شرشير

-٣٤-

سبحان الله
و
الحمدلله
و
لا إله إلا الله
و
الله اكبر

عن لسان السراي

لميت كل حرگة جفه ومنك هواي تحملت

عريان السيد خلف

————————————————————————————

تقربت منه لزمت ايده نتر ايده   بقوه

—اوكف احجي وياك فدوه

سحب السويج والموبايل وطلع وهو ناررررر
—سررراي

كعدت بالكاع ياربي شسويتتت اني شسويت شوكت ارتاح كلما اكول بدت تفرج تضيق صرت ماشوف شي بسبب دموعي ملخت نفسي هلست شعري هسسه يصير بي شي من وراي طلعت اركض مثل لمخبله دخلت للبيت رحمان كاعد يخابر بالحديقه من شافني سد الموبايل وكام مفزوع

—رحمان فدوه اركض ل سراي

—شكو شبي

—تعاركنه رحمان طلع وهو اعصاب عليك الله شوفه وين راح ليصير بي شي

اتصل بي اكثر من مره مايجاوب

—ادري زغار انتو استغفرالله كافي تبجين طبي طالع اشوفه

—اتصل عليه فدوه

—ميخالف

طب للبيت اخذ السويج وطلع واني روحي تلوب شحجاني شلون طلعت مني الله يأخذني الله يأخذني  خررررا بيه لصتهااااا طبيت للبيت دخلت ل غرفة يسر كاعده وعلب الخرز بالكاع  تلعب بيهن وتسوي اساور شلتهن وصرت ابجي

—مامي شبيج

—مابيه حبيبتي بس راسي يوجعني

—ليش يوجعج

—ماجاوبت بالامتحان

—عادي ماما لتضوجين حبابه

شبكتها وكتلها
—مابيه شي حبيبتي سكتت

رفعت اسوار وهي تكول
—شوفي بابا اشترالي خرز سويت الج اسوار

—شكرا ياروحي يلا نامي تاخر الوقت

كمت اطلع من غرفتها كابلت الكامرات هسه يرجع وهسه يرجع وماكو اتصلت رحيق جاوبت عليه واني منهاره

—شبيج بلورة صاير شي يسر بيها شي

—لاااا مابيها بس اني تعبانه رحيق تعبت والله شوكت ارتاح وتضحكلي الدنيا مو طاقتي خلصت بعد مابيه حيلللل

—شبيج اهدي بلورة عليش هل بجي يا ماما اهدي

—راح خسرته رحيق والله خسرته

—شكو غير افتهم اخذي نفس واهدي عل كيفج ولج كلبج ليوكف

—كتله نفسي تلعب منك

—منو سراي

—اي

—صدوك جذب هي هاي حجايه تنحجي