شرشير

-٣٠-

سبحان الله
و
الحمدلله
و
لا إله إلا الله
و
الله اكبر

شنو الميتلي مـادري أحس دورت سنة بـروحـي

لـ زيد الهاجري

————————————————————————————

!!تنويه البارت لا يناسب جميع الفئات العمرية

كلبي صار يدك بقوه لمن شفت نفسه العتوي كاعد بالمخزن خترعت لمن نفخ بوجهي جسمي رجف رجعت ليوره

صارت كدامي حديده شلتها وضربتهاا ناحيته حتى يبتعد باوعلي بعين صلفه دار نفسه وطلع من الشباك مال المخزن كلش زغير طلع منه

اخذت نفس وتقربت دخلت اباوع كله متره ب مترتين اضلممم وخرابه الضوه

ضارب الكاع بجهه قريبه عل حايط مليانه دود بشكل مو طبيعي تقربت اكثر ريحه تلعب النفس كلت جوز اكو

شي ميت هناا سديت لباب وطلعت واني افرك بصدري رجعت حالتي الزفت

طلعت من المكان بكبره الخنكه محتله صدري لمن تصير بيه تاكل نفسيتي اكل ادمر تهد حيلي مزاجي كله يختلف جذرياا

كعدت عل مرجوحه سانده راسي عليها باوعت للسمه ونزلت دموعي احس بهل ايام المرت كبرت عمر فوك عمري ياربي كلشي ماريد غير سلامة يسر ونرجع بخير وهاي الحاله تخف عني فدوه ل اسمك ياللهي

دخلت للبيت

صار ١٦يوم واني كمت الوب لشوكت يعني أبقى هنا سراي قليل يتصل لو يدز مسج وكلما اكله شصار يكول لسه مستمرين بالبحث وماكو شي جديد زاد خوفي اكثر لمن خاطفين ابن صديقه وهمه مخبوصين لعبت نفسي

اباوع بالمرايه حتى وزني زاد لان بس اكل ونوم ماكو لا حركه ولا صخام بس

احسه حلو عليه بارز تقاسيم جسمي اكثر جان وزني ٥٨ هسه صاير ٦٥ عزه

والله اذ اضل اصير شسمني اني من نوع سمني ميصير ب بطني لا يصير بغير

اماكن مااختلطت بيهم هواي ولا انزل اكضيها اقري يسر خلصت المواد الهاا وعل تلفزيون مدد إجازتي ل ١٠ ايام بعد

نزلنه تقريبا ساعه ١٠ ونص باليل اني ويسر كاعدين بالكلدور جدي وبيبي

كاعدين يسولفون كعدت يمهم شويه واجت وداد جدي وبيبي راحو للغرفه

ينامون ضلت بس وداد تخابر ب صديقتها دالعب بالموبايل المزرعة السعيدة احبهاا وهسه صارت ادمان عندي وماسمع غير حس يسر ركضت وتصيح دادي

رفعت عيني ابتسمت لمن شفت سراي واكف يم الباب بطوله ياأخي مدري شجاني صرت خفيفه وعيني صلفه اول مره هيج افصله تفصيل  واركز بتفاصيله لهدرجه

لبس فالينه سوده ضابه عل جسمه بارزه تقاسيم جسمه وهو من نوع صاحب

اكتاف عريضه وواسعه راحت عيني عل عضلات ايده لمن شال يسر برزت