الفرج

31

• سديم •

حيجي محرم
و قسور ما اتخذ اي اجراء بخصوصي
يعني ما انطاني اي رد او فتح الموضوع
باوعت لنفسي بالمرايه
عيوني مورمة من البچي
البارحة هوايه بچيت
وصارلي فترة عايفه شغلي
ضعفت و اغلب وقتي بغرفتي
علي يوميه يجي يطلبني وارفضه
مدري ليش يريدني هيچ
اقبل لو انتظر قسور
قسور اتندم من هاي عافني وراح
بطل مو
بعد ماكو امل
حسنين مدري شبي طردني من بيته
ورجعني لبيت بابا
نور يوميه تتصل وتگول اني اقنعه يرجعچ
يعني نرجس واخوهة ومرته يوميه يجون ويسمونه بالحچي اني شعليه
محمد تدخل مثل المرة الاولى وبابا مقتنع يمكن
ميردون يسوولي زفة
مدري ليش يردون يشمروني شمر

اندگ باب غرفتي ودخلت زينب

زينب - سديم عمي يگول البسي شي ابيض وتعاي حتى يعقدون عليچ

نزلت دمعتي وگلت - بهلسرعة

زينب - عمو يگول يعقد عليچ وترحين وياه وباچر ترحون تعقدون محكمة

- شنوو هيچ ثقيله انيييي شنو هلتبن هذا

زينب - والله مادري يروحي بدلي وانزلي

اني ماريد علييي
عافتني وطلعت
هو هم مو بيدهم
من وفاة عمو ** واحنه متبهذلين
ليش يا الله
ماريد عليي
خابرت قسور مرتين وما يرد
وبعد ادگ عليه وينطيني رفض
مسحت دموعي وگمت
بدلت لسترة سودة وبنطلونهة
وخليت حمره حمرة ولاينر
فتحت شعري ومشطته وطلعت
نزلت جوة
شفت البيت مخبوص وهوسه

صاحتني ماما - اوگفي ورة الباب حتى تعقدين

- ليش هيچ تشمروني شمرة … بابا ليش هيچ يسوي

- انچبي وامشي …… مو زين خلاچ تدرسين كل خير ما بيچ

وگفت يم الباب وسمعت الشيخ يتلو ايات قرآنيه
يارب ماريد
واخر شي گال - سديم مصطفى حسن هل تقبلين الزواج بموكلي قسور علي ** على المهر المتفق عليه

انصدمت من گال اسم قسور وگلت - منووو

- شنو بنيتي متدرين منو رجلچ لو شنو

وسمعت بابا يگوله - عيد شيخي عيد

گرصني احد وره
ومن درت وجهي شفت نرجس وراي
خزرتني وگالت بهمس - ارفضي … علي رايدچ وساحل روحه لخاطر وجهچ المعفن ارفضي وباچر يجي يخطبچ

ورجع الشيخ كلامه - سديم مصطفى حسن هل تقبلين الزواج بموكلي قسور علي ** على المهر المتفق عليه

بلعت ريگي وگلت واني اباوع على نرجس - نعم قبلت

والثانيه صطرتني * مدري سطرتني *
فزو اليم الشيخ على الصوت الصار والشيخ گال - عمو انتي زينة

بلعت ريگي وگلت - اي اني زينة

رجع الكلام مرتين ووافقت بالمرتين
و نرجس تگرصني حيل
اول مرة احس بهذا الاحساس
لا اب ولا اخوان سندوني
ولد عمي واگفيلي ولو ما علي ابن عمو كان محمد قنع بابا وخلاني اتزوج علي اخو نرجس