الفرج

10

•حور •
گعدت الصبح على واحد يهز كتفي حيل

باوعت للواگفة وگالت - غير تفضنه

- خيررر

- گومي بابا يگول راح نروح للنجف

- واني شعلي

- غير ترحين ويانه

- اوي شنو هاي جديدة

- ديلا فضينه ترة بس انتي مطمورة باقية

گمت بدلت
لبست قميص ازرق سمائي قصير وبنطلون اسود عريض ونزلت وبيدي الحجاب والعباية
غسلت وجهي واسناني
ولفيت شالي
من اطلع زيارة ما احب اخلي شي لوجهي حتى اذا اريد اتوضى ما اتورط شلون اغسل وجهي

اخذت جنطة كتف وخليت بيهة قميص ثاني
خاف كلشي يصير
و لفيت تلفوني بالقميص
خليت فلوس بجيب بنطروني وطلعت وياهم

صعدت بالسيارة ورة
ومرته بالصدر يمه و ابنه وبنته يمي
طلعنه من بغداد
صفنت شوي نوب تذكرت اليوم ماما وبيت بيبي يرحون زيارة
يا رب أشوفهم من بعيد
مشتاقتلهة

ابتسمت بخفة وحسيت بواحد يسحب الجنطة من حضني
باوعت للسحبتهة وانطتهة لأمهة

- هاي شتسوين

فايزة - نشوف شعندچ جايبه جنطة هلكبر

- خليت بيهة قميص ما احب ابقة بواحد هواي

فايزة - ايي واضح

بحوشت بجنطتي
چنت خاله فوط صحية خاف تجيني
و ماخذه ملابس داخليه همات
احتياط حنروح للنجف احنه
وستريج و بنطرون اسود ثاني وقميص اسود
بحوشت وبحوشت لحد ما گالت - هااااا بس قميص

طلعت التلفون وگالت - منين هذا ولچ

بلعت ريگي وباوعت ل بابا
لزمه وحاول يفتحه
واخر شي صاح - افتحيييي

فتحته بسرعة واني ارجف وهو يشوف شبي
عين بالتلفون وعين على الشارع

محمد - اكتبي هذا الرقم

رد رقم ماما ل فايزة وهي تكتبه بتلفونه
واخر شي ركن السيارة على صفحه
ونزل
رگع التلفون بالگاع واني صحت - لاااا عفيه بابااا لااا

جاب طابوگة ورگعة بيهة
واخر شي سواه نصين
صعد بالسيارة وشمره علي وگال - بالعافية عليچ

شمرت فايزة جنطتي علي
ضميت التلفون واني ابچي وسديت الجنطة
الله ياخذنه كلنه
يارب تريله وخلي جهاله يموتون گدام عينه

وصلنه للامام وما صار بينه شي
عيوني ورمت من البچي
نزلت ورحت ويه فايزة حتى ازور

رحت وياهة ودخلت ازور
دخلت ازور
شوي وطلعت اصلي
صليت يم فايزة وبنتهة وورة ما خلصت بديت اسبح
شوي وحسيت بواحد يوخر عباتي
باوعت ورة وشفتهة فايزة