الفرج

17

• حور •
مرت فترة واني بالبيت
ما اطلع ولا اطب
و مرتاحة شوي يعني
عمو مصطفى حلف هو يتكفل بكليتي
و راح يرجع الدفعهن بابا أله
واني مراح اصير اقل من احد

احسني اختنقت من البيت
طلعت من غرفتي وشفت بيبي فارشة سجادتهة وتصلي
الساعة ب 11 بالليل

- بيبي

حاچيتهة من خلصت
وباوعتلي
اشرتلي يمهة وگعدت

خلصت تشاهد ودعاء و گعدت تسبح

- ملانه

صبيحة - اي بيبي اطلعي بالباب شويه

- ااا

صبيحة - والله چندوب راح تضلين ظامة روحچ … اوگفي بالباب علما يجي خالچ

هزيت راسي ب اي وگلت - ابدل يعني

صبيحة - لا بيبي الدنيا ليل محد يشوفچ خلي حجاب على راسچ واطلعي بس عوفي الباب مفتوح

- اوكي

دخلت لغرفتي وطلعت شال اسود خفيف
خليته على راسي وطلعت
اني لابسة تراكسود سماوي
ربع ردن والتيشرت قصير و بجامته عريضة
وفاتحه شعري ملافته

طلعت وفتحت الباب
احنه بالشهر الثاني ف الجو بارد بعده
- بيبي حرد الباب خاف بارده عليچ

صبيحة - بس بيبي اذا شفتي اي واحد ادخلي بسرعة

- اوكي بيبي

رديت الباب ورحت للحايط
رفعت رجلي وشفت الشارع
بقيت اباوع للشارع
و الشارع بي حركة جهال يلعبون طوبة

هب الهوة ووگع الشال من راسي

باوعت حولي وملگيت احد ف عفته
شوي وطار شعري
استنشقت هوة حيل وزفرت
احس مرتاحه
شوي وسمعت صوت بصفي
- شعرك اخذ منه الليل لونه وتباهة بلونه
خوفي الخصر من تميل يشوفوك ويحسدونك
من حسنك الناس تغار يلتارك بگلبي النار

باوعت يمي وملگيت احد
عقدت حاجبي ومديت راسي اشوف الدرج
وماكو احد

- اعوذ بالله من الشيطان الرجيم

سمعت صياح الجهال ودرت وجهي ألهم
- گوللللللللللل

ضحكت على اليركض وهو يصيح گول
يااا واضح شعلو گلبه
- هاي ليش برة

باوعت ل خالو وگلت - منتظرتك

حسن - چؤ خالو حجابچ

- الدنيا الليل خالو و هو نزل

حسن - يلا اشتريتلچ موطة بس مو تگولين لأمي لا تموتنه

ضحكت واخذته منه
دخلت اول وهو وراي

صبيحة - ها يمه اسويلك عشه

حسن - اي يمه جوعان

گعدت يم خالو وطلعت الموطة
حسن - ولچ