شرشير

-٥-

سبحان الله
و
الحمدلله
و
لا إله إلا الله
و
الله اكبر

كأنه كتب علينا العيش هكذا
معلقين في منتصف الأشياء
لا نحب ما يحدث
ولا يحدث ما نحب...

فتحت الموبايل وخليته عل شحن كمت اشرب مي رجعت نمت ثاني يوم كعدت لصبح تذكرت نتائج سادس معقوله لسه ماطلعن دخلت على موقع التربيه
وشفت ناشرين قبل اربع ايام دخلت عل رابط
ودخلت عل محافظه
بديت ادور بين الاسامي ولكيت اسمي

بلورة وليد عبدلله
وكع الموبايل من ايدي واني اشوف درجاتي
جنت ادري بنفسي زينه بس مو هيج كلهن بالتسعينات و ميايه عدا الرياضيات ٨٩
معدلي ٩٦
-الحمدلله مااضاع تعبي
ضليت افكر شلون اجيب ل وثيقه واقدم عل دراسه هناا عل اقل اتلتهي بيهاا وهم أفيد نفسي واحقق طموحي
—مراد ماكدر اعتمد عليه بعده زغير واخاف يفلت ب كلمه كدامهم
كمت رتبت الملابس سجلت نواقص الشقه بورقه وقلم كلت باجر العصر انزل اشتريهن
كعدت عل موبايل سويت واتس وانستا وفيس نزلت سناب

—تذكرت ولي معقوله يكدر يفيدني بهل موضوع اي ليش لا خل اجرب حضي واذ ماكدر اشوف غير طريقه

كمت طلعت الكارت ل نطانياه
حفظت الرقم ودخلت عل واتساب اشوف مسجل دخول
طلعلي مسجل دخلت عل صوره الشخصيه
صورته هو صاعد على حصان
ردت اراسله بس ترددت الوقت وقت دوام وخاف مشغول شويه وطلع نشط يمي كلت خل ادز
كتبت
-السلام عليكم شلونك استاذ ولي

دزيتها وخرجت من البرنامج دخلت اتصفح بالانستا دخلت على حساب سراي ماكو شي نفس ماجان قبل لا اجي ممحدث شي جديد
خرجت
سديت الموبايل كمت بدلت بنطرون وبلوزه خفيفه الأثار بدت تخف شويه مشطت شعري ورفعته ليفوك

نزلت وكفت كبال شقته متردده ادكها
بس ماعندي حل حتى يطلب تكسي
دكيتها نفتحت وطلعت مره متوسطه بالعمر
بس حلوه ووجهاا دافي
—تفضلي حبيبتي

—حرت شصيح الها حجيت واني مرتبكه
—خاله تكدرين تصيحين ابويه

—ماموجود طالع

—ممم درت وجهي صاحت وراي
—محتاجه شي اساعدج كولي
—لا مو ضروي ردت يأجرلي تكسي اريد اروح للسوك
—اي تمام هسه اني اتصل عل تكسي
—اكون ممنونه
—بالخدمه حبيبتي
دخلت خابرت وكالت تعاي فوتي
دخلت للشقه
راحت جابت مي وعصير
—تسلمين مااشرب
—شربي قبل لطلعين شويه طلعت السوك متعبه
—اممم
—ياريت لو جايه كاعده ويانه عل اقل ونس وياي
—موجوده شوكت ماضجتي تعاي
—صدوك والله
—اي
—فرحت كلش لمن شافت استجابه مني شويه وكالت اجه طلعت من المجمع صعدت بوجهي للتكسي حجيت وياه للسوك واخذت رقمه حتى ارجع اتصل عليه لان هنا ماعرف احد
وصلني بديت افتر واخذ اكثر من شغله الي رجعت عل فواكهه واخذت فطاير واكل جاهز لان ماعرف اسوي شي عل اقل ادبر نفسي بهذولي بين مااتعلم
رجعت للشقه واني هلكانه ذبيتهن بالكاع ورحت بدلت ملابسي ب شلحه قصيره
من الصار لسه روحي نار كابه حتى البرد ميفيد وياي
فتحت الموبايل واصلني مسج من ولي