبورة اجي
نص العرس واطفر ويه قسور وعاشور
حسناء هم جايه بس واضح مو برضاتهة
لابسه عبايتهة وماذبتهة من راسهة ابد
ولا تصفگ ولا تهلهل ولا صورت
غوث هم ماكو
وعمو محمد فرحان ويرگص
ونور مطنگرة
رادو ياخذون صورة جماعية وصاحوني
بس ماريد
ماخذ وياهم
خرا عليهم
طلعت من القاعة لبرة
وشفت قسور منخبص
- شبيك
قسور - حور ماكو
- شنو ماكو
قسور - مادري
- خاف غوث خطفهة
قسور - غوث خابرني يگول ماكو
- شلون يعني ندورهة
قسور - عاشور صيحيه
- ماگدر بس ادخل يصيحون عليه علمود الصورة
خابره قسور وماجاوب
واني خابرت حسناء
ما احبهة صح
بس مجبورة
" خير "
" صيحي عاشور "
" شعليه اني "
" رحمة لأهلچ مو مال عناد صيحي عاشور … گوليله قسور يريدك بسرعة "
" شصاير "
" لخاطر حور لتماطلين بسرعهه "
سديت التلفون منهة وقسور يلوب
وجهة اصفر ويزفر بقوة
- قسور اهدء نلگاهة وين تروح
طلع عاشور ووراه حسناء
عاشور - شكو شصاير
قسور - حور ماكو
حسناء - شنو حور ماكو
قسور - مادرييي غوث متخبل يگول علما وصلت ما لگيتهة
حسناء - شنوووو
صاحت وهي ترجف
لزمت ايدهة ونزلت لسيارتي
حسناء بصياح - حورر شنو حور ماكوو
صعدتهة يمي وگلت - بس اهدييي …… قسور روحو للمستشفى واحنه وراكم
تحركت لمكاني وعاشور شخط بسيارته
زفر قسور وتحرك همات
وبسرعة طلعنا للمستشفى
ركنت السيارة ودخلت للمستشفى ويه حسناء
حسناء ترجف
اول مرة ادري بيهة هيچ تحبهة
كل الي ببالي حسناء تكره حور حيل وتغار منهة
شفت عاشور يهز بغوث حيل وغوث عيونه حمره دم
حسناء - غ.غوث عفيه لت.كذب وي.ن حو.ر
غوث - مادري ماكوو
طلع قسور من غرفتهة وبيده اوراق
رفعهن وگال - شنو جدو يگول تفرج وهيه ماتفرج وشنو جدو يگول اني اسف ومنو جدو علي الاجاهة بالحلم
أنت تقرأ
الفرج
Разноеماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
