شرشير

-٤١-

سبحان الله
و
الحمدلله
و
لا إله إلا الله
و
الله اكبر

انه الچان يدري عيونك تضيعة وعشگهن

—يسر ماما بيج شي حاجيني امي
شفايفها تترجف كوه طلع صوتها من الخوف

—مابيه شي ماما

شنو هاذه الدم شنو كومت يسر من حضني واشوف نفسي غركانه ب دمي لاااا ياربي نزيف راح اجيب بعده موعد ولادتي دخل واحد من الحمايه يركض للبيت ويصيح ب اسمي صوته بالمطبخ

—ام يسر بيكم شي

كوه نطقتها وكتله

—مابينه عفيه ابو حسن لتدخل للبيت خابر سراي يجي بسرررعه

—خابرته جاي

اريد اكوم من مكاني ماكدر رجليه نشلن جسمي كله يرجف ايدي ماسيطر عليها الدم اخذني يسر عينها عليه صارت تبجي

—ماما بيج شي تاذيتي

—مابيه حبيبتي مابيه شي

—والبيبي

—ماكو شي نشاءلله تعاي يمي

حضنتها خايفه صارت تجيني لويات الم مثل الطلوكه بس خفيفه ماكو اقل ل خمس دقايق وطب سراي يركض

—بلورررررة يسر بويه

رفعت صوتي كوه وحجيت
—سراي الحك عفيه

اجه عل صوتي يركض عيونه صارت عل دم ركض متخبل وحالته حاله

—اخ يايمه يابويه بيجنننن شي

قرفص كدامي سحب يسر يكلب بيها يريد يعرف الدم منين مثل لمخبل تهستر رجع عليه كوه حجيت

—أخذني للمستشفى طك نزيف عندي

—نزيف شنو بويه بيج شي تصوبتي حاجيني بلورة لتخبليني

ماكدرت احجي صارت تجيني لويات الطلوكه وحسيت مي الرأس طك لزمت بطني متوجعه
—اخخخ بطني سراي راح اموتتتتت

صار يقرب ب اديه عليه ومحتار منين يلزمني

—شسوي شسوي فهميني

حجيت واني كاتمه وجعي
—جرجف سراي لفني بي وطلعني فدوه راح اموت اخخخخخ

ركض جاب جرجف بس وين يفيد هيهات النزيف اخذني  من الطول للطول عبالك نهر

شالني خليت وجهي ب صدره لمن شفت الجوارين ستحيت
ركض للسياره يسر صعدت قبلنه راسي ب حضن يسر الطريق كله روحي فرفحت من الالم وهو يمشي سريع عين عل طريق عين عليه