شرشير

-٤-

سبحان الله
و
الحمدلله
و
لا إله إلا الله
و
الله اكبر

وهـو الحيـل من ينباگ

شتفيـدك العكازه ؟

بلورة : طول الطريق عيني مانشفت أتذكر كلشي حلو صار ب حياتي وكلشي مر طول الوقت ونعرضت كل ال مشاهد المرت عليه كدامي تذكرت
اغتصابه
-رغم توسلاتي

-ودموع عيني مااعافني

-ضرب اهانه شك اتهام تعذيب

-ابد ماجنت أتخيل نوصل ل هل نقطعه

زفرت نفس

صار وقت الهبوط شويه وتوقفت الطائره وبدو المسافرين ينزلون
نزلت للمطار أتلفت بالبوابه والمح ابويه موجود
رحت عليه
اتمنى هيج  أذب نفسي عليه ويتلكاني بحضن دافي يمحي قساوة الشفته
وليد : ها بابًا حمدلله على السلامة
بلورة : تقربت عليه حضنته وكتله

-الله يسلمك مسح عل ظهري بتعدت عنه ومشينه خارج المطار

-صعدت ب سيارته كبل للمجمع يبعد تقريبا نص ساعه عن المطار
وصلنه للمجمع
وليد : اشتريت الشقه لبصفنه كعدي بيها افضل
بلورة بعد احسن

—حزت بخاطري حيلل هل تصرف اذاني اكو اب يبعد بنته عنه بكلبي كلت  يلا مو زين جابني يمه  واستقبلني جان كل شهرين لو يتصل لو ميتصل أصلن ناسين عدنه ابو إهمال لا يسئل حاير ب نفسه دراسته اول ايام كضاها هو وامي مشاكل خلق اعذار حتى يسافر وهسه نشوف سالفه رحيق شنو خلفله عل عبير

—وصلنه للمجمع اشر عل ايده اليمنه شقتهم وعل يسار ثالث وحده شقتي انطاني المفتاح

وليد : تحتاجين شي بعد

بلورة : سلامتك

وليد : ارتاحي وألنه حديث طويل

بلورة : تمام مرخصتك

عفته لعبانه روحي منه ومن الساعه الصرت بيها فتحت باب الشقه ودخلت

— سديتها بالمفتاح نهارت قوتي كعدت وره الباب طلعت المضموم بكلبي كله ايدي عل كلبي وامسح عليه وادعي

-ياربييي ساعدني انطيني القوه والصبر أتحمل هل امتحان
-تعبببت والله تعبت من كلشي ماكو لا ام بيها خير وتسئل وتفتقد ضناها لا ابو محتوينه خلفله عل جدي صار النه ابو بس محد يعوض هل نقص ابد

امي مغصوبه عل ابويه و بسبب لمشاكل بينهم واصلين للطلاق وشكت بنفسها حامل وتدخلو ناس ورجعت علمود الطفل لبطنها عنصريه وتميزز عادتني لان بنيه اي لان بنيه فوك متحتويني اذتني وبتعدت عني مااحس حتى بحنانها بكل مره أتقرب عليها تبعدني اكثر ب فعل لو تصرف يشوغ كلبي كمت ماروح الها

وأميل ل عمة ورود بكلشي وياي سراي احتواني ب حبه واهتمامه جان يعاملني مثل الطفله حتى واني كبرت وماتغيرت معاملته شلون ل واحد لزم تحفيه بيده