الفرج

21

• غوث الدين •
اني شيطان
وهيچ تخاف مني
زفرت بقوة واني اباوع بالسقف

وحدهة بالبيت هسه
درت وجهي لملابسي البيهن ريحتهة
امهة مو بالبيت
و زينة وياهة
وبس هيه

فزيت بسرعة على صوت صراخ
لبست بجامتي بسرعة وطفرت
شفت باب بيتهم مقفول

دگيته اكثر من مرة وماكو
حاولت افتحه وماكو

اجه عاشور بسرعة وگال - ليش تصرخ

- مادري شكو جووه

سكتنه اثنينه من سمعناهة تصرخ بخوف وتصيح - وخررر وخرررر

بديت اضرب الباب حيل لحد ما كسرته
دخلت وبوجهي لغرفتهة
وهم مقفوله

- حورر بابا انتي جوة

واسمعهة تصيح - والحسين اشمر روحي منا اذا متعوفني …… اطلععع

كسرت الباب ودخلت
شفتهة واگفة بالبلكونه وصاعده على كرسي
وگدامهة نفس الزلمة
الجيران الجواهم

- حور بابا انزلي رحمة لأهلچ

باوعتلي بوجه احمر وعيون مورمة
اشرت بأيدي وگلت - ميتجرأ يسويلچ شي انزلي

نزلت وهي ترجف واني رحت الزم الزلمة من رگبته
خنقته وگلت - شعندك هنا

بلع ريگه وگال بصوت مبحوح - هيه صاحتني

شهگت وگالت - والله كذاب …… عاشور اني ما اسوي هيچ شي والله

عاشور
ليش تگول لعاشور هيچ

ضربت الگدامي حيل وهي ترجف
لزم عاشور چتفي وگال - روح يمهة غوث راح تموت من الخوف

تقرب عاشور من الجواي واخذه للصاله
واني رحت يمهة

فتحت ايدي وگلت - تعاي بابا

باوعت لأيدي وهي ترجف
- تعاي

جاوبتني وهي ترجف - ق.سور ار.يده

- ليش يا عيني غير اني هنا

ما تجيني
بس تباوع لأيدي وهي ترجف

- اني مصدگچ والله … لتخا………

- حورر

باوعت ورة وشفت قسور
تقرب منهة وهي فتحت ايدهة أله
دخلهة من البلكونه وحضنهة

اني واگف وهي تشد على قميصه حيل وتبچي

قسور - اهدي بابا ماكو شي

شهگت بقوة وگالت - والله مم.دخلته … ك.كذاب قس.ور اني ما أسو.ي هيچ والله

باس راسهة وگال - ادري والله ادري بس اهدأي

باوعلي بهدوء واشرلي عليهة
تقربت منهم وخليت ايدي على راسهة وانتفضت
باوعتلي بخوف وهي تشد على قميص قسور

- ادري بيچ ما تسوينهة

لزمت وجهة وگلت - حور لا تشبگين واحد غيري