شرشير

-٤٢-

سبحان الله
و
الحمدلله
و
لا إله إلا الله
و
الله اكبر

وأنتَ ياأحلى أسمر بِگلب سَمره
———————————————————————————-

ثاني يوم حسيت عليه يبوس ب خدي غمضت عيوني سويت نفسي نايمه
ماريد احجي وياه شايله بخاطري منه حيل

—البيت طافي بدونجن بناتي كافي تعبان رجعي لبيتج

مسك صارت تبجي وعل بجيتها كعدت يسر ابتعد عني يريد يشيلها ميعرف شلون كون اله واحد يحطها ب بحضنه كل هاذه واني مسويه نفسي نايمه
بوس يسر وصار يهزهز ب سرير مسك ماسكتت اجه عليه همس بصوت تعبان

—بلورة بويه كعدي شوفي الطفله تبجي

فتحت عيوني عدلت كعدتي ووجهي ثكيل عليه وكتله
—قرب السرير

قرب  سريرها عليه شلتها بين اديه طلعت صدري الها لمن رضعت سكتت
اباوعله صافن عليه مسح وجهه بثنين اديه وكعد نهايه السرير اخذ يسر بين اديه
—تعاي بويه

صار يلاعب ب يسر شويه وود ورسل حطن الريوگ
—ماما يسر كومي غسلي حتى تتريكين

—اوك

كامت تغسل وهو دار وجهه يباوع عليه نزلت راسي اباوع عل مسك تريد تكعد شبعت حليتها وخليتها ب صفي ابتسمت عل عيونها نفس لون عيوني

—رسل عيونها عليه تعاي شوفي

كام سراي صار فوك راسي بصفي يباوع عليها  دنگ نفسه عود يلاشيها صارت ركبته بوجهي ادري بي متعمد يسوي هيج

عباله اضل اشمشم حتى وره الجيبوب ههههه قبل جنت ماسيطر عل نفسي هسه شبيه ابتعد عني رحمان ومراد اجو كعدو وهو هم كعد وياهم واستلمو مسگ
المن تشبهه وعليمن هي نفس يسر معاني سراي بس لعيون والبياض مني

رسل سوتلي لفه وجاي اخذتها منها احس الم الولاده لسه بيه وراسي يوجعني كامت يسر يم مسك تلزم ب أديها وتمسح عل خدها الناعم شاورتني وهي تكول

—ماما مو تحبيها اكثر مني
—اووف شلونً احبها اكثر من يسري نضر عيني وفرحتي الاولى
باستني بخدي وضلت  تشاور بيه بقينه نتهامس بيناتنه
—تدرين شكد خفت عليج وعل مسك
—يمج مابينه شي
—بابا يكول امج العرمه زعلانه عليه
—اي خلينه نعذبه شتكولين
—للا خطيه

اباوع ل سراي عينه علينه درت وجهي عنه وكتلها ل رسل
—عفيه جاي

اخذته منها

رحمان —رسل حبيبي خلينه اهناا يوميه نجي ونطلع منا للدوام ماطول بلورة زعلانه عل سراي