الفرج

24

• حسناء•

ركضت لغرفتي بسرعة
شنو هاي
متوقعته هيچ
طلعت ملابسي ورحت للحمام
عزااا
نزعت ملابسي وطلعت رگبتي
علامه زرگة بنص رگبتي
عزا بعينك اي والله

سبحت وحكيت رگبتي حيل
بلكي اسوي اثر يغطي
لحد ما بدت رگبتي تجري دم شويه

بدلت وطلعت
شافتني ماما وصاحت - رگبتچ شبيهة

- شبيهة

مديت ايدي عكس مكان العلامه وهي جابت گطن و خلته على رگبتي

- هاي شنو يمه

- مادري يوم يجوز لان حكيت رگبتي حيل

- ليش حكيتيهة

- مدري عبالك دتگرص بيه

- ايي يا يمه شلون هسه

- حيل مبينه

اخذتني لغرفتهة وشفتهة
عزا بعينك بس انمسح الدم رجعت الطگعة الزرگة

- انغثيتي من احد

- ايي والله ابن اخوچ حيل قاهرني

- اي يا يمة غير رايدچ بالحلال وانتي يعني مو صغيرة

- صغيرة ماريد اتزوج هيه گوة

- مو گوة حبيبتي انتي بس …..

- بدون بس يوم اني اريد واحد يخليني اذب العباية مو اتزوج واحد يريد يلبسني بوشي صدگ تحچين

- هسه بدلي

- ليش

- حور وعمتچ شيماء ببيت جدچ

- رجعت حور

- اي

- هسه ابدل واجي

طلعت فستان جوزي مخصر ولبست شال بيج وحذاء كعب قصير و جنطة
وطلعت

- وين رايحة

- لبيت بيبي غير

- اي همه ذول

- واذا هو اني اشتري الملابس وتصير حصه الكنتور عاد خلي البسهن منا ومنا

- اخذيلچ ثوب لان تباتين هناك

- و انتم

- احنه راح نطلع للنجف … ابوچ راح ياخذنه

- ومنو يبقه يمنه

- غير عمچ حسن يرجع

- هاا اي اوكي

رجعت واخذت جنطة اكبر وخليت بيهة دشداشة
صفنت عليهة
ورجعت بدلت
لبست دشداشة جوزية ككوية ويه شالي وجنطتي
وهم دشداشتي مرتبه ومخصره
بدلت من حذائي الكعب لشحاطة كعب بيج
كحلت عيوني وخليت حمره خفيفه وطلعت

- ها بدلتي

- مبيه حيل ابدل هناك

- احسن يلا امشي