• حور •
اليوم عرس ماما
و مرت بابا صارلهة اسبوع تتشمت بيه
و بابا اعصاب
دخل بابا وگال - خابري امچ و گليلهة انتي ما قابله
- شعلي اني هاي حياتهة
محمد - حياتهة صخام … حياتچ هم
- شكو حياتي
محمد - ليش ناوية تبقين على گلبي
- لا بس اخلص و اروح لبيت جدو
محمد - ايي و خوالچ يخلونچ تكملين الماخلو بناتهم يكملن لو رجل امچ
طنشته ومجاوبت
بده يصيح ويغلط ويكسر بالغرفة
هيه تزوجت وهو تخبل
اني شعليههه
ماعندي شي حتى اتواصل وياهم
كسر التلفون لان وصلتني صور ماما
چانت طالعة حلوة حيل
ملت راسي واني اشوفه يكسر ويغلط
شوي وعافني و طلع
خليت راسي بين رجلي واني ابچي
اني وحدي هسه موو
ما عندي احد بعد
••••••
••••••
• زينة •
اليوم تجي خالة سميرة لبيتنه
گعدت من الصبح نظفت البيت ومسحته
و حتى بخرته
بديت افتر بالبيت ابخر بي
وصاح بيه غوث - ولچ كافييييي
طلع من غرفته وگال - بت الاوادم من الصبح بخور
- غير حتجي ماما سميرة ورة الغدة
غوث - ماما منو
صفن عليه واني ابتسم
دار وجهة يمنه ويسرة وراح للحمام
كملت تنظيف وترتيب واجه وقت الغدة
طلب بابا اكل من برة
و اجه وقت يجيبهة
صارت هوسه ودخلت بعباتهة السودة للبيت
لابسهة ثوب اسود وشالهة الاسود
صفنت عليهة
ممتفقين هيچ
المفروض تلبس قفطان ابيض
دخلت امهة وگالت - طاح حظچ سميرة ظلمتي الدنيا بوجوهم
باوعلهة غوث وگال - لا صارت منه وبينه ميحتاج تسوي شي ميعجبهة
صبيحة - اعذروهة يمة اعذروهة
غوث - معذورة … زينة اخذي مرت ابوچ للغرفة
ابتسمت وگلت - امشي منا ماما
خزرتني وگالت بنتر - لتگولين ماما
رجفت وباوعت ل غوث
اشرلي اسكت واخذهة للغرفة
مشيت اول وهيه وراي
ودمعتي بطرف عيني
دخلت و گعدت بعباتهة
وقبل لا اطلع گالت - لا ترحون لبيت الحجية فواطم لان مراح يصير شي بينه
باوعتلهة وهي ما تباوعلي حتى
طلعت وشفت غوث گدامي
سحبني لغرفته وسد الباب
بچيت وهو حضني حيل
ردتهة ام ألييي
مسح على شعري واني ابچي
غوث - اهدي يا بوية
حچيت واني ابچي - الله ياخذهة
أنت تقرأ
الفرج
Ngẫu nhiênماذا عن فتاة تمنت حياة جيدة جيدة فقط تنام بهدوء وتستيقظ بهدوء ماذا عن مصائب تقع على رأسها وهي صغيرة مصيبة اكبر من الاخرى - تعبت ...... اريد اموت! ... تفرج لو لا ...... ليشش متگولون تفرجج لو لاا -عظم الله اجرچ حور -بيمنننن - ******* هل ستكون حياتي بخ...
