الفرج

11

•غوث الدين •

باوعت للنامت على رجلي
ورة توسل واشتريت چادر صلاة وصفطته
خليته على رجلي يلا نامت
ومغطية وجهة بعباتهة

وخرت عباتهة وشفت وجهة
مشيت اصبعي على عينهة وگلت - لو طافية عينهة شتستفاد

قسور - محد يعرف الصدمة الچانت بيهة

عاشور - بس توصل لهيچ

قسور - زهراء من صارت مشاكل وصلت روحهة للانتحار

- هيه واصله للانتحار

قسور - چا عينك عليهة لان هيچ مرحلة خطرة

هزيت راسي ب اي ونزلت عيني لوجهة
مشيت اصبعي على عينهة وخدودهة
ونزل لشفتهة
عصرت شفتهة بخفة بدون شعور وسمعت صوت عاشور يگول - عيني حجي غوث

وخرت ايدي منهة بسرعة وباوعتله
تحمحمت وگلت - هاا

غمزلي وگال - عجبنك

- انچب

قسور - شكو شبي

- ماكو شي

عاشور - ايي ماكو

درت وجهي للشارع
قسور - ليش صحت مساع

- ابوهة رايح لكربلاء و شايف امهة ومسوي مشكلة شكبرهة يگلهة خطفتيهة

عاشور - شلون يعني

- عود سميرة خاطفة حور

قسور - شگد گو**

- وگالت عينك عليهة … خاف كلشي يسوي

قسور - كسرت خاطري من گالت كسر تلفوني واخذو فلوسهة

- ايي حيوانات مو بشر

رجعت امسح على خدهة وعيني كل شوي تنزل على شفتهة
بلعت ريگي واني اباوعلهة
رفعت راسي وزفرت بقوة

عاشور - راح نوصل

- تمام … حور بابا

هزيتهة وفزت
- اسم الله

باوعتلي وگالت - هااا

- شبيچ

هزت راسهة ب لا وهي متوترة
وگف عاشور السيارة ونزلنه
وهي نزلت من الجهة الثانية
اخذت حلوياتهة وگلت - بوية اخذيهن حتى تاكليهن

هزت راسهة ب لا وشالت بس جنطتهة
قسور - تعاي منا

مشت وراه ودخلو بين الحرمين

بقت تمشي وتمشي لحد ما وگفت
وگفت وراهة وگلت - خير

باوعت وين متباوع وگلت - لتخافين

رجفت وگالت - گلتوله … حياخذني

- لا بوية ما ياخذچ والله

لزمت ايدهة ومشيت وياهة لحد ما صارت قريب عليهم
مبين اني اسحب بيهة
وهي ترجف