شرشير

-٢٢-

سبحان الله
و
الحمدلله
و
لا اله إلا الله
و
الله اكبر

أنا ل وياك جنت روح ب روح

—————————————————————————

—احبج الفاهيه

ضربته بنص بطنه وكتله

—ولي ابو النسوان

—انتي كل نسواني

—جذاب

—وعيونج وهاي كدامج الخطوط اكسرهن وحتى الموبايل ماريده بعد اهم شي ترضين

—ضوجتني منك والله

—ميخالف حبيبي تحمليني ماعندي غيرج

—ممم

—تصالحنه

—لا

—لعد

—بعدني ضايجه منك

—ابوسجً حتى تروح الضوجه

—اطلع اشرفليي طلعت منحرف

—ههههه

عفته بالغرفه وطلعت تلكتني بلورة
—خوب ماسوالج شي

ستحيت منهاا هو طلع ورايه كتلها
—لا شحده

ضحكو ثنينهم وكالت
—عفيه بالسباعيه واخيرا اجت لتسحل رحمان

ابتسمت بوجهه هو كلهاا
—اويلي منجن دمرتن ولد ماجد وسقطتنا ارضاً
—خطيه فقره ولد ماجد

—وين اكو افقر منه

—لا ماكو يلا اطلع كمل عن مراد مو فلتت

—صار يابه

طلع وهي ضلت تحجي وياي

—اسفه لان دزيتج بس راد يحجي وياج صدكي لو اعرف نيتة لعب مااخلي يوصلج بس رحمان يحبج لتخسري لان ميتعوض مو لان ابن عمتي بس فعلا ميتعوض كلبه طيب وسبورت صح شويه عنده سوالف عوجه بس حده كلام ومجامله لا اكثر ميجاوز حدوده

—يعني بس مخابره ورسايل

—ايي و سراي فوك راسه مايخلي يتنفس يوميه مرزله وللامانه صارلي فتره اشوفه ميخابر احد جان موبايله ميوكع من ايده هسه لا
—مممم

—لتخلين الماضي يأثر عليكم وشوفو حياتكم العمر بثواني يركض بينا واحنه مندري