شرشير

-٣٢-

سبحان الله
و
الحمدلله
و
لا إله إلا الله
و
الله اكبر

‏تجي ننسى الزعل و اغازل عيوونك؟.

—————————————————————————

—كافي ياروحي الله ياخذ حقج منهم طلعتي ب وجهه ابيض كدام ربج بس
هنه وين يروحن من عذابه كومي لبنتج شدي حيلج

كمت مستنده عليه طلعت للحمام غسلت وجهي رحت للمطبخ شربت مي لزمت ايد يسر وطلعت من البيت للحديقه بنص الشمس ساعه ٢ الظهر طلع جدي راد أطب للبيت ماقبلت حرمة عليه دخلته من هل لحضه لو اموت ماارجع اعتب هل باب لو اعرف مدري شنو يصير رحمان ومراد كاعدين بالحديقه كام رحمان جاب عصير ومي ماشتهيت اخلي شي بحلكي بس يسر اخذت العصير

—دكومي جوه لتعاندين الطفله لتتمرض

—عوفني رحمان ماادخل للبيت

يسر نامت ب حضني نصيت راسي عل يسر سويت الها ضل عن الشمس فزز صفنتي مشيت سراي اجه سريع علينه وعيونه ذبلانه مبين التعب والكسره بيهن

شال يسر بين اديه حطهاا وره بالسياره نايمه رجع شال الغراض

—صعدي جايج

حجاها وطب للبيت رحمان مشى وراه ماهتميت صعدت بالسياره منتظرته يجي ماطول اقل ل دقيقتين واجه شغل السياره ومشى

طول الطريق صافنه ودايره وجهي عل شباك اباوع للشوارع ماحجيت شي ولا هو حجه بعد مده طويله وكف يم بيت حلو لا جبير ولا زغير واكفين حمايه بالباب  عبالي يرجعنه للبيتي

—شو هنا

—يومين تحمليني مو اكثر هنا أئمن الكم