•حور •
حتبدي السنة الثانية
و ماما مغرگتني اغراض
كل ما يجي خالو حسن او عباس تدز بيدهم شي
وحتى تلفون دازتلي
اخاف عليهة من رجلهة بس متقبل
واليوم اول يوم سنة ثانية
متوترة اي
بس يا رب تخلص بسرعة
لبست سوت اسود وكسرت بالشال و الجنطة لبستهن وردي
خليت مسكارة وهايلايتر بالمدمع
بلشر وحمرة وردي على ترابي
لميت اغراضي وطلعت
مبدئيا اليوم مو اول يوم دوام
لا هذا الاسبوع الثاني
بس اني بيه طبع ما اداوم اول اسبوع
رحت للكوسترات وصعدت
لزمت فوني وگعدت اصور السماء
احب الغيوم
گعدت يمي مرة وگالت - تحبين السمه
- ايي … احب الغيوم البيهة
- حلوات كل شي من صنع ربچ حلو
- صح والله
ابتسم واني اشوفهن
رصاصيات
وبيهن مطر
- على حچيچ ما تحبين الصيف
ضحكت وگلت - صح ما احبه لان السمه صافية
- صح … هو الصيف ما ينراد
هزيت راسي ب اي
وباوعت لفوني وللشارع - نازل
نزلت وفتحت الاتصال
" صباح الخير يمة "
" صباح النور "
" شلونچ امي "
" زينة … كُلش زينة "
عبرت الشارع ومشيت على الرصيف
" رايحة للكلية "
" اي يوم تقريبا وصلت "
" سلميلي على صديقاتچ "
" الله يسلمچ افتح وياچ كامرة مدامني بالشارع "
" خاف ابين "
" لا يوم اني علمتچ متنشافين "
" زين يمة يلا "
حولت الاتصال للكاميرة واشرتلهة ب هلوو
" يمه فدوة اروح لهلوجه "
خليت سماعاتي وگلت ".فداچ الكون يا روحي "
" شنو بعدچ بالشارع "
" اي يوم شوفي
گلبت الكاميرة للشارع وگلت " باعي هذا الطريق كله امشيه "
فريت الكاميرة ورة وگلت " اني انزل هناك "
شفت واحد يأشرلي ب هايي
" هذا احمد يمكن "
ضيقت عيوني وهو اجاني يركض
ابتسم بوجهي وگال - هلووو
- هلو بيك شنو متغير
احمد - غير انتي مختفية صارلچ فترة
- اي والله ظروفي بعد
احمد - شنو فتحتي قناة على اليوتيوب
- لا دا اشوف ماما الطريق
احمد - سلميلي عليهة … ويلا نمشي
" يوم هذا احمد طب اسنان … يسلم عليچ "
أنت تقرأ
الفرج
Diversosماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
