سبحان الله
و
الحمدلله
و
لا اله آلا الله
و
الله اكبر
حد للميانة وياي بالك تحط دوم
مسموح ألك وتمون حتى على الهدوم
علي حسين الشبلاوي
————————————————————————————
—شسوي ابادر يروح يفشلني
—بربج وانتي مهتمه للفشله وعايفته والله سمعت من رحمان وياهم وحده لزكتله لزك
—منو هاي
—مادري بالدوام واصلن كومه داخلات نسوان للسلك العسكري وسراي اله منصبه وعليه العين ووسيم وهم يحتاجنه بحكم العمل ليصير شي يعني اله يروح من ايدج تالي تضلين تتحسرين فكري ب بنتج بلورة الطفله تحتاج ابوها مهما يكون ووضعكم غلط اشو لا انتي متزوجه وشايفه دربج حتى نكول طريقهم مسدود ولا هو لمزوج يعني برئيج لشوكت واحد يبقى منتظر الثاني
سكتت يسر دخلت مشتري الها نمنميات كمت وكفت
اباوعله من الشباك حده الباب بس دخل يسر وطلع لبيته
انقهرت اكثر فعلا الوضع بيناتنا لزم ينحل مو مال نبقى هيج
محتاجه احد يدليني يرشدني
—شسوي رسل فدوه علميني تره لشوفين يسر جبيره كلشي ماعرف من صارت عمري ١٨ سنه وحتى صارت بالغلط ربج رادها تصير
—اي بسيطه هاي ولج البسي وتدلعي وتكشخي وروحيله اله ينسطر والله
—تره مو رجلي رسلل
—مو هيج قصدي سويله مفاجاه او شي الزلم تحب هيج أشياء اعتذري منه بررري موقفج هسه هاذه رحمان ساطرته سطر صار من البيت للدوام ومن الدوام للبيت طلعه لو وياي لو يطلع نص ساعه ويه اصدقائه اغير لبسي وادزله صوره يجي طايرر
مامخليته يشوف دربه نسى شي اسمه نسوان وصار مثل الميل حتى اصدقائه يكلوله سبحان السواك هيج صار يمشي بصف الحايط ههههههه اذ يشوف مره يصيح استغفرالله
—عزه بعينج الفاهيه يطلع منج كل هاذه
—شعبالج ههههههههه
اجتني يسر كعدت ب حضني باستني وكالت
—مامي اريد اروح للمنصور باجر
—ليش حبيبتي محتاجه شي
—باجر عيد ميلاد بابا واريد اشتريله هديه
فتحت عيوني عل وسعهن
—وانتي منين تعرفين
—اني حافظه التاريخ واعد يوم يوم اله
رسل : ههههههه تفضلي اجتج مناسبه بدون لتعبين
—ميخالف تدللين
باوعت ل رسل محتاره
—باعي خل اكولج انتي مدبريها وحدج مبينه باليل سوي اله جو رومانسي وصالحي وكسري الزعل والله حماي خوش رجال بس انتي مدري شلونج متحركين نفسج
أنت تقرأ
شرشير
Ficción Generalنظراتها كوتَر الجيتار الناعم الحنون وصوتها كاللحن الهادئ الذي ينساب في خفوت اما هو يسود ولا يُساد
