الفرج

38

•حور •

اجت الاربعين وخلصت واني بغرفتي
ومحد جايني
گعدت الصبح على صوت براء 👒

براء - عمه

فتحت تك عين وگلت - ها يا روح عمتچ

براء - اتو مرة اتت (أكو مرة اجت)

گعدت عدل وگلت - مرة منو

دفر ابراهيم الباب وفزيت
- خرببب ابراهيم ليش تدفر الباب

ابراهيم - اجوچ خطار فضينه

- خطار منين

ابراهيم - شمدريني گومي

گمت ومشيت للحمام
غسلت وطلعت
لبست ثوب طويل وعريض ولفيت شالي عدل
خليت عطر ورتبت وجهي
وطلعت
نزلت بهدوء واني اسحب برجليه سحب

- لمار محد بالبيت من الولد موو

باوعتلي المقصودة وگالت - لا محد

دخلت للاستقبال اشوف منو اجه وانصدمت
شفت حسناء گاعده وسديم يمهة
باوعتلي حسناء بأبتسامة وگامن
رحت احضنهن حيل

حسناء - شنو هاي حليانه

نزلت دموعي واني حاضنتهن
مشتاقتلهن حيل

سديم - يااا بچت لتبچين

مسحت دموعي وضحكت بوجههن
احبهن حيل

سديم - حليانه ترا

- انتم همات مادري الزواج يحلي هيچ

حسناء - خلصي العدة وجربي

- وعع واتزوجمن

حسناء - غوث الدين منو غيرة

- هاي شبيچ منو ياخذ غوث الدين

سديم - ها ها نغريتي

- ما انغر بس يعني شكو متأكدين يجوز يتزوج هو

سديم - اگعدي لا ارگعچ هسه

گعدت بينهن وگلت - اي عيني الحية الصفرة حتجيبلنه حية اصفر منهة

حسناء - عفيه لا حور لتطلعين لقب للطفل من هسه

- شنو حتسمونه

حسناء - اذا بنية فواطم واذا ولد مادري

- هاا الله كريم بعد

حسناء - اي الله كريم

- وانتي شلونچ ويه قسور

سديم - جيده

- وهو خوما شالعه گلبه

سديم - ليش متسألين شلونه هو ويايه

- قسور خوش ولد

سديم - وانيييييي

- سديممم

شديت على اسمهة وهي برطمت

حسناء - حليانه حيل حليانه