شرشير

-١٨-

سبحان الله
و
الحمدلله
و
لا إله إلا الله
و
الله اكبر

بـس الـمحـترک يـفهـم حـجي الـدخـان
ويـعـرف حـرورتـه ويـفهم سـبب عـلته

مـثل عـاشكـ بـغربـة ومـره وكـت غـروب
يـفرفـح مـن يـمر طـاري الـهـوا يـموتـه

انـه بـخـصر السنابـل جـم حـلم ضـميـت
وطـعـم شـبكـة المـنجل من رحـت ضـكـته

النـدى عـمره مسافـة ومن يـطيح يـمـوت

طلعت للبيت غسلت وبدلت وكعدت ادرس يسر حتى بدون غده مااشتهي أحط شي بحلكي بسبب الصار لليل مراد راد يروح وكفته

—مراد احجي وياك

—كولي

—مراد لتضوج مني فدوه

—احجي بلورة اسمعج

—اني مامزوجه مراد ويسر بت سراي

—ادري

—شنو منين تدري

—من زمان اول مااجيتي وره فتره عرفت بس ماحجيت ولا فتحت لموضوع وياج هاذه الشي خاص بيج بلورة حياتج هاي اني لسه متندم بكد شعر راسي ماكدرت احافظ عليج وامنع سراي عن اذيتج وامنع الصار كله

—دمعت عيوني واني اشوفه يحجي بحركه ذبيت نفسي ب حضنه

—لتكول هيج زغير جنت انت شتكدر ل سراي لتحمل نفسك ذنب

—اسف بلورة

—شششش لتتعذر ماعليك بالعكس انت اخوي ل رافعه راسي بي يايوم حتاجيت شي وانت كلت لاا مالي غيرك بهل دنيا الله يوفقك ويحفظك

—أمي وابوي انتي

—ياروحي

ضلينه نسولف شويه وراح دخلت لغرفه يسر نايمه كعدت يمها عل سرير مادري محتاره شلون احاجيها وأفتح وياها الموضوع

شلون تتقبله مادري اخاف من ردت فعلها تكون قاسيه او تأثر على نفسيتها ساعات اكول احسن ل سويته ساعات اكول لزم انطيها علم قبل هاذه الوقت مادري عقلي تشوش

كمت ل غرفتي دزيت خبر ل ناديه تاخذلي اجازه لان ماكدر اداوم نفسيتي تعبانه

سديت الموبايل التفكير موتني وين يلا نمت
ثاني يوم كعدت لصبح سويت ريوك ل يسر وبدلت ووصلتهاا للمدرسه طلعت مناك محتاجه كم شغله للبيت اخذتهم ورجعت طبخت برياني خليت كشمش عليه يسر تحبه وسويت مرگه باميه