شرشير

-٢٦-

سبحان الله
و
الحمدلله
و
لا إله إلا الله
و
الله اكبر

يُحليوه يلمضيعهُ الحواري بطِارف عيونچ

———————————————————————————-

—ضلي قريبه

—شلون يعني

—بقربج ارتاح

—مافتهمت

—احس بالأمان

—ههههه سراي شايف نفسك شكدك شكبرك ياامان هاذه تحجي عنه
كل ضني يشاقه لو يضحك عليه

—والله شبيج

—شنو

—شعور الراحه السعاده الفرح كلهن يجن لمن تصيرين قريبه مني ارتاح بقربج

—ممم

—تزوجيني

—للع

—خل اسمعج هاي الاغنيه بلكت يحن كلبج عليه

—يااغنيه

—انتظري

كام من السرير شويه ورجع جايب موبايله رجع نام مادلي اديه حتى انام عليها وهو يكول
—تعاي

قربت نفسي اله ونمت عل ايده منطيته ظهري اباوع عل موبايل طلع مقطع اغنيه حط الموبايل عل تاج السرير
ضمني حيل اله

—ايدك سراي لتتاذه

—مابيها شي بويه

سكتت لمن بدت الاغنيه اول حب صرت اتئمل ل كلماتها فعلا هو اول حب بحياتي واخير حب دكات كلبه مسموعه النفس يجره بحسره خلصت الاغنيه ونعادت مره ثانيه سحب الموبايل نصى الصوت وهو يكول

—اول دمعة الج جنت طالب متوسطه هستوني راجع من الدوام وشفتج كاعده عل مرجوحه وتبجين بدون صوت بس دموعج تنزل حروره صارت بصدري عبالي امج وياج   تقربت منج اريد اعرف ليش تبجين سئلتج كوه تحجين صرتي تشاهكين بالبجي تخبلت من شفتج هيج بس اريدج تحجين تالي طلع رحمان الساق*ماخذ اقلامج اول مره اكتل رحمان من وراج

—ماذكر شوكت هاي

—ب الابتدائيه انتي يمكن ثالث

—تالي شلون سكتت

—اخذتج اشتريلجً اقلام جدد لان طنكرتي حتى الأقلام من رجعهن رحمان ماقبلتي تاخذيهن اله جدد
—مممم