• غوث الدين •
بدت حفلتهم
ودزن على زينة ومقبلت تروح
شراح تلبس
شنو اللون الراح تلبسه
طلعت من البيت ووگفت بالباب
اباوع للشارع واسمع صوت ضحكهم
وسوالفهن
شوي وصار صوتهة قريب علي
تقربت من مكان الصوت واسمعهة تضحك وتسولف
- ولچ حورررر
حور وهي تضحك - عزا العزاني شفتييي
نور - صخام وليييي
وطگتهة بضحكه
والثانية تدردم
واخر شي گعدت تغني - طلع عاشق طلع مهتم … طلع ذايب طلع مشتاگ … وانا احسب وحدي المغرم طلعنا اثنينه عشاگ … طلع عاشق طل……… اخخ شبيچ
ابتسمت بخفة واني اسمع صوتهة
فدوة حتى تعرف تغني
تمشيت يم شقتنه ورجعت اباوع للشارع
فتحت تلفوني واتصلت بيهة
وما جاوبت
مرة ثانية
وهم مجاوبت
درت وجهي لباب بيتهم
طلعت سديم من البيت بفستان قصير اسود
تلفونهة على اذنهة وتحچي بهدوء "اني مو گلت ماريد اليوم احد يخابرني …… اوكي اوكي اخوچ الساقط ربو انتم اني شكو …… بابا اني متونسه شكو تخابريني هسه …… دروحي روحي "
رجعت شعرهة ورة ودار وجهة ألي
فستانهة مو بس قصير
ومفصل عليهة تفصل
وشعرهة الاطول من الفستان ما شاء الله
حور شلابسه هسه
بگصر فستان هاي
لو
اطول
حور ما تلبس قصير حي………
حولت عيني للطلعت بفستان سمائي
طويل وفتحته لفخذهة
وشعرهة الاسود الفاتحته ومتناثر على ظهرهة
- ولچ سديم يلااا
بقيت صافن عليهة
اي
گلت ما تهمني
بس هاي التفاصيل تهمني
هاي التفاصيل بس اني اشوفهن
لمحت باب بيت عاشور ينفتح
تحمحمت وگلت - بنات ادخلن جوة
باوعتلي بسرعة وصفنت
باوعتلهة ونزلت عيني ل صدرهة
شنو من نهود شايله
شفت عاشور يطلع واني گلت - طبي جوة
نزل عاشور بالگاع يلبس حذائه
واضح ممنتبه
واني تقدمت ألهن
سديم تباوعلي بهدوء
و حور ثابته
باوعت للباب وشفتهن راداته رد
تحمحمت وگلت - تفضلن جوة منا الشارع
سديم - انت شكو
- عفوا
سديم - شعليك انت بكيفنه نطلع نطب انت شكو
باوعت لحور وگلت - ادخلي انتي
بلعت ريگهة وما جاوبتني
رفعت حاجبي وگلت - تدخلين لو عاجبچ تعرضين اغراضچ للطاب والطالع
عافتني ودخلت
كل شي ألا كرامتهة و سمعتهة
حور البعير
ابتسمت بخفة واني مركز بخطواتهة
اريد ………
لا انچب
درت وجهي ل سديم من گالت - شكلك ما ناوي تتوب
- اتوب ليش شمسوي
أنت تقرأ
الفرج
Diversosماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
